طريقة صنع النباطة بالصور

[عاشق مكشات]

السلام عليكم

ممكن احد يعلمني طريقة صنع النباطة بالصور لان ولدي ازعجني

[عاشق مكشات]

وينكم يالنشاما

[S3IIO]

والله صعب وصفها بس غديني اقدر
جب سيم معلاق الثياب قصه شبر وشوي امين اعفطه على شكل حرف U امين يصر له راسين واقفين اعفطهم كل واحد مع النص يصيرن واحد رايح يمين والثاني يسار امين اعفطهم ثانيه على فوق امين الروس اللي يصيرن فوق مره اعفطهم عفط صغير علشان المغاغيط يركبن امين ابد شرطن بالشطرطون
ارجو اي فهمتني زين

[حزوبر]

الله يخليلك وليدك ويحفظه من كل شر
مر السنيدي وتحصل طلبك
أو محلات ألعاب الأطفال والله من كثر النبيطات

[بلقيس]

عمـــار يالنبــاطه :D
S3IIO اتوقع من وصفك بيعمل اجود نباطه :good2:

نباطة العلاق مايوصل مداها بعيد - عليك بالخشب : خشبتين على شكل حرف V لفهم بالشطرطووووون
وكرتون مغاغيط بينهم لستك >> مدري من وين يجيبونه العيال يمكن من سياكلهم
وتعمل نبيطه ماتخلي طير ماتصيده >>> بس انتبه لشبابيك الجيران تراك بتخسر وآآآجد :no2:

[عاشق مكشات]

والله صعب وصفها بس غديني اقدر
جب سيم معلاق الثياب قصه شبر وشوي امين اعفطه على شكل حرف U امين يصر له راسين واقفين اعفطهم كل واحد مع النص يصيرن واحد رايح يمين والثاني يسار امين اعفطهم ثانيه على فوق امين الروس اللي يصيرن فوق مره اعفطهم عفط صغير علشان المغاغيط يركبن امين ابد شرطن بالشطرطون
ارجو اي فهمتني زين

مشكور على المشاركة سأحاول ان شاء الله

[عاشق مكشات]

الله يخليلك وليدك ويحفظه من كل شر
مر السنيدي وتحصل طلبك
أو محلات ألعاب الأطفال والله من كثر النبيطات

الله يعافيك ويبيض الله وجهك

الله يشفي ولدك يزيد

[عاشق مكشات]

عمـــار يالنبــاطه :D
S3IIO اتوقع من وصفك بيعمل اجود نباطه :good2:


نباطة العلاق مايوصل مداها بعيد - عليك بالخشب : خشبتين على شكل حرف V لفهم بالشطرطووووون
وكرتون مغاغيط بينهم لستك >> مدري من وين يجيبونه العيال يمكن من سياكلهم

وتعمل نبيطه ماتخلي طير ماتصيده >>> بس انتبه لشبابيك الجيران تراك بتخسر وآآآجد :no2:


مشكور على الرد الجميل

[guns]

اذا تبيها لك :D

استخدم علاق سطل البوية وتحتاج لكماشة لنه قوي
وعلاق الملابس ينفع بس ضعيف ويحتاج الى تيب زيادة عشان يقوى

و المغاطات خلها ثلاثة في ستة او اثنين في ستة حتى تكون سرعة الحجر 360م/ث:good2:

والشطفة (مسطلح عربي فصحى :D ) هيه الي توضع فيها الحصى

استخدم وانتم بكرامة جلد الزبيرية

بمقاس تقريبا اقل من 1.5سم ع *3.5 او 4 سم ط

وهذي صورة تقريبية للنباطة بس ناقصها تيب وتحتاج الا 3 تيب او كيس بلاستك مع تيب واحد


http://www.m5zn.com/uploads/2010/6/16/photo/gif/061610120615babym2yz75vrnab7y.gif

[البرق999]

هذا اخي الفاضل مقطعين فيديو لصناعة النباطه

http://www.youtube.com/watch?v=vHMrEdsvjww

http://www.metacafe.com/watch/518741/how_to_make_your_own_slingshot/

[alwssam6]

ماشاء الله تبارك الله وشتبي بالنبيطه الناس تدور السلاح وانت نبيطه الله يعطيك خيرها

[اهل الردات]

يالحبيب لاتعب نفسك قس سيم وماسيم ياخي رح للبقاله وشتر نباطه ام ريال ولفه بشطرطون وحط مغطاة وجلبه صح قسم بالله لاتدعيلي ولارح المحل الدوات الصيد وتلقاء عنده نبطات انواع والشكال

[اسم قديم]

الله يخلي الجهاز الحين

[صقار الخرج1]

اقول رح اقرب بقاله وقله اختر وخذله بريال

[بريداوي اصليm]

والله أني نااوي هاليومين أحط موضوع
لصنع النبيطه الكن ماتوفرت كاميرة الجواال
لاكن أبحااول لا يهمك

[F-15 ذيب خزاز]

هههههه :D هالحين كل واحد دخل شرح لك طريقة النبيطه أللي هي الشاغور فقط
يعني اللي تركب فيه المغاطات
بس ولا واحد شرح لك طريقة تركيب المغاطات لا حويتها تقل قرون :p
هي اللي مافيه أمل إنها تنشرح ههههه:D أنت بلشت هالحين بالنبيطه قبل طريقة تركيب المغاطات
على العموم الرقعه لاتنسى حاول تشتري للولد الله يصلحه نعال (أعزكم الله) (أم سجديه) وعطه سكين :mad: طال عمرك وخله يقطع الإصبع حق النعله :D وأبد تراه وحده بوحده هههه

[الستانس]

يووووووووووووووة والله انك قديم هههههههههههه بس حلو ذكرتي يوم اني صغير هع


اخوي انصحك استخدم لستك السيارة واقطعة بشكل طولي ان حصل

ولكن خذ لستك صغير او لستك السياكل ودبل الستك بدل المغاط المقصد تقطع اللستك بشكل دائري


ورح البقالة واشتر نباطة بريال وشرطنها بالكامل

وعليك باصبع النعال

[أمير الصيد]

محلات بيع البنادق الهوائيه ومحلات الرحلات عندهم وانواع بعد . ان شاء الله تجد مطلوبك أو مطلوب الولد الله يخليه لك ويحفظه .
وتراها خطره انتبه له ؟ لأنه احيانا يمغط والرقعه مخالفه للنباطه يعني حرف اكس (x) ثم ترجع في جبهته ؟؟؟ههههه
لإن صارت لواحد من الاصدقاء واحنا اطفال ؟؟
تحياتي .

[الفيصل2009]

اذا تبيها لك :D

استخدم علاق سطل البوية وتحتاج لكماشة لنه قوي
وعلاق الملابس ينفع بس ضعيف ويحتاج الى تيب زيادة عشان يقوى

و المغاطات خلها ثلاثة في ستة او اثنين في ستة حتى تكون سرعة الحجر 360م/ث:good2:

والشطفة (مسطلح عربي فصحى :D ) هيه الي توضع فيها الحصى

استخدم وانتم بكرامة جلد الزبيرية

بمقاس تقريبا اقل من 1.5سم ع *3.5 او 4 سم ط

وهذي صورة تقريبية للنباطة بس ناقصها تيب وتحتاج الا 3 تيب او كيس بلاستك مع تيب واحد


http://www.m5zn.com/uploads/2010/6/16/photo/gif/061610120615babym2yz75vrnab7y.gif
‎:good2:هذة أفضل طريقة :good2:
(http://www.facebook.com/album.php?aid=62271&id=1033867006&ref=nf)

[عاشق مكشات]

مشكورين جميعا على الردود الطيبة

[بن حران]

الله يصلح ولدك

[عاشق مكشات]

الله يصلح ولدك


مشكور على الرد الجميل

[أبو_خالد]

ههههههههههههههههههههههه


الله يصلح ولدك ..

[فتاح الجواد]

السلام عليكم ورحمة الله وبركاته
ممكن تستفيد من الي في محلات البر
عندهم العديد من الاشكال (نباطات)
وعندهم بعد قطع غيار للنباطه%
يعني اشر القطع وركب
والله يوفقنا واياكم

[ابو تركي 2006]

ذكرايات قديييييييييييمه

[عسولة الرياض]

تنباع بلبقالات جاهزه اشتريها واشتري معها مغاغيط

[ابو صاالح]

اذا تبيها لك :D

استخدم علاق سطل البوية وتحتاج لكماشة لنه قوي
وعلاق الملابس ينفع بس ضعيف ويحتاج الى تيب زيادة عشان يقوى

و المغاطات خلها ثلاثة في ستة او اثنين في ستة حتى تكون سرعة الحجر 360م/ث:good2:

والشطفة (مسطلح عربي فصحى :D ) هيه الي توضع فيها الحصى

استخدم وانتم بكرامة جلد الزبيرية

بمقاس تقريبا اقل من 1.5سم ع *3.5 او 4 سم ط

وهذي صورة تقريبية للنباطة بس ناقصها تيب وتحتاج الا 3 تيب او كيس بلاستك مع تيب واحد


http://www.m5zn.com/uploads/2010/6/16/photo/gif/061610120615babym2yz75vrnab7y.gif
-----------------------------------------
هنا تكمن الخبره ،، وصف الرجال ميه الميه

[ابو ناصر22]

وش في من جدكم في نباطه للحين عايشه
والله انك ضحكتني يا راعي الموضوع للاسف ما عندي خبره
بس ممكن سؤال وش تحس فيه ؟

[77محمد77]

السلام عليكم ورحمت الله وبركاته
ماخلو شي الاخوان من ناحيت التجارب الماضيه وانا من خلال تجربتي الماضيه ان السيم حق اللحام اللي يلحم الحديد افضل من ناحيت القوه والمداء البعيد والعمر الطويل او سيم سطل البويه ان لم يتوفر لان حق البويه ثقيل مره على الولد يعني الاحسن حق اللحام وتقبل مروري بصدر رحب اطال الله في عمرك انت وولدك والمسلمين اجمعين وشكرا

[accentkool]

موجودة عند السنيدي
النباطة البرية

[ريم البراري]

ياليت بدل ماتسوي له نبيطه مافيها نفع تعلمه السباحة او ركوب الخيل

النبيط في المزارع ماهي في البيوت وعند السيارات:)

[حدريه]

السلام عليكم
اخوي انا بالرس
تسانك قريب من
ولا حط رقم جوالك عنديلك
نبيطه تاتقعد معك 100 سنه انا شاء الله
ويايارثونه عيال عيالك