طرح الخلا ما حط في رجله سوار ......مجاراة للشاعر يوسف الخليفة

[أبو فهد العيد]

هذي ابيات مجاراة لقصيدة الشاعر ( يوسف الخليفه )
الي يقول في مطلعها
الجير وش بالجير جلاب الامرار×× اللي مخاليبه سوات القراقيش
وصح لسانه وعلا شانه


يا مرحبا وأهلين ما هل مدرار=وبل المزون المردفات المراهيش
ترحيبة ٍ مثل البدر وقت الأسحار=لاصار صافي بالسما دون تغبيش
قاف ٍ لبو عبدالله الصاحب البار=كنه يفتش بسرة القلب تفتيش
قلت الصحيح وما عليك قولك غبار=الجير طير ٍ مخلبه كالقراقيش
ريشه كما شمطا ً تسشور بسشوار=والطبع طبع ٍ يبلش الراس تبيلش
خله لعله للضما هو والادهار=طير ٍ تفقش بيضته بالمفاقيش
والله على الي طرح في غربي الدار=بالساحل الغربي بيديدن الهماميش
طرح الخلا ما حط في رجله سوار=ولا فرخوه أهل الخمر والتحاشيش
ابوصفه كله من يمين ويسار=لو ان وصفه يربش القاف تربيش
احمر غتر صافي جميل ٍ بالانظار=كنه منقش با احمر اللون تنقيش
بالطول طول وعاتقه زاده أشبار=والعرض ينعش ناضر العين تنعيش
الزور فاهق والثنادي به كبار=ومتونه اشبه باليدين المحاويش
افجح قصير الساق والكف منشار=ومسرول ٍ ساقه تقل فيه تنميش
هذي الوصوف وباقي ٍ فيه أسرار=طلع ٍ ولحق ٍ يدهش العقل تدهيش
بالروض شلاق ٍ وبالجو سخار=عوق الخريش الي بها زود تخريش
يامحلا هداته بذيك الاقفار=بارض ٍ بها نبت الوسم كالمفاريش
مع خوة تاطى على طم الاخطار=مافيهم اللي طنش الفرض تطنيش
هذي طراة الوقت والوقت دوار=لابد نرحل فوق ذيك المناعيش
الله يرحم حالنا وسط الاحفار=ويظلنا بظله نهار التفاتيش
تمت وصلى الله على خير من سار=شفيعنا محمد نهار التعاطيش


(طلال بن فهد العيد)

[ابوناصر السهلي]

صح السانك ويعطيك العافيه

[يوسف الخليفة1]

الأخ الفاضل أبو فهد العيد

سلمك الله وبارك فيك

والشكر الجزيل

[أبو فهد العيد]

صح السانك ويعطيك العافيه

صح بدنك .. والله يعافيك

[من متى]

صح لسانك وعلا شانك

[ذراع الذيب]

السلام عليكم ورحمة الله وبركاته,,
مسيت بالخير يابوفهد,,

اسفرت وانورت صح لسانك على هالجزله الطيبه ومع انك طريت طرح الساحل,,
وقلت هالابيات اشوفها تتناسب
مع طيرن طرح قبل سنتين عند ثامر الحربي ,,
هالقرناس سنه ثاني يوم انه طرح ومن يوم انه فرخ كان يجي كل سنه بمنطقة,,
ابوشداد بالشعيبه ويحاولونه الرياجيل المحاول
اللي مابعدها شوي ويطرحونه ويعلق,,
خلاص الطير طريح لكن لاجاه الطراد يضربه وضرب اكثر من طراد ويحوم,,
والسنه اللي وراها مثلها ويروح عليهم والسنه الثالثه حصله ثامر عصير في ,,
مراح غنم
واستفزع بواحد ماله بالطيور ويوم شافه الرجال قال هذا طير,,
هذا ماهوب طير هذا كيس شعير هههههه من كبره ماشالله عليه وحاولوه,,
الين اضلم الليل وماطرحوه ومسوه
ويخدجونه الساعه 11 في الليل ,,
الخدجه الثالثه ثابته خدجتين وطار وجابه الله بالثالثه وسبحان الله وجابه الله,,
بالسنه الثالثه وراح 380,000 الله يبارك لراعيه ويرزقك باخوه,,

http://www.mekshat.com/pix/upload04/images170/mk67925_luuuuuuuuuuuuuu.jpg

والله على الي طرح في غربي الدار

بالساحل الغربي بيديدن الهماميـش

طرح الخلا ما حط في رجله سوار

ولا فرخوه أهل الخمر والتحاشيش

ابوصفه كلـه مـن يميـن ويسـار

لو ان وصفه يربش القاف تربيـش

احمر غتر صافي جميل ٍ بالانظـار

كنه منقش با احمر اللـون تنقيـش

بالطول طول وعاتقـه زاده أشبـار

والعرض ينعش ناضر العين تنعيش

الزور فاهق والثنـادي بـه كبـار

ومتونه اشبـه باليديـن المحاويـش

افجح قصير الساق والكف منشـار

ومسرول ٍ ساقه تقل فيـه تنميـش

هذي الوصوف وباقي ٍ فيه أسـرار

طلع ٍ ولحق ٍ يدهش العقل تدهيـش



تحياتي لك,,

[أبو مشعل]

السلام عليكم ورحمة الله وبركاته

صح لسنك

الله يجزيك الف خير

اخيك في الله

ابو مشعل

[أبـــوصــالـح]

صح لسانك يا بوفهد

ماشاء الله تبارك الله

[ابـــًًو تركـــًي]

صح السانك

[أبو فهد العيد]

الأخ الفاضل أبو فهد العيد



سلمك الله وبارك فيك



والشكر الجزيل


الشاعر المخضرم ..
يوسف الخليفة.
شرفني مرورك ودخولك الموضوع ,,
لاهنت ياالغالي

[أبو فهد العيد]

صح لسانك وعلا شانك

صح بدنك ولاهنت وسلمت على المرور العطر

[أبو فهد العيد]

السلام عليكم ورحمة الله وبركاته,,

مسيت بالخير يابوفهد,,


اسفرت وانورت صح لسانك على هالجزله الطيبه ومع انك طريت طرح الساحل,,
وقلت هالابيات اشوفها تتناسب
مع طيرن طرح قبل سنتين عند ثامر الحربي ,,
هالقرناس سنه ثاني يوم انه طرح ومن يوم انه فرخ كان يجي كل سنه بمنطقة,,
ابوشداد بالشعيبه ويحاولونه الرياجيل المحاول
اللي مابعدها شوي ويطرحونه ويعلق,,
خلاص الطير طريح لكن لاجاه الطراد يضربه وضرب اكثر من طراد ويحوم,,
والسنه اللي وراها مثلها ويروح عليهم والسنه الثالثه حصله ثامر عصير في ,,
مراح غنم
واستفزع بواحد ماله بالطيور ويوم شافه الرجال قال هذا طير,,
هذا ماهوب طير هذا كيس شعير هههههه من كبره ماشالله عليه وحاولوه,,
الين اضلم الليل وماطرحوه ومسوه
ويخدجونه الساعه 11 في الليل ,,
الخدجه الثالثه ثابته خدجتين وطار وجابه الله بالثالثه وسبحان الله وجابه الله,,
بالسنه الثالثه وراح 380,000 الله يبارك لراعيه ويرزقك باخوه,,


http://www.mekshat.com/pix/upload04/images170/mk67925_luuuuuuuuuuuuuu.jpg


والله على الي طرح في غربي الدار



بالساحل الغربي بيديدن الهماميـش



طرح الخلا ما حط في رجله سوار



ولا فرخوه أهل الخمر والتحاشيش



ابوصفه كلـه مـن يميـن ويسـار



لو ان وصفه يربش القاف تربيـش



احمر غتر صافي جميل ٍ بالانظـار



كنه منقش با احمر اللـون تنقيـش



بالطول طول وعاتقـه زاده أشبـار



والعرض ينعش ناضر العين تنعيش



الزور فاهق والثنـادي بـه كبـار



ومتونه اشبـه باليديـن المحاويـش



افجح قصير الساق والكف منشـار



ومسرول ٍ ساقه تقل فيـه تنميـش



هذي الوصوف وباقي ٍ فيه أسـرار



طلع ٍ ولحق ٍ يدهش العقل تدهيـش





تحياتي لك,,


مسيت بالنور والرضا والسرور..
حي والله هالمعرف وراعيه..
صح بدنك ..
وما زانت قصيدتي الا بمرورك وتشريفك لاهنت على كل حال

[عديم الوصايف]

الســـــــلام عـلـــــيكم ورحــمــة الله وبــركــاتــــه
صـــح الــســانــك شــعرت فــابدعــت للك الشـــكــر اخـــوي ( ابــوفــهد ) والله يعطــيك العــافيــه عــلا هــاالبـيات الــقــمــه