صوووت لقلقه .. ما ادري هل هو في المكينة او القير

[عزيز النفسس]

بسم الله الرحمن الرحيم

السلام عليكم ورحمة الله وبركاته

يالله حيهم جميع

عندي جي اكس ار 2004 فيه صوت لقلقه زي صوت ديلكو الجموس اذا خربت وزنيته ..

الصوت يطلع اذا زدت شوي على الابنص .. ويطلع في الغالب اذا صار الموتر حار ..

اللي عنده خلفية عن المشكلة يسوي خير ويفيدني لاهنتوا ..

وجزاكم الله خير ..

[هويدي]

حول للـ 95 وبيختفي الصوت إن شاء الله

عندي باترول ظهرتلي نفس مشكتلك يوم عبيته اخضر

[قنياوي]

هذا من البنزين الأخضر 91 عب بنزين 95 أحمر وتنتهي مشكلتك بإذن الله صارت معي نفس المشكلة جيب جي إكس آر 2003

[عزيز النفسس]

هويدي

قنياوي

بيض الله وجيهكم على التفاعل

الموتر له شهر معي ومنيب اعبيه الا 95 .. تتوقعون مثلا انه ما بعد تعود عليه ؟

[ساري 111]

غير فلتر البنزين .. وتختفي نهائياً إن شاءالله ..

صارت عندي قبل فتره يوم فكيت فلتر البنزين طلع منه بنزين اسووووود عيا يروح من يدي إلا بصابون تايد

[هويدي]

الموتر له شهر معي ومنيب اعبيه الا 95 .. تتوقعون مثلا انه ما بعد تعود عليه ؟

ولو ان خبرتي لاتذكر بالميكانيكا والكهرباء ولكن اقول 80% يبيله وزن ديلكو
امس تعبثت بديلكو الموتر بعد الاطلاع على دروس اخونا ابو عبدالرحمن ( اصيل حجازي )

فريته مره وشديت وطلعت اجرب الموتر يلقلق وقفته وفريته عكس الفره الاولى وقريب من وزنيه الوكاله ولله الحمد اختفت اللقلقه مع ان الموتر لا يزال الاخضر فيه

اعذرني على الاطاله وإن شاء الله الخبراء بيفيدونك ويأكدونلك ولي صحه او خطاء ما قمت به

[قنياوي]

السلام عليكم ورحمة الله وبركاته
عزيز النفس ، مساك الله بالخير ...
السيارة كم ماشية وكيف البواجي معك كم ماشي عليها ومتى آخر مرة غيرت فلتر البنزين ؟

[عزيز النفسس]

غير فلتر البنزين .. وتختفي نهائياً إن شاءالله ..

صارت عندي قبل فتره يوم فكيت فلتر البنزين طلع منه بنزين اسووووود عيا يروح من يدي إلا بصابون تايد

حياك الله اخوي ساري

غيرت فلتر البنزين قبل اسبوعين تقريبا ولا تغير شي .. هل يحتاج اغيره مره ثانيه .؟

يمكن فيه بعض البقايا ما راحت او شي ؟
\
شاكر لك تفاعلك

لا عدمناك

[عزيز النفسس]

ولو ان خبرتي لاتذكر بالميكانيكا والكهرباء ولكن اقول 80% يبيله وزن ديلكو
امس تعبثت بديلكو الموتر بعد الاطلاع على دروس اخونا ابو عبدالرحمن ( اصيل حجازي )

فريته مره وشديت وطلعت اجرب الموتر يلقلق وقفته وفريته عكس الفره الاولى وقريب من وزنيه الوكاله ولله الحمد اختفت اللقلقه مع ان الموتر لا يزال الاخضر فيه

اعذرني على الاطاله وإن شاء الله الخبراء بيفيدونك ويأكدونلك ولي صحه او خطاء ما قمت به

كلامك في محله اخوي هويدي بس المشكلة ان موتري ماله ديلكو .. يعني اوتوماتيك .

شاكر لك تفاعلك والله لا يحرمك الاجر

كل الود

[عزيز النفسس]

السلام عليكم ورحمة الله وبركاته

عزيز النفس ، مساك الله بالخير ...

السيارة كم ماشية وكيف البواجي معك كم ماشي عليها ومتى آخر مرة غيرت فلتر البنزين ؟



وعليكم السلام ورحمة الله وبركاته

الله يمسيك بالرضى والنور

السياره وانا اخوك ماشيه 120 الف والبواجي واسلاكها وفلتر البنزين غيرتهن كلهن قبل اسبوعين تقريبا ..

[ساري 111]

غيرت فلتر البنزين قبل اسبوعين تقريبا ولا تغير شي .. هل يحتاج اغيره مره ثانيه .؟

يمكن فيه بعض البقايا ما راحت او شي ؟

طيب يوم تغير الفلتر كيف كانت نظافته ؟؟

ياليت تقيس ضغط طرمبه البنزين يمكنه ضعيفه
او بطريقه اخرى شف حالته اذا حولته على التانكي الصغير نفس المشكله او يتحسن الوضع؟؟

اذا ختلف الوضع فعندك الطرمبه به خلل <<مع انه مهب من عوايد الجيب تخرب طرمبته



فيه نقطه اخرى يمكن الموتر مايجيه مس بالخطوط ومكربن جرب تمسه بخط مع حبتين سرعه:D

[سوبر VTC]

شف يا طويل العمر

اذا كانت البواجي مهب اصلية من الوكيل ؟
و ايضا رقمهن يختلف ؟

و قد تكون الاسلاك مهب اصلية

اذا كانت الاسلاك القديمة موجودة عندك فاحتفظ بهن
لان قطع الغيار مهب مثل اول
الان اختلط الحابل بالنابل
ماتدري وش الاصلي من التجاري

البواجي يسببن لقلقة لان الشرارة ضعيفة
و يسببن صرقعة للمكينة

و قد تكون المشكلة رخاوة بجنزير التيمن اذا كان له فحمة

مثال
الباثفندر يجي له 3جنازير لانه راسين
من بكرة المكينة الى بكرة التيمن الكبير جنزير
من بكرة التيمن الى عمود التيمن الاول جنزير
من بكرة التيمن الى عمود التيمن الثاني جنزير
عمدان التيمن لهن مثل الفحمات حقات الدينمو
اذا خصلن و تاكلن يسبب لقلقة للباثفندر


موقعك يدلونك الربع على ورشة


اعانك الله

[عزيز النفسس]

طيب يوم تغير الفلتر كيف كانت نظافته ؟؟

ياليت تقيس ضغط طرمبه البنزين يمكنه ضعيفه
او بطريقه اخرى شف حالته اذا حولته على التانكي الصغير نفس المشكله او يتحسن الوضع؟؟

اذا ختلف الوضع فعندك الطرمبه به خلل <<مع انه مهب من عوايد الجيب تخرب طرمبته



فيه نقطه اخرى يمكن الموتر مايجيه مس بالخطوط ومكربن جرب تمسه بخط مع حبتين سرعه:D

فكرتك حلوة اخوي ساري جزاك الله خير .. راح احول لتانكي الثاني واشوف ..

وبالنسبة للكربنه فهي والله حراويه لان راعيه الاول مهوب يتعدى به ..

بشوف شغلة الطرمبه وبعدين ابجرب الخط .. والله يستر :D

شاكر ومقدر لك تفاعلك


لاهنت

[عزيز النفسس]

شف يا طويل العمر

اذا كانت البواجي مهب اصلية من الوكيل ؟
و ايضا رقمهن يختلف ؟

و قد تكون الاسلاك مهب اصلية

اذا كانت الاسلاك القديمة موجودة عندك فاحتفظ بهن
لان قطع الغيار مهب مثل اول
الان اختلط الحابل بالنابل
ماتدري وش الاصلي من التجاري

البواجي يسببن لقلقة لان الشرارة ضعيفة
و يسببن صرقعة للمكينة

و قد تكون المشكلة رخاوة بجنزير التيمن اذا كان له فحمة

مثال
الباثفندر يجي له 3جنازير لانه راسين
من بكرة المكينة الى بكرة التيمن الكبير جنزير
من بكرة التيمن الى عمود التيمن الاول جنزير
من بكرة التيمن الى عمود التيمن الثاني جنزير
عمدان التيمن لهن مثل الفحمات حقات الدينمو
اذا خصلن و تاكلن يسبب لقلقة للباثفندر


موقعك يدلونك الربع على ورشة


اعانك الله

حياك الله اخوي سوبر

بالنسبة للبواجي فهي من الوكالة بنفس رقمهن الاول ..

وانا غيرت اسلاك البواجي من الوكالة بعد قلت يمكن الصوت منهن .. ولا زالت المشكلة ..

بالنسبة لجنزير التيمن انا اعرف شي عنه وياليت لو تكرمت تصحح لي المعلومة ان كنت غلطان .

اللي اعرفه وانا اخوك ان جنزير التيمن يطلع له لقلقه في اول التشغيل وبعدين يروح .. هذي ما اعاني منها

والحمدلله .. ثانيا جنزير الاند الجي اكس ار حديد مهوب تيب زي الفي اكس ار .. يعني لو بيرتخي

ما راح يرتخي نفس الجنزير .. بس ترتخي الشدادات حقته ..

الشي الثالث الموتر الحين ماشي 120 الف .. ما تتوقع انه بدري على الجنزير تصير فيه رخاوه .؟!!


اتمنى تصحح لي معلوماتي ان كانت غلط ..


وشاااكر ومقدر لك تفاعلك


لاهنت

[العنابي 616]

السلام عليكم أخوي

أنا عندي لند 95 كان فيه نفس مشكلتك إذا احتمى يطلع صوت لقلقه مع الدعسه
بس قبل فترة كنت فاتح كبوت السيارة أتعبث و لقيت ان سلك السالب حق البطارية منجرح
على طول جبت تيب كهرباء و تيبته و الحمدلله من يومه و المشكلة راحت بنسبة 95%

[عزيز النفسس]

السلام عليكم أخوي

أنا عندي لند 95 كان فيه نفس مشكلتك إذا احتمى يطلع صوت لقلقه مع الدعسه
بس قبل فترة كنت فاتح كبوت السيارة أتعبث و لقيت ان سلك السالب حق البطارية منجرح
على طول جبت تيب كهرباء و تيبته و الحمدلله من يومه و المشكلة راحت بنسبة 95%


الله يجزاك بالجنة اخوي عنابي

ملاحظتك مهمة .. بكرا راح اشيك على الكبوت واشوف ان كان الاسلاك فيها شي

شاكر ومقدر لك تفاعلك


احتراااامي لك

[سامي سليمان]

عندي نفس المشكله في 98gx

[عزيز النفسس]

عندي نفس المشكله في 98gx


حياك الله يا سامي

ان شاء الله نلقى لنا حل لهالمشكلة

شاكر لك مرورك

[عزيز النفسس]

uppppppp‍‍‍‍

[ابوفيصل vtc]

اخي عزيز اللقلقه ماتطلع الا من حاجه وحده الديلكو مستحيل مافيه ديلكو اعانك الله

[أبوعبدالرحمن99]

فيه نقطة ما شفت أحد تكلم عنها
بكرات السيور يمكن فيها رمان خربان
( مسوي فاهم )

[3bdelm7sn]

انا عندي نفس المشكلة رنج سبورت ماهي لقلقلة مدري كيف اقرب للتسكتسكه كذا تسك تسك هذي تطلع معاي اذا مشيت 55 ورفعت رجلي خليته يريح نمرة ودعست شوي شوي خفيف تطلع شوي وتروح قالولي حساسات داخل المكينة اللي تقوم مقام الديلكو على كلامهم وتحتاج تغيير

[3bdelm7sn]

ايه وقالو تغييرها لازم فك الثلاجة وانا اصلا ناوي ادخلة الوكالة بعد الاختبارات وبشوف وش بيقولون طبعا الوكالة ناغي مو السيف

[عزيز النفسس]

اخي عزيز اللقلقه ماتطلع الا من حاجه وحده الديلكو مستحيل مافيه ديلكو اعانك الله


يا هلا بك ابو فيصل

اخوك مبتلى بهاللقلقة في اكثر من موتر

كان معي تاهو الله لا يعيد ساعة الشر وكان فيه لقلقه .. وصار فعلا مثل ما تفضل من وزنية الديلكو

ضبطناها وراح الصوت .

الجي اكس ار اللي معي توقعت يوم سمعت الصوت انه منه .. وديته للفنيين قالوا لي كلهم انه

ما فيه ديلكو .. يجي اوتوماتيك .. لكن يمكن فيه شي يقوم مقام الديلكو وهو اللي مسبب هالصوت .!!

شاكر ومقدر لك حضورك


احتراااامي

[عزيز النفسس]

فيه نقطة ما شفت أحد تكلم عنها
بكرات السيور يمكن فيها رمان خربان
( مسوي فاهم )


نورت يا اسير النور حياك الله .. الا فاهم ونص بس البكره وانا اخوك الصوت يطلع دايم

مو حال الدعسة بس مثل ماهو صاير معي ..

شاكر لك تفاعلك

[عزيز النفسس]

انا عندي نفس المشكلة رنج سبورت ماهي لقلقلة مدري كيف اقرب للتسكتسكه كذا تسك تسك هذي تطلع معاي اذا مشيت 55 ورفعت رجلي خليته يريح نمرة ودعست شوي شوي خفيف تطلع شوي وتروح قالولي حساسات داخل المكينة اللي تقوم مقام الديلكو على كلامهم وتحتاج تغيير


والله انا اشك ان كلامهم صح ياعبد المحسن .. وده فحص كمبيوتر قبل توديه لناغي وانا اخوك وتاكد ..

اتوقع ان الحساسات مالها دخل بصوت يطلع بعد ترك الابنص ..

اعانك الباري

[الموسيقار6]

معي باثفيندر 2005 ونفس اللقلقه اول مادعس على البنص شوي وتروح ثم ترجع لادعست مره ثانيه
وشكلها منتشره ويقولون طبيعي ,,,

[عزيز النفسس]

معي باثفيندر 2005 ونفس اللقلقه اول مادعس على البنص شوي وتروح ثم ترجع لادعست مره ثانيه
وشكلها منتشره ويقولون طبيعي ,,,


هلا بك يالموسيقار حياك الله والله يبارك لك في موترك

فعلا هذا كلام اثنين من الفنيين لي انه شي طبيعي

وعلى كل حال احيانا يصير صوت اللقلقة من فلتر الهواء اذا صار قديم مره يصير الموتر ما ياخذ هواء

كافي فتطلع اللقلقة مع الابنص .. شيك على الفلتر وربي يعينك ويعيني ..



كل الووود

[راعي تاحوف]

الله يكون في العون

1- حامي القزوز
2-صليبه يطلع صوت مثل صوت القلقه
3- اسلاك البواجي
4-مشابك آسلاك البواجي يمكن فيهن شي
5-وهي آهم شي الصبابات حقات الزيت وحله ( غير الزيت والسيفون )

شيك علا ذولي كلهن وآن شاء الله خير

[عزيز النفسس]

الله يكون في العون



1- حامي القزوز
2-صليبه يطلع صوت مثل صوت القلقه
3- اسلاك البواجي
4-مشابك آسلاك البواجي يمكن فيهن شي
5-وهي آهم شي الصبابات حقات الزيت وحله ( غير الزيت والسيفون )



شيك علا ذولي كلهن وآن شاء الله خير





يا هلا بك اخوي

بالنسبة لرقم واحد فالمشكلة ان الصوت يطلع احيانا وهو بارد .. واحيانا في عز الحر ما يطلع ..

الشي الثاني ياليت توضح لي وشي الصليبة اللي تطلع صوت وانا اخوك ..

الشي الثالث غيرت البواجي واسلاكهن ولا تغير شي والله ..

الشي الرابع .. بالنسبة لصبابات انا غيرت قبل كم يوم الزيت والسيفون وفعلا اختفى الصوت

اغلب ذاك اليوم لكنه طلع بعدين ..

هل فيه فعلا اعادة برمجة على بنزين 95 .؟ لان فيه واحد قالي خلهم يبرمجون موترك

على بنزين 95 وبيضبط . ما ادري وش مدى صحة هالكلام



شاكر ومقدر لك تفاعلك

[رحال2100]

يا هلا بك اخوي

بالنسبة لرقم واحد فالمشكلة ان الصوت يطلع احيانا وهو بارد .. واحيانا في عز الحر ما يطلع ..

الشي الثاني ياليت توضح لي وشي الصليبة اللي تطلع صوت وانا اخوك ..

الشي الثالث غيرت البواجي واسلاكهن ولا تغير شي والله ..

الشي الرابع .. بالنسبة لصبابات انا غيرت قبل كم يوم الزيت والسيفون وفعلا اختفى الصوت

اغلب ذاك اليوم لكنه طلع بعدين ..

هل فيه فعلا اعادة برمجة على بنزين 95 .؟ لان فيه واحد قالي خلهم يبرمجون موترك

على بنزين 95 وبيضبط . ما ادري وش مدى صحة هالكلام



شاكر ومقدر لك تفاعلك

نفس المشكله حصلت حل