مقتطفات من رحلاتي

[FaHoOoDy23]

يعطيكم العافيه حبيت احطلكم جم صوره من مقتطفات من رحلاتي بالكويت و طبعا هذي الصور انا حاطها اب سايت ثاني الي اهو www.garooh.com علشان لحد يقول :) و اخليكم مع الصور
هذا نهاش قارووه :)

http://www.garooh.com/db/data/media/68/Image258.jpg

وهذا دويلمي الزور طبعا فيه 11 كيلو و صاحبي اهو الي صاده و حبيت اخذ صو ه وياه (لفاح)
http://www.garooh.com/db/data/media/68/CIMG4003.JPG

و هذي طبعا كانت ضحيه الدويلمي الي بالصوره الي فوق :) همن (لفاح)
http://www.garooh.com/db/data/media/68/CIMG3993.JPG




و اتمنى انه الصور حازت على اعجابكم بس اقولكم و الباقي اعظم :) ;) ;)

[FaHoOoDy23]

و هذي تكمله الصور
و هذا جنعد الزور (لفاح)
http://www.garooh.com/db/data/media/68/CIMG3856.jpg
و هذا طبعا صيد الدفان
http://www.garooh.com/db/data/media/68/Image12.jpg

و هذيل سبيطيه الدفان
http://www.garooh.com/db/data/media/68/Image08.jpg
و هذا صيد امشكل اب قاروه

[FaHoOoDy23]

تكلمه الصور
و هذا صيد امشكل اب قارووه
http://www.garooh.com/db/data/media/68/amshakal.jpg
و هذا فسكر قاروه
http://www.garooh.com/db/data/media/68/_.jpg
و هذا سكن الزور ( لفاح )
http://www.garooh.com/db/data/media/49/Rotation_of_CIMG4206.jpg
و هذا صيد الزور بعد (لفاح)
http://www.garooh.com/db/data/media/49/CIMG4135.JPG

و انشا الله تكون الصور حازت على اعجابكم و مثل ما قلتلكم هذي مقتطفات من رحلاتي و
الباقي اعظم ;) ;)

[مشتاق البحر]

مشاء الله , بارك الله اعظم الخالقين 0
الله يبارك فيك اخي FAHoOoDy23
صور جميله جدا و ممتعه جدا0
و اعجبتني كثيرا صورة الكنعده المقسومه ضحيه الدويلمي 000

[FaHoOoDy23]

يعطيك الف عافيه اخوش مشتاق البحر و ما قصرت على مرورك و ردك الطيب
هذي كانت ضحيه و المجرم تم القاء القبض عليه متلبس اب جريمته و تمت احالته الى جهه الاعدام :) و يعطيك الف عافيه

[gulfhunter]

السلام عليكم ورحمة الله وبركاته

حياك الله أخوي فهودي.......ماشاء الله عليك .....مابقى شي ماحطيته........ تستاهل عزالله هذا الكوكتيل......... اشوف الحداقه في الكويت يشتكون من قل الصيد.......... خلاص عرفنا السبب.......

مشكور وماقصرت على الصور الزينه...... والله يعطيك العافيه......


Gulfhunter

[SRDAL]

السلام عليكم ورحمة الله وبركاته .

بسم الله ماشاء الله عليك عيني عليك بارده يا خوي فهودي .

وتقول تبي تجي اتصيد في السعوديه لا خوي خلك في الكويت شكلك ماترحم .

ماشاء الله تشكيله غايه من الروعه وصيد احلى .

على فكره الكنعده المظروبه هذي ماضني ضربه دويلمل هذا اتوقع ضربه جرجور لأن عمر الدويلمي مايتجرا

ويضرب كنعده .

وبالتوفيق انشاء الله .

اخوك / srdal

[FaHoOoDy23]

يعطيك العافيه اخوي Gulfhunter
و ما قصرت على ردك الحلو و الطيب و بالنسبه حق الحداق بالكويت اهم شي المكان و الوقت هذا اهم شي و الكويت فيها خير و الحمد الله

و ما قصرت

[FaHoOoDy23]

حياك الله اخوي SRDAL و ما قصرتي على ردك الحلو والله يعطيك الف عافيه
ليش والله الصراحه ودي اجي السعوديه انا و كتبيه الاعدام الي معاي و اذا رحنا السعوديه انشا الله راح اوريك التشكيله العدله :)
و بالنسبه حق الجنعده المضروبه هذي الجنعده الدويلمي اهو الي ضاربها و انا شايفه شوف عيني و اهو يضربها والله حدي انقهرت يومها :) بس وين بروح يطلع يعني يطلع و على فكره ترى الدويلمي وايد يطق شغلات يعني اذا رحت الحداق و ياتك نص اسمج مو شرط يريور ترى وايد نصير انه دويلمي :) و انا واحد صارت فيني اكثر من مره
و اتمنى اني اكون وضحتلك اخوي سردال و يعطيك الف عافيه

[SRDAL]

حياك الله اخوي فهودي .

كلامك واضح بس الدويلمي دومه يهاب من الكنعده بس هذا الى ضربها شكله ابوهم الله ياخذه .طبعاً عن طريق

الجنرال فهودي .

وانا اعرف انه مايقصر الدويلمي في الحداق خاصه اذا قعد تحت الطراد اذا ماتصير ايدك خفيفه الله يستر على

سمكك .

بصراحه انا من ناحيتي اذا شفته في الغوص والله مارحمه انتقام منه . اهي بلود تروح اهي سمك يروح علينا

والحين بعد ماشفت صورة الكنعده ماقول غير الله يعينه اذا شفته .

تحياتي لك اخوي الجنرال .

ها كيف الأسم بصراحه لايق عليك .

اخوك / Srdal

[FaHoOoDy23]

حبيب اخوي سردال و كلمه الجنرال كبيره علي يا سردال والله احرجتني اب كلامك و من ناحيه الدويلمي لا تخاف الشباب ما يرحمونه عندنا :) يصيدون سواء لفاح ولا تشخيط او حداق اييبونه يعني اييبونه :) و بالنسبه حق الدويلمي صارت ويانا اكثر من مره يطق الجنعده و يروح والله حرام بس ما يخلونه اييبون راسه :)

و يعطيك الف عافيه اخوي سردال :)
و هذي صوره اهداي مني لك

طبعا هذا الصيد لفاح و كان بس دويلميه
http://www.garooh.com/db/data/media/62/12_2.JPG
اتمنى انه الصوره اعجبتك طبعا هذا الصيد كان بالزور و انا و الربع اب سايت www.garooh.com صدنا هالمتوحشين :) و كان الصيد 11 دويلمي منهم واحد كبير وزنه 12 كيلو طلعه صاحبي و قولي اشرايك بالصوره

[MARINE]

السلام عليكم ورحمة الله وبركاته

ما شاء الله عليك اخوي فهودي ما خليت شئ حق حداقة الكويت

وانا اقول ليش تبي تجي السعوديه اثرك مخلص الصيد في بحر الكويت

تحياتي لك والله يستر منك

MARINE

[FaHoOoDy23]

يعطيك الف عافيه اخوي مارين على مرورك الحلو و ما قصرت على ردك الحلو
لا يبا ترى هذا الصو ر ولا شي و بالنسبه حق بحر الكويت ترى بحر الكويت فيه بس يبيله واحد يعرفله لا اكثر ولا لااقل و بالنسبه لي انا ترى ما اعرف شي بالبحر لو بتقارني مع النواخذه الي عندنا بالكويت و مشا الله عندنا بالكويت وايد نواخذه

و انا ودي اجرب صيد السعوديه بشوف اشلون صاير :) لانه احنا عندنا بالكويت على سبيل المثال السبيطي صعبه صيدته مو مثلكم بالسعوديه سهله صيدته يعني بالكويت اذا رحت تحدق سبيطي مثلا مو شرط تصيده امن بالسعوديه اذا رحت لازم تصيد و طبعا كله رزق من رب العالمين بس السمجه عندكم بالسعوديه سهله و احنا بالكويت عندنا السمجه صعبه شوي :) اتمنى اني قدرت اوفي بالرد :)

اخوكم فهد .الكويت

[MARINE]

السلام عليكم ورحمة الله وبركاته

حياك الله اخوي فهودي ما شاء الله عليك رد كافي ووافي بعد ماقصرت

وحياك الله في بيتك الثاني السعودية بس ها اذا جيت لاتحرمنا شوفتك

واهم شئ لا تنسى نصيبنا من الصيد

تحياتي لك اخوي فهد ومشكور وماقصرت

ترى امزح معك وحياك الله وبياك

MARINE

[FaHoOoDy23]

ما قصرت اخوي مارين و هذا من طيب اصلك يا الحبيب :) و حقك محفوظ :) و انشا الله اذا لنا روحه السعوديه بلغناكم انشا لله و تكون طلعه جماعيه :) ولا اشرايكم :)

[SRDAL]

اخوي فهد تحياتي لك يالغالي .

اولشي احب اشكرك على الأهداء ويعطيك الف عافيه وبصراحه صفه حلوه بس يليتهم كنعد لأني بصراحه ماحب

الدويلميه .احنا انصيده من الحره بس مو علشان الأكل .

وبالنسبه للقب الي سميتك ايها والله مشاء الله عليك الى اشوفه انك قده هذا اذا ماصار صغير عليك . شدعوه فاتحين

محل تفصيل دشاديش :p .

وهذا الى اقوله لك ترا موموجامله .

والله يوفقك دنيا واخره .

اخوك / srdal

[FaHoOoDy23]

يعطيك اللف عافيه اخوي سردال والله احرجتني اب تواضعك و ان دل هذا يدل على طيب اصلك اخوي سردال و ما قصرت

و بالنسبه حق الدويلمي ترى لحمه وايد طيب و حلوه اكلته و بالنسبه حق الجنعد صدنا احنا منه كميات طيبه :) و الحمد الله

و طبعا حبيت اقولكم انه انشا الله بالقريب العاجل راح يكون لي زياره للملكه العربيه السعوديه حق الحداق :) و الغوص انشا الله بأذن الله .

[SRDAL]

اخوي فهودي حياك الله في السعوديه وهذي الساعه المباركه واي وقت تجي السعوديه اعتبر ان عندك اخ اسمه

بونواف .

وارجع اقولك اياها مره ثتنيه هذي الساعه المباركه عين افراش وعين الحاف .

وبالنسبه لرقم الجوال راح ارسلك اياه برساله خاصه .

اخوك / بونواف

[MARINE]

السلام عليكم ورحمة الله وبركاته

حياك الله اخوي فهد والله هذي الساعه المباركة اللى نشوفك فيها

ومثل ما قالك اخوي ابونواف اذا جيت للسعوديه ابد اعتبرها بيتك الثاني

تحياتي لك وبالتوفيق ان شاء الله

MARINE

[FaHoOoDy23]

يعطيكم الف عافيه والله احرجتوني والله :) ما ادري شقولكم و كثر الله من امثالكم و انشا الله اذا عزمت انشا الله قبل لا ايي السعوديه بلغتكم انشا الله و منها نتواصل مع هالشباب الطيبين والله يكثر من امثالكم

[mox600]

ما شاء الله تبارك الله
صيد يوسع الصدر
هذا اللي يسمونه الصيد الجائر :)
مشكور اخوي على الصور الحلوه
وعليكم بالعافيه

تحياتي

[FaHoOoDy23]

يعطيك العافيه اخوي ماكس \ما قصرت على ردك الحلو و ليش صيد جائر هذا صيد جيد و الحمد الله :)

[غواص الغربيه]

ما شاء الله عليك صيد موفق