المساعد الشخصي الرقمي

مشاهدة النسخة كاملة : دبل الباترول مدري وش جاه


صالح فهد
16/06/2010, 01:49 AM
السلام عليكم
ياالربع عندي دبل الباترول يطلع صوت طقطقه اذا شغلته ولايضهر الصوت الا مع اللفه يمين او يسار واذاكانت الطاره سيده مافيه صوت ابد والصوت تحس انه من الدفرنس
واحد من الربع يقول رمان والثاني يقول عكوس ونا ضايع بينهم يربع وش علته
راعي جيوب
16/06/2010, 02:25 AM
هذا رمان العكوس والله اعلم ( فك العكوس وغير لها رمان وربلات مع شحم أصلي ) وبأذن الله يضبط معك) والله يوفق الجميع
جارح1
16/06/2010, 03:14 AM
تاكد من الجنزير الذي يربط الدبل بالقير لانه اذا توسع الجنزير يفلت من الترس الى راكب فيه واذا تختبره دور لك طعس وعشق الدبل الصغير والقير( 1 ) ولف الطاره الى اليمين او اليسار واطلع الطعس وزود في الدعسه يظهر معاك صوت الطقطقة .
_دربيل_999
16/06/2010, 04:05 AM
أخوي الدبل مافيه مشكلة..
المشكلة في سيارتك في عكوسها الأمامية..إفحصها قبل الدبل..

وفقك الله
القناص المميز
16/06/2010, 04:08 AM
العكووووس وانا اخووك
سوبر VTC
16/06/2010, 04:54 AM
عندك روس العكوس متكسرة
و لا يخربهن الا لف الدركسون للاخر خصوصا عند شبك الثقيل
لذلك احذر انك تدوس بنزين بقوة لما تكون لاف و خصوصا عند شبك الثقيل

نقطة اخرى اذا بغيت تفحص دبل اي موتر
وقف تحت نفود و اشبك الثقيل و ارق النفود ارق مسافة متر او مترين
و لازم تكون شابك الثقيل
لو بدا يفلت الموتر و يظهر صوت طقطقة فهو من جنزير الدبل يكون خربان
و صوته واضح تحس به من تحت رجلينك

طريقة اخرى لفحص دبل اي موتر مثل شراء موتر من المعارض
طريقة مجربة و لا تضر
تشبك الثقيل بالزفلت و تلف الدركسون لاخر شي و تدوس بنزين خفيف
و انت لاف لو طلع اصوات قدام و هو يبين على طول لو كان هناك مشكلة سابقة
فهي من راس العكس

موفق
هويدي
16/06/2010, 11:19 AM
ماقصروا الاخوان بس عندي سؤال : انت مركب فرارات ؟
صالح فهد
16/06/2010, 12:18 PM
مشكورين على مروركم كلن بسمه
وديت السياره لمكنيكي وقال لازم نفك السياره ونشوف وش المشكله وانا خايف انه يفكه ثم اتحسف لانه يمكن مايضبطه خابرين ورشه مضبوطه في الرياض او الخرج يشوف وش علتها ويضبطها مع العلم السياره موديل 99 وداخل بها سيول هل يضره او يخربها لانه ماطلع الا بعد السيول
اخوي هويدي لايوجد بها فرارات
سوبر VTC
16/06/2010, 02:42 PM
عندك ورشتين بالصناعية القديمة
ورشة التركي تخصص باترل
ورشة ابوعادل حوله
و الاعضاء يبي يدلونك على ورش اخرى