لاصحاب الخبرة بالتيوس

[مسافرون]

مساء الخير ..
عندي سؤال بالنسبة لأفضل عمر للتيس اذا كنت بطبخه مندي ..
بعض الناس يقول أسبوعين وبعضهم يقول شهر وبعضهم شهرين وما ادري وش السن اللي يكون مناسب لحمه للمندي ؟؟؟؟

واذا ممكن وش ألذ تبهيره للحم الندي ..
عطونا أراؤكم ..

[بن حاضر]

خذلك جذيع يعني ادون من الجذع ،،
والتتبلية تختلف من شخص لشخص .. بس انا افضل دايم احط ملح فقط ..
لان بعض البهارات تخلي اللحم يابس ..
.. وان شاء الله يجي من يكون افهم مني ويفيدك ..

[SIF]

المناسب أنا أخوك

ألي يشترونه أهل المندي 3 أشهر إلى 4 أشهر

والله أعلم

[حزوبر]

لا يزود عن اربع شهور
بس أهم شيء يكون سميييييييين اذا لمست عظم ظهره اتركه عنك لو يعطيك اياه بنصف السعر
وانتبه لا يمسك البائع التيس وانت تتفخصه ، لأن هناك طرق لأيهامك أنه سمين، ومنها رفع التيس من مقدمته
بالنسبه للتتبيله لا ينصح بالمبالغه فيها حتى لا تذهب نكهت التيس عليك بالملح والليمون والفلفل الاسود مع قليل من الزعفران او الكركم وعليكم بالعافية

[شامخ الشيـبان]

اما سبوعين ولا شهر
ههههههههههه

الي بالعمر هذا يصير لحمه سلال

انا افضل من 4 شهور ( 2 شهر يرضع و2 ياكل من العلف واهم شي يرعى بالبر)

اما التتبيلة فانا استخدم

بهارات + ثوم + صلصلة طماطم خفيفه + كمون مطحون + ملح
واهم شي يترك مدة نصف ساعة مكتوم بالبهارات

[مسافرون]

يعطيكم العافية ..
لأني مرة ذبحت تيس عمره أسبوعين .. طلع مرررررررررة صغير ..