مطلوب شبوك جاهزة للغنم

[المنبسط]

سلام عليكم
مساكم الله بالخير
مطلوب الشبوك اللي تجي جاهزة للغنم .
الموقع الرياض
ومن كان يعرف وين أحصلهن يسوي خير لأن اللي في الجنادرية شالوهم من مكانهم.
وما نستغني عن شوركم وعن الطريقة الزينة في وضع الشبوك

[ابو الشباب3]

حياك اخوي المنبسط

شايفهم عند سوق الغنم الي في العزيزيه وشارع الحاير غرب

ان شاء الله اني افتك...

[المنبسط]

أبو الشباب3 بيض الله وجهك وما قصرت

[الصابر1]

تحصلهم عند سوق الغنم اللي في النسيم

جميع ماتبيه من شبوك واخشاب ومعالف

تحصله هناك

[المنبسط]

اشكرك اخوي الصابر1 لكن وين سوق غنم النسيم؟

[حزوبر]

السلام عليكم
اخوي تعرف سوق الغنم في النظيم؟
لا تعديته بمئة متر ، تحصل الي يبيعون الشبوك على يسارك، وانت رايح شرق لخريص

[ذيب الحرار]

الله يرزقك

[المنبسط]

بيض الله وجهك أخوي حزوبر وأخوي ذيب الحرار
لكن ما أحد يخبر شبوك مستعملة للبيع؟
بتكون أرخص شوي

[عاشق المسانيد]

السلام عليكم

تلقى الشبوك والمرابيع الخشب في الجنادريه عند السوريين

[المنبسط]

وعليكم السلام ورحمة الله وبركاته
السوريين شالوهم من الجنادرية أخوي عاشق المسانيد
وما زال الطلب على الشبوك.

[المنبسط]

للرفع........

[صالح 18]

الله يرزقك

[المنبسط]

آمين
جزاك الله خير صالح18

[العريني1]

اذا جيت اشارة حراج بن قاسم...
رح جنوب بعد 500 الى 800 م تقريبا فيه صناعيه على يدك اليمين داخل شوي تشوفها وانت على الطريق
فيه 5 او 6محلات تصلح وتبيع واسعارهم لاباس تفتح المحلات شرق

[المنبسط]

بيض الله وجهك أخوي العريني1 وما قصرت
شريت منهم والله يطرح البركة

[wwq]

كم اسعار الشبوك عندهم يالمنبسط

[المنبسط]

تختلف فيه بـ85 وفيه بـ 100 وفيه 120 على حسب الحديد والطول 3*1.5 (طبعا هذي الذرف)
وفيه الشبوك اللف 4مل مستعمل تلقاها في النظيم المتر تقريبا بـ 15
وإن احتجت شي أبشر بسعدك

[الحربي77]

الله يطرح البركة فيك