تشـــــــــــيــيك مــــحــمية التيســــية بأسلاك شــــــــائكة [الأرشيف]

ابوفارس 5350

15/06/2010, 01:37 AM

السلام عليكم ورحمة الله وبركاته
كيف أحوالكم ان شاء الله بخير وصحة وعافيه أتمنى لكم ذلك
طبعا الخبر من يومين وهو حديث الكثير من المهتمين في منطقة (التيسية)

وإتصلنا في رجال يجيب العلم من الزبيرة الواقعة على حدود المحمية
قال : والله نشوف سيارات المحمية ولهم عينه ومسوين حركه بالديرة
قلنا : تشوف شبك او سمعت عنه شي , قال : ابد ما فيه شي , وحنا رافعين برقيات , وفيه ناس من لينه رافعين برقيات
للملك عبد الله حفظة الله ورعاه , وينتظرون الخبر
واليوم جاني اتصال موثوق يقول ان محمية التيسية
سوف يشبك جزء منها بشبك و تم تحديد موقعه ومساحته وهي 20كم * 20 كم ,
وجاري العمل في هذا الآن , لتوطين بعضا من الحياة الفطرية , والجزء الأخر سوف يعمل به لاحقا .
ونرجو من أي شخص لديه خبر آخر عن هذه المعلومات ومتأكد منها إفادتنا مشكورين

محميه التيسية
http://www.alganasah.com/test/up/ar/hp9292.JPG
وتقع شمال شرق الرياض ضمن مناطق القصيم وحائل وتبلغ مساحتها 4262 كيلومتراً مربعاً.
يوجد فيها بعض الطيور النادرة مثل الحبارى، والغطاء النباتي فيها جيد وصالح لإعادة توطين الحبارى

عوق الخريش

15/06/2010, 01:49 AM

بسم الله الرحمن الرحيم ,,
السلام عليكم ورحمة الله وبركاتة:
حياك الله أخوي : أبوفارس 5350 ,,
أنا لله وأنا أليه رااجعون
هذا والله الخبر ألى مايسر الخااطر لا على أهل البل ولا على أهل الغنم ولا لهل الديرة غض النظر عن أهل المقانيص ,,
وين يروحون أهل الدياار يهااجرون ولايطيروون عن دياارهم ولاكن الخبر بأذن الله أنه رااح يقلب على العكس ,,
معن الى سمعت سمعناااا ولاكن جيووب المحميه الى موجودة يمكن يفحصون كفراات أو سيارات ههههه ,,
والله ياابوفارس الظااهر خلاص صقاارة ومقناص فى السعوديه أنتهت مرة نبغاء نبيع الطيور ,,,
كل ماوجهنا شمال محميه جنوب محميه غرب محميه شرق محميه الله يستر على بيوتناا ؟,,
ومدام اهل الدياار قايمين فى هذا الموضوع أنشاء الله رايح يصير فيه خط رجعة ,,

تحيااااتي لكـ ..... وشكراّ ,,

أخوكـ

( عوق الخريش )

فارس 74

15/06/2010, 01:51 AM

عسا الخير مهوب صحيح يابو فارس

وين يروحون الناس ومن المستفيد هذي

فارس 74

15/06/2010, 01:53 AM

عسا الخبر مهوب صحيح يابو فارس

وين يروحون الناس ومن المستفيد هذي مناطق رعي وقريبه من المناطق السكنيه
ما تصلح محميات
تشبيك هذي المنطقه امر غريب بصراحه
لكن وش نسوي الشكوى لله

النااايف

15/06/2010, 05:18 AM

هذا العلم الي مهب زين
هذا مقناصنا
اذا شبك وين نقنص
تلقا الصقاقير مجتمعين باماكن
ياالشامه او الدهنا
التيسيه مبروكه
كلن يقنصه ولابه مزاحم
وسيعه

عنيد

15/06/2010, 08:29 AM

عز الله رحنا فيها :(
لاعدت يالطارش تجيب العلوم ولاعادت علومك ومن جابها

قنيص غير

15/06/2010, 10:31 AM

عسا الخير مهوب صحيح وين يروحون الناس

االمفترس

15/06/2010, 11:19 AM

هذا العلم الي مهب زين

يوسف 206

15/06/2010, 11:22 AM

الشكوى لله
ارض توسع الصدر لكن الله يريد الي به الخير

عاافك الخاطر

15/06/2010, 12:31 PM

الله لايجزى العدو بالخير وش بقو لنااا من الارااضي كلها محميه محميه.هههههه بيعنا طيورنا..

صقار الأسياح

15/06/2010, 12:44 PM

الله يستر والمقسوم مقسوم واذا موجهه برقيه للملك صدقني ما يصير شي وابو عابد ادرى بمصالح شعبه

ابو صقر 111

15/06/2010, 12:47 PM

البشر احق بها من الحيوانات هذه منطقه تشرح الصدر ولو ما لنا بالمقناص نروح للراحه فيها وفيها ناس طيبين من حرب وشمالها شمر ناس تحترم اللي يروح لها ولا ينغصون عليه او يتكلمون بحقه بل لايلتفتون الى احد وهذه من طيبتهم 00نرجوا ان تبقى للبشر وشكرا لناقل الخبر

ركن الشمال

15/06/2010, 01:43 PM

خبر غير سار اذا التيسية شبكة

القرناس المهاجر

15/06/2010, 02:02 PM

كل ماوجهنا شمال محميه جنوب محميه غرب محميه شرق محميه الله يستر على بيوتناا ؟

الله يعينكم .. لكن يجب ان تتذكروا ...
ان الحياة الفطرية لها حق في البقاء بموطنها
والهيئة إذا لم تفعل مثل هذه المحميات فلاداعي لبقائها :)

واعتقد ان الدولة أعزها الله ادرى بمصالح المواطنين
وإذا كان هناك اي منغص أوضرر على الأهالي فاليخبروا به المسئولين
وإن اقتصر الأمر على التنزه .. فلا أجمل من أن تتنزه بجوار طيور الحبارى :good2:

والله عندي المحمية .. ولا مشروع الربيان الذي دمروا به السواحل :mad:

مدوج الوعر

15/06/2010, 04:33 PM

لا حول ولا قوة الابالله
وش يشبك بالتيسيه
هالضبا اللي مايشاف طرف الجميله
والارنب مالنا به علم بالتيسيه
مابه الا ضربون وزابن شبك ابن سعدى
ضاقت الديار
الله يكون بعون اهل الزبيره

أيام العبور

15/06/2010, 04:44 PM

وعليكم السلام ورحمة الله وبركاته
الحمدلله على كل حال
قدر الله وماشاء فعل
اسال الله العظيم ان يغنينا بفضله عن من سواه

دمتم بحفظ الله عزوجل

القنــ أبو تركي ـــاص

15/06/2010, 04:52 PM

إتعب عليه وعادة الحر يافـي ***أضرب سهلها والوعر والشغيه
يجيبه اللي رازقٍ هالعجافـي ***بهايمٍ تمشي على غيـر نيـه

والله خبر يكدر الخاطر

اتمنى من هيئة حماية البيئة تفكر بإجابية اكثر

دعاس

15/06/2010, 09:30 PM

بسم الله الرحمن الرحيم
هلا وغلا ابو فارس,, والله يعينكم وماتدري لو هي خيره والمنطقه المراد حمايتها كلها 20كم*20كم شف الله يعيننا محميتنا 100*100ويوم كانت محميه مضبوط,, كان يطلع منها الصيد ومستانسين,, والله ماتدري لو هي من صالح الجميع, وتقبل مروري
ابو نواف

ذراع الذيب

15/06/2010, 09:46 PM

والله عندي المحمية .. ولا مشروع الربيان الذي دمروا به السواحل :mad:

السلام عليكم ورحمة الله وبركاته,,

مسيت بالخير يابوفارس,,

يالله حيه وشلونك عساك طيب ان شالله,,
ايه يالمهاجر عزالله انك سبقتني بالرد من شفت الموضوع طرت علي الشركات,,
اللي قايمه بالساحل شركات الربيان والله يالمحميه طيبه ويازينها زيناه ماهوب الدمار,,
اللي صاير بالساحل من تخريب وتحفير وتشويه للطبيعه
والله يرزقكم يابوفارس بالمقانيص,,
الطيبه والديار الزينه وان شالله تكون خيره لكم في السنين الجايه والله يعطيك العافيه ويبارك فيك,,
تحياتي لك,,

الطبشي

16/06/2010, 12:16 AM

الله يكون في عون اهل الرعي 0000000

ابوفارس 5350

16/06/2010, 11:23 AM

اسعدني مروركم جميعآ على الموضوع والمشاركه فيه
وشكركل من ابدا راية فيه
صدقت ياأخوي ابونواف أنت وبعض الاخوان لعله خيرة أن شاءالله
ونحن لانستطيع عمل شي ؟؟؟؟ الله المستعان

لكن اطلعت على الخريطة الجديدة اليوم وياليت ماشفتها ضيقت الصدر شوي
ذكريات المقانيص راحت كلها في هالمحمية
,,,,,,,
لكن فيه اختلاف من حيث حدودها الأوله
مشملين فيها كم كيلو شمال طريق لينه تربة
اللي يعرف الديرة حدة من شمال عرق البيدين والعاقر
ومن جنوب شعيب الشويكي شرق الزبيرة
وان شاءالله انزلها لكم قريبآ

طير الهقاوي

16/06/2010, 01:30 PM

بسم الله الرحمن الرحيم
وعسى ان تكرهو شيء وهو خيرا لكم

بالعكس شي جميل ولو انه بيكون لهل الحلال مضره
بس صدقوني
بتكبر الشجره وتزين الخد
انا ياناس نعاني في هذا البلد من التعريه الصحراويه
ومن اسباب تعري الارض كثرت الرعي فيها
ولما يحمونه بتزين الارض
والمستفيد الاول والاخير راعي الحلال
بس الله يستر لاتكون محميه دائمه
اذا كذا عزالله بوافقك الراي
واذا كان لسنوات معدوده فهذا شي زين
تقبل مروري ولكم تحياتي
اخوك طير الهقاوي

ناايف

16/06/2010, 08:21 PM

عسى الله يخارجنا ماعاد ندري وين نروح

ابوناصر السهلي

16/06/2010, 08:57 PM

لا حول ولا قوة الا بالله

ابوأفياء

16/06/2010, 09:18 PM

لاحول ولا قوه الى بالله

الله يستر علينا بس

ماخلو لنا شي ابدأ يناس وين نرووووووووح

المفروض نوصل صوتنا لولاه الامر

وابو متعب مراح يقصر الله يطولنا بعمره ويخليه ذخر

الله يهدي الجميع

الجذع المتحرك

17/06/2010, 03:29 PM

حسبي الله ونعم الوكيل
الله يكون بعون قنوص التيسيه
راحت الديار الزينه يابوفارس
عقب ما جاء زفلت الزبيره قلنا خير
وارتحنا شوي بالمشاوير
صار البلا منه
و انتظر قريباً بتلحقه الشامات
وأذكركم

راعي غضبان

17/06/2010, 04:19 PM

هلابك اخوي ابوفارس والله موضوعك يخوض البطن خوض والله يكون في العون والله انا احماهم من ديرتنا الى ام ارقيبه وناوي اوجه يمكم يابوفارس ونقنص التيسيه واظن حظنا امحق حجرونا من جميع الجهات والله يرزقنا وياك ويعينا ويوفق الجميع بما يحب ويرضى وانشاءالله يهونون وترجع الارض الزينه لنا لنستمتع فيها ونكشت فيها ماهو لازم مقناص نرفهه لانفسنا فيها والف شكر لك

جير دبي

17/06/2010, 04:32 PM

لا حول ولاقوة 000

((السنياري))

17/06/2010, 04:53 PM

الله المستعان

الله يعطيك العافيه على هاالخبر

((السنياري))

17/06/2010, 04:59 PM

إتعب عليه وعادة الحر يافـي ***أضرب سهلها والوعر والشغيه
يجيبه اللي رازقٍ هالعجافـي ***بهايمٍ تمشي على غيـر نيـه

والله خبر يكدر الخاطر

اتمنى من هيئة حماية البيئة تفكر بإجابية اكثر

ابو تركي تهقى الدعوه من حماية البيئه <=====الله المستعان نسمع فيها ولاقد شفناها فدتنى بشي
هذا وانا خوك الصقاره الكبار مثلي يحبون يوفرون لهم محميه عشان لابغى يقنص يلقاله قاع وسيعه يقنص فيها<===تم تشفير لوجد مطبات واجد;)
اهم شي انك فاهمني

عيون الغلا

17/06/2010, 05:00 PM

الشكوى لله
ارض توسع الصدر لكن الله يريد الي به الخير

لاوالله الي نشبنا يابودحيم
ههههههه
حسبنا الله ونعم الوكيل
عليكم بالزراديه الأصليه يالربع :good2:

روزفلت

17/06/2010, 05:30 PM

مثل شبوك الحفر محمية لبعض ناس بس

ابوفارس 5350

18/06/2010, 05:45 PM

السلام عليكم ورحمة الله وبركاتة
اسعدني مروركم جميعا وشكركم على ردودكم الطيبه
وهاذي صورة محمية التيسية كما وعدتكم

http://www.mekshat.com/pix/upload04/images170/mk62682_2222.jpg

الجذع المتحرك

19/06/2010, 01:41 AM

حسبي الله ونعم الوكيل
يعني أفضل الديار راحت الغريب مأخذو النفود
الله لا يوفق من شار بهالشبك
والله من طيرن يبي يروح على راعيه بسبت الشبك

المظهور

19/06/2010, 11:24 AM

لا حول ولا قوة الا بالله
يعني ما فيه قناصه الا برا
وبعدين هذي طيور مهاجره يعني اليوم عندك وبركا عند غيرك نحميها في ديارنا ويبيدونها في الديار الثانية اي حمايه اي خرابيط
اعطوا المواطنين فرصه ياعالم

صقارشيهان

19/06/2010, 03:45 PM

ان شاء الله ان الخبر غير صحيح الله يستر وين نروح اجل

ابونايف العتيبي (511)

19/06/2010, 05:47 PM

الله المستعان

الله يعطيك العافيه على هاالخبر

قناص ابن غنام

19/06/2010, 08:02 PM

ولا بعد الدهنااا بتحمى ماافيه مقنااص الابالسيف ولا الحدود واماكن محدوده معاد فيهااا طعم المقناص يرزقناا الله

بحر44

19/06/2010, 08:37 PM

الله يسعد مساك يابوفارس
حبيت اسألك بحكم اطلاعك على الخارطه وفي حالة انه فعلآ راح تحمى هالمنطقه...
المنطقه اللي على يسار الخط اللي يطلع من ام عشر باتجاه قبه داخل في المحميه ؟

ابوفارس 5350

19/06/2010, 08:45 PM

الله يسعد مساك يابوفارس
حبيت اسألك بحكم اطلاعك على الخارطه وفي حالة انه فعلآ راح تحمى هالمنطقه...
المنطقه اللي على يسار الخط اللي يطلع من ام عشر باتجاه قبه داخل في المحميه ؟

حياااااك الله اخوي بحر44
المحميه شمال عنك تقريبآ 70 كيلو
و اللي يسارك ماهي محميه

لبا كبدش

19/06/2010, 09:27 PM

الله يعينكم ياهل الخد

دعاس

19/06/2010, 09:39 PM

بسم الله الرحمن الرحيم
مساء الخير ابو فارس وماقصرت على تنزيل الصوره ,,ويعينكم الله ,,,وابشر بالعوض جاك الحماد هديه ماوراه جزيه ونتشرف لو تقنصون حمادنا,,تراه يكفينا وزود.

سيف السيف1

14/08/2010, 02:46 AM

والله يابوفارس خبر محزن لأن التيسية أعتبرها هي المتنفس الوحيدبالنسبة لي وللكثير من الناس ..
حسبنا الله ونعم الوكيل ... لعلهم إن شاء الله يستخيرون ...

أبوفرحان

14/08/2010, 04:14 AM

الله يعيييييييييييين

هبوب

14/08/2010, 05:09 AM

الشكوى لغير اللة مذلة

عنيد

14/08/2010, 10:52 AM

عسا ماتكره النفس به خير

ابوصالح بريده

14/08/2010, 02:52 PM

السلام عليكم
انا سمعت مثلكم هالكلام
ولاكن فيه واحد من الشباب قالي انه شاف مقابله لواحد من آل سعود مختص بالحياه الفطريه
الرجال نفى الخبر
ويقول(الامير) انا سمعت مثلكم واستفسرت عن السالفه وصارت 20 كم*20كم للمعادن والتنقيب وليست كما قيل للحياة الفطريه
.
.
يعني بتصير لشركه
هذا ماسمعته من الرجال وان شالله انه ثقه

م العمعوم

14/08/2010, 04:03 PM

السلام عليكم ورحمة الله وبركاته
مرحبا اخوي ابوفارس
والله الخبر اللي نسمعه مع الناس
عن وكالة يقولون هههههه
انه الشبك لشركة معادن
بس وجاب سيارات المحميه في الزبيره
مادام الشبك لشركه؟؟؟؟؟؟
مانقول الا حسبنا الله ونعم الوكيل
ماعاد بقي يابو فارس بصقاره خير
وتقبل تحيااااااااتي
اخوك ممدوح العمعوم

راعي غضبان

14/08/2010, 05:42 PM

الله يعينا الشكوى لله حسبي الله ونعم الوكيل لو يحطون المحميات في الاماكن البعيده في الرمله مثلا كان احسن واريح لهم والف شكر لك اخوي ابوفارس
وانشاءالله يغيرون رايهم مادام فيه برقيات والله يعطيك العافيه

عطيب المضارب

14/08/2010, 08:56 PM

ابوفارس 5350

14/08/2010, 10:22 PM

هذي شركة تعدين ليست محمية ( شركة معادن )

http://www.m5zn.com/uploads/2010/8/14/photo/0814101008325g5n4zkioc7ko.jpg (http://games.m5zn.com/cooking_games.html)

تقبلوا تحياتي

مرحباء ياخوي عطيب المضارب

شركة المعادن اللي انت ذكرت موقها قبل الزبيره يعني جنوب الزبيره
ومحمية التيسيه شرق الزبيره وهذي الخريطه
ولحض موقع الشبك يقع على خور الطعيس بضبط
الف شكر لك
http://www.mekshat.com/pix/upload04/images176/mk62682_2020.jpg

goold6060

14/08/2010, 10:30 PM

ليتها للحياة الفطرية ولاتدمرها شركات المعادن

عروق الدهنا

15/08/2010, 12:04 AM

الله يعينكم .. لكن يجب ان تتذكروا ...

ان الحياة الفطرية لها حق في البقاء بموطنها
والهيئة إذا لم تفعل مثل هذه المحميات فلاداعي لبقائها :)

واعتقد ان الدولة أعزها الله ادرى بمصالح المواطنين
وإذا كان هناك اي منغص أوضرر على الأهالي فاليخبروا به المسئولين
وإن اقتصر الأمر على التنزه .. فلا أجمل من أن تتنزه بجوار طيور الحبارى :good2:

والله عندي المحمية .. ولا مشروع الربيان الذي دمروا به السواحل :mad:

اخوي القرناس المهاجر

انا متابع لك ولردودك في خيمة الحياة الفطرية
واعجبني فيك غيرتك على البيئة واهتمامك بها

ولكـــــــــــــــــــــن

ودنا نتكلم بصراحه وشجاعه

هل المحمية سوف تحمى عن عامة الشعب او ناس وناس

متى سوف نرى انجازات هذه المحيمة ولا نبي نموت وهي محمية وياخوفنا لاتصير مثل محمية الحرة بالشمال

ويعلم الله اني ابي الحماية من جميع انواعها ولكن لاشفت قناة الصحراء وقناة رواسي والمقانيص اللي تعرض هونا وقلت لنا حق مثل غيرنا

وليش مصطلح الاسراف يجي على متوسط الشعب بس والنظام يطبق عليهم

ياليت لو لمره وحدة نتكلم بصراحه

اتمنى اني عبرت عن اللي بداخلي لو بشي البسيط

وهذي وجهت نظر لاغير

ابونايف العتيبي (511)

16/08/2010, 01:46 PM

الله يسمع منك تكون تنقيب لا محميه دائمه،،،،،،،،،

الأحمدي أحمد

16/08/2010, 02:03 PM

الله يكون بعون اهل الزبيره

سطام ابو سعود

16/08/2010, 05:19 PM

علومك زينه يابوفارس يكتب لله الي فيه خير للجميع ان
شاء لله ولله الفظل والمنه وديارنا ماخذتنا وماخذتن اخواننا من الخليج وكلن يلقى رزقه ولارض وسيعه
واذكرو لله يذكركم وكل عام ونتم بخير وصحه وسلامه

SOMAN

20/11/2010, 09:57 AM

ممكن خريطه أوضح من هذي .... وهل الحدود الموجوده بالخريطه هي الشبك

صاحب نوماس

20/11/2010, 10:44 AM

لاحول ولاقوة الا بالله

M7D-QDY

20/11/2010, 03:13 PM

انا لله وانا اليه راجعون لا والله اللي ضيقوها على راعي الطير

يابو مطر الطير ماعاد له خانه *** خصوص بارض الكويت وفالسعوديه

M7D-QDY

20/11/2010, 03:17 PM

اخوي القرناس المهاجر

انا متابع لك ولردودك في خيمة الحياة الفطرية
واعجبني فيك غيرتك على البيئة واهتمامك بها

ولكـــــــــــــــــــــن

ودنا نتكلم بصراحه وشجاعه

هل المحمية سوف تحمى عن عامة الشعب او ناس وناس

متى سوف نرى انجازات هذه المحيمة ولا نبي نموت وهي محمية وياخوفنا لاتصير مثل محمية الحرة بالشمال

ويعلم الله اني ابي الحماية من جميع انواعها ولكن لاشفت قناة الصحراء وقناة رواسي والمقانيص اللي تعرض هونا وقلت لنا حق مثل غيرنا

وليش مصطلح الاسراف يجي على متوسط الشعب بس والنظام يطبق عليهم

ياليت لو لمره وحدة نتكلم بصراحه

اتمنى اني عبرت عن اللي بداخلي لو بشي البسيط

وهذي وجهت نظر لاغير

كلامك صحيح اخوي انا دخلت محميه الخنفه قبل اكثر من 11 سنه وكانت فيه خطوط تدخلها المهم مالك بالطويله مسكونا اهل المحميه وسألت عن الخطوط اللي تدخل وجره السيارات جديد قال هذى جره سيارات فلان ال فلاني قانص هنا له 3 ايام..؟؟ وبلشت انا بقضيه دخول المحميه لاكثر من 6 سنوات وانا كل شوي مطلوب

الريمى

20/11/2010, 03:25 PM

ايه خلهم يشبكون كل شى ماهو كافى 20 محميه لازم 50او100محميه عشان الناس تستفيد
اجل ليش يسوون هذا كله لاجل المواطن
المواطن يرفع راسه بكل فخر ويقول عندنا 100 محميه مافى بالعالم احد يملك مثلها :) يكسر عين الدول الثانيه
شبكو شبكو 20 كيلو ماهو كافى بعوضه خلوها 200كيلو ترى زين وكويس