استفسار عن فتامين حذف الريش ؟؟

[AL-DOSSARY]

السلام عليكم ورحمة الله وبركاته
بسم الله الرحمن الرحيم ..

اخواني حبيت استفسر من منكم جرب فتامينات حذف الريش .. للشيهانه البحريه .. .. وهل تضرها .. ولا لا ..

واللي جرب دواء ممتاز .. يساعد على حذف الريش .. يعلمني ..


وجزاكم الله الف خير

[راعي غضبان]

والله وانا اخوك جربوه ناس وضبط معهم بس بوزنه معينه لان الزود يظر الشاهين ويسبب لها نهته انا شفت واحد من الربع صفت مع الطيور وهي فرخ وطردها مسكت ولا فيها شي والا واحد من الربع ماعرفله بدون وزن عطاءعشوائي والله ضرتها صابها زي النهته ماغير نفسها يهتز زورها شغال فوق تحت وادنا كفخهه تفتح فمها بس هذا لانه اخطاء بوزن البودره لان له اظن اسبوعين وتوقف اسبوعين وتعطيها اسبوع وتوقف شهر وتعوده اسبوعين وخلاص وتهلهل بس بوزنه فيه ملعقه داخل البودره هذه وزنتها والله يستر على شيهانتك وانشاءالله تصفي مع الطيور

[falcon 1]

والله يا خوك مدري عنه بالضبط ...لكن ادري انه واحد من الربع جربه على شيهانته وتعبت حيل مدري وش السبب ...انا اقول خل كل شي طبيعي افضلك لكن شوف الي يناسبك والله يرزقك ويوفقك

[قنيص غير]

انا اقول خل كل شي طبيعي افضلك لكن شوف الي يناسبك والله يرزقك ويوفقك

[AL-DOSSARY]

الله يجزاكم خير ..

[ركن برزان]

والله يا الغالي ممثل الطبيعي شي خاصه اذ الشياهنه طيبه


يمكن تضرها وانت ادره

[عنيد]

تضعف الريش لكن فيه شيء زين من الفيتامين
تلقاه عند الصيدليات البيطرية 11 عنصر من الفيتامينات منها للريش وفتح شهية الطير ورفع المناعة عند الطير ( مقاومة الامراض )
ومفيد للطير بجميع الحالات وانصحك به مع اضعاف الطير ورفع وزنه فهي تساعد على الحذف واتمنى انك تخلي مقيضها طلق بإذن الله تشوف مايسرك
آسف على الاطاله
اتمنى اني افدتك ولو بالقليل وكل ماقلت هو تذكير وليس تلقين :good2:

[نايف العويمرى]

افدواك الاخوان ..

[عبدالله فارس]

الطبيعه ما فيه احلى منها

[مولع بالطير]

افاوك الاخوان تقبل مروري