فزعتكم تكفوون مفتاحي منسرق وش الدبره

[سايق الريم]

السلام عليكم ورحمة الله وبركاته؛؛؛

يا اخوان انا مفتاحي ضاع(انسرق) المهم اني ما ادري وينه:( وحست الدنيا عليه ومالقيته

المهم اللحين معي الاسبير فقط

وانا خايف تنسرق السياره وهي مو سيارتي الوالد اخذ سيارتي قبل شوي وسافر عليها هو الاهل بحكم انها جديده وتشيلهم..وانا ماقلتله عن المفتاح..ولاشيء


قعد معي هددسن موديله ما ادري وش هو يا 2005/2004

وانا خايف ينسرق ولاشي ..وش الدبره

ترى مفتاحه مثل مفتاح الفتك بضبط مثله... فيه ريموت كنترول شد بلد

وش اغير فيه وكم التكلفه عند الحمراني ..

تكفون شوفولي حل صراحه اني خايف ومدري وش ازين

[ابو عبد الرحمن]

اول شيء أخوي بقولك الخطوات.
أولا لاتهتم لأن السيارة سافر عليها الوالد ومايمكن الحرامي يالحقهم ويعرف وينهم...لاتهتم.
ثانيا لاجاء الوالد ...سو مثلي رح للوكاله وخل الفلبيني يشبك جهاز معه بالسيارة ويبرمج المفتاح لأن المفتاح اكتروني وأي مفتاح مايشغل إلا هو ...أنا مفتاحي خرب وأعاد البرمجه له....أنت قله يغير البرمجه للي لسيارة والي للمفتاح..ثم خلاص لو يجي الحرامي بس يفتح الموتر ولايشتغل بس يدق.
...هذا الي أشوفه أقل تكلفه تقريبا 150.

[سايق الريم]

^^^^^
مشكور يابو عبدالرحمن بس المشكله السياره معي انا ^_^

واللي ضاع مفتاحها الددسن الله يحفظك موب موتري اللي سافر عليه الوالد وهي تسير للوالد وعطاني بدال موتري اقضي عليه مشاويري والعمل

وماقدرت اقوله ان المفتاح ضاع ....

تتوقع الددسن فيه برمجه !!!

[terke mekshat]

وعليكم السلام ورحمة الله وبركاته

لا الددسن مافيه برمجة.
الله يعينك وإن شاء الله تلقاه, دور يمين ويسار يمكن يصير بجيب أحد ثيابك اللي معلقه على الشماعة.

[سايق الريم]

تركي مكشات مشكور وجزاك الله خير

والحمدلله جاري لقاه طايح جنب الموتر والحمدلله

يو صلينى العشاء عطاااني !!

والحمدلله انه طاح بيد واحد ابن حلال ...وهذ1 درس لي

فمان الله

[VIP-503]

شف بعد الله افصل سلك الكويل وحطه تحت المخده ورقد ولا دخل الموتر البايكه لين يفرجها ربك خلك احرص من الحرامي يعني لاتنسى انك مضيع المفتاح ويمكن احد ولا شي لاقطه اهم شي حاول تروح تغير الدقمه ورقد وامن