ريحة البنزين في داخل السيارة ؟! [الأرشيف]

بن سعيّد

15/06/2010, 05:25 PM

هاليومين لاحظت رائحة للبنزين داخل سيارتي يوكن 2005 .

اخواني تتوقعون وش السبب الله يرضى عليكم

مع العلم ان السيارة لاتقطع ولا تصرف يعني مسألة تهريب مافيه بحكم انه مايصرف!

والأمر هذا خاصة إذا طفيت السيارة ورجعت لها اشغلها القى الريحة فايحة داخل السيارة

مضياف

15/06/2010, 06:12 PM

تأكد من عدم وجود ولاعة بالسيارة، إذا تسرب غاز الولاعة يكون له رائحة تشبه البنزين.

ابو عزام2001

15/06/2010, 06:16 PM

اييه تكفون ردوا عليه

انا اشم الريحة خارج السيارة

ولا الاحظ اي نقص(لاند)

دكتور بر

15/06/2010, 06:20 PM

ابدأ يا خوي بالحلول البسيطة

مرت علي هالمشكلة قبل كم شهر (لاند كروزر) وكانت الرائحة مزعجة جداً

وبعد تقريباً يومين وجدت غطاء التانكي ما سكّر زين

بس ... :D

فلا تستعجل وشفها وحده وحده

ابو عزام2001

15/06/2010, 06:25 PM

مشكور بس يالدكتور الريحة لم الكبوت وتصير معي في وقت ضربة الشمس

ابو عزام2001

15/06/2010, 06:25 PM

انتضر ردك قبل الصلاة الله يرحم والديك

هويدي

15/06/2010, 06:34 PM

والله العالم انه من البنزين الاخضر الله لايعافي اللي اخترعه

موتري ما اعبيه الا 95 اليوم الفجر عبيته 91 واشغلني بالطقطقه وريحه البنزين
افكر اشفطه دبل تسبدي

دكتور بر

15/06/2010, 06:38 PM

حسب علمي انه مع ارتفاع حرارة الجو والضغط على البنزين الرائحة ذي في الكبوت تعتبر عادية
لأنها موجودة عندي في اللاند

ولا أظن منها مشكلة

يا خوي درجة الحرارة 48
الله ينجينا من عذابه

ومع ذلك فتأكد من خبير
أحسن في رأيي

faiz-111

15/06/2010, 06:43 PM

عندي نفس المشكله اخوي يوكن لكن مابدت الريحه الا بعد ماغيرت طرمبة البنزين لكنها على خفيف تجي وتروح الخوف ان الواحد بعدين يدمن على ريحة البنزين

بن سعيّد

15/06/2010, 06:45 PM

والله انا متأكد من الغطا

لكن السؤال على الغطأ : هل عادي يصير أنه يفتر شوي يمين وشوي يسار ؟! وهو مقفل ؟!

وصراحة شيء غريب هالريحة مالاحظتها إلا من يومين فقط أو ثلاثة بالكثير

والله يجزاك خير يامن رديت علي وخاصة دكتور بر

بس تكفون نبي حل علمي وعملي

abo_hoor

15/06/2010, 06:47 PM

هلاوالله اخوي بن سعيد
تاكداخوي العزيز ان مافيه تسريب في انابيب البانزين جيك عليهم عدل اخوي
وفيه اشخاص انا دشيت على قوقل اشوف نفس مشكلتك لقيت هذا الحل
منقول
يا أخوي انصحك تتأكد من ربلة تانكي البنزين (وهذي تجي حول رقبة التانكي يعني لما تفتح باب التانكي بتحصلها حول الغطاء من برا)
أو تتأكد من غطاء البنزين نفسه تكون الربلة اللي فيه تعبانه
هذي اسهل الأحتمالات!

وفيه احتمالات أكبر اللي هي بلف تانكي البنزين وهذا يجي تحت التانكي
كذلك فيه فلتر تانكي وهو فلتر طويل يجي خلف الرفرف الأيمن وممكن يكونوا سبب في ريحة البنزين

وربي يسهل أمرك ان شاء الله

بن سعيّد

15/06/2010, 08:05 PM

بالنسبة اخوي ابو حور لكلامك فجزاك الله خير عليه

بالنسبة للغطا أشوف مافيه شيء ولا أي إشكالية

ورحت للورشة وخليتهم يشيكون لو فيه تهريب او تسرب للبنزين ويقولون كل شيء كويس

يمكن يكون بسبب أن اللي ركب لي طرمبة البنزين لم يضع سلقون بشكل جيد وكافي ؟

طيب ليه ماطلعت الريحه من أول مادام أنه يبخر من وقتها ؟

ابويارا1001

15/06/2010, 08:29 PM

كانت عندي هالمشكلة في باترول وطلع هوز البنزين اللي داخل الصفاية في تهريب بسيط لا يذكر

ولا يسبب صرفية بنزين

تأكد من وين رائحة البنزين يعني تتبع وين اقوى ريحة في اي مكان ابتدي من عند التانكي من تحت السيارة

الى ان توصل المكينة

وبالتوفيق

سوبر VTC

15/06/2010, 08:38 PM

تاكد من ماصورة بخاخات المكينة
كل بخاخ له سيلة او وجه
تحصله معرق بنزين واضح

لاحظ ربلة البخاخ من الاعلى و الاسفل

http://www.up-00.com/h1files/YGd79065.jpg (http://topics.y4yy.com/)

رابط

حصري لمكشات تنظيف بخاخات الهايلوكس - منتديات مكشات (http://www.mekshat.com/vb/showthread.php?t=243361)

هذي ماصورة البخاخات عليه بخاخ له ربلتين من الاعلى و الاسفل
ربلة للماصورة و ربلة للثلاجة عشان غرفة الاحتراق او بيت النار

http://www.mekshat.com/vb/../pix/upload03/images138/mk32037_fuelinjector-main_full.jpg

هويدي

15/06/2010, 08:47 PM

والله والعالم انه من الحر .. والبنزين الاخضر له دور

مجرد اقتراح ..
قبل الخساير وعبث السباكين بموترك حول البنزين للـ 95
وجربه آخر الليل ـ اذا برد الجو ـ

AL-BDR

15/06/2010, 09:01 PM

ياحبيبي ترى مشكللك تكمن في ان البانزين في الضهر ترتفع درجة حرارته ويبخر الانضغاط الي بالتانكي في الكبوت ولذالك تجد الريحه بالكبوت 0

بن سعيّد

15/06/2010, 09:03 PM

الله يجزاكم خير ويوفقكم على ردودكم

البنزين المستخدم من شريت السيارة 95 ولا اعبي وهو شغال من غيرت الطرمبه

يعني أنا ماشي في السليم ههههههههه

-------------

ابي اوديه بكره ان شاء الله للجابري ولا لورشة صاحية غيرها واشوف وش المشكلة

-----------

سوبر فتك الله يجزاك خير على ردك الواضح والصريح صور وشغل حركات بيض الله وجهك

بن سعيّد

15/06/2010, 09:03 PM

البدر البنزين لاعب في حسبة الغمارة ماهو في الكبوت بارك الله فيك

باحوث

15/06/2010, 10:06 PM

هلا أخوي
أنا مثلك عندي كابرس 2000 و صدعت براسي ريحة البنزين داخل السيارة لكن لاحظت أنها تزود إذا شغلت المكيف و تجي مع الهواء و صرت اعتاد عليها لين ألاحظ إن عيوني و اللي معي يصير فيها حرارة و كنها بتدمع و اضطر افتح القزاز أجدد الهواء
و إذا كنت فاتح القزاز وواقف تزود اريحة إذا اشتغلت المراوح يعني الهواء تجي الريحة من عند الكبوت
و ديتها لورشة و عجزت عنها وبعد فترة طويلة وديتها ورشة ثانية و من يوم ما شرحت للميكانيكي المشكلة قال بسيطة و غير قطعة بالكبوت جابها من تشليحهم بـ 80 ريال و انتهت المشكلة

سوبر VTC

15/06/2010, 11:11 PM

وياك و كل مسلم

تاكد من علبة بخار البنزين

هنا تلاحظ فلتر بخار او راجع البنزين

و هذا مكانه امام التانكي او يسار القير او تحت مرتبة السواق و بداخله فلتر هواء و هو مختص ببخار البنزين و اذا انا مخطي صححولي طبعا

يوجد به ثلاث ليات يلزم فكه و تنظيفه بالهواء حيث خرج منه غبار كثير و انا اول ما نظفته اشتغل الموتر باول دقة

http://www.mekshat.com/vb/../pix/upload02/images76/mk53291_nfn5.jpg

و هذه صورة أخرى

http://www.mekshat.com/vb/../pix/upload02/images76/mk53291_nfb6.jpg

تحصل هالصورة بتوقيعي
جميع اعطال طرمبة البنزين بالصور

+

روآئــح الوقود في سيآرتك / ماهي الـمـُشكلة ومن أين ؟؟؟ درس خآص للسد الغزير وللأخوة ! (http://www.mekshat.com/vb/showthread.php?t=303508)

ابو عزام2001

16/06/2010, 02:41 AM

سالتلك اليوم

بس تتاكد من الربلات والجلب اللي عند الصفاية وان شاء الله تنحل مشكلتك

وشاكرللجميع ردودهم

بن سعيّد

16/06/2010, 09:14 AM

الباحوث : الله يجزاك خير ويوفقك وييسر أمرك في الدنيا والآخرة
سوبر فتك الله يوفقك وييسر أمرك ويحفظك ويرعاك ويجزاك عني وعن من استفاد من كلامك الآن وسابقاً خير الجزاء

سأقوم اليوم بفحصه إن شاء الله تعالى في الرياض وأشوف وش المشكلة

ابوعزام الله يجزاك خير على فزعتك واحساسك بمشكلتي وبتأكد من كلامك من خلال الورشة إن شاء الله تعالى

paper

08/08/2010, 01:35 AM

نفس المشكلة عندي معي اكسبدشن تطلع الريحة بالحر

ابو طلال8666

08/08/2010, 02:50 AM

اضم صوتي لسوبر فتك بخار البانزين يسمونه علبة الفحم دايم با الصيف تبخر وتطلع ريحة البانزين بشكل مزعج