الي عنده علم يدخل

[hamido]

السلام عليكم
اليوم ياخوان مع هالحر الله يجيرنا وياكم من عذاب النار
وقفت الموتر باترول98 لمدة نصف ساعه ومشغل المكيف ويوم جيته ولا الحراره ثلاثة ارباع ياولد واحرك بسرعه عشان يضربه الهوا والحمدلله نزلت على طول ...
السؤال ليش ارتفعت الحراره مع اني رحت للصناعيه وبغيت اتهور واشري رديتر بعد بس تعوذت من ابليس لان شكل اديتره كود فك وصيخ ورحت لم حق الاديترات وواق به
:j ويقت مثل وجه ماجازت لي وصرفن وقالي الاديتر مابه شي ورحت للميكانيكي وايضا على طول استسلم :( قال والله كل شي سليم عندك
ولاحد يقولي بعذره مع هالحر هذا ياباني المفروض مايعترف بالحراره وايضا كان معي اخوه 2002 ولا يعرف الحراره ابد ابد
الله يجزاكم خير الي عنده علم او كود مرت عليه الشغله لايبخل علينا ولا يعرف احد مختص بالشغلات ذي بعد لايذخر به علينا
وجزاكم الله خير مقدما

[الخفاره]

يمكن مافيه مروحه اماميه حقت المكيف او كلش المروحه خربان واذا الرديتر عندك نحاس فاكيد منه

[hamido]

الله يجزاك خير على سرعة التجاوب بس مالك لوا كل الي ذكر مضبوط عندي كلتش المروحه مضبوط وفيه مروحة مكيف وشغاله مع المكيف والاديتر المنيوم شد بلد

[asdali]

اخوي موترك مافيه الا العافية ان شاء الله والله يبارك لك فيه

اشوف الوضع طبيعي دامك تقول مخليه نص ساعة واقف والجو نار لو انه به شي ما كان كمل 10 دقايق الا والحرارة على الاتش .

بس انصحك تشيك السير هو مشدود ولا لا . وفي نفس الوقت شيك الريس حق المكيف يعني لما يشتغل الكمبروسر يرتفع عزم الدوران حق المكينة بشكل واضح ولا خفيف . لن السيارة اذا ما كانت معشقة على الفاضي المفروض يكون عزم الدوران عالي اكثر من هي معشقة لجل طرمبة الماء تدفع الموية بسرعة للتبريد .

بالتوفيق

[بعيد الهقاوي9]

شيك على غطى الرديتر,,,,,,,,,,,,,,تحياتي

[سوبر مكشات]

ازين حل اخوي


رهم بين الشبك والصدام مروحه مرسدس 300 صح الصوت عالي لكن لو الرديتر فيه نص ماء

الحراره ربع


فيه موضوع احد الاعضاء مرهمها

يقول الساعه 2 الظهر المكيف على 2 السرعه 160 الحراره ربع ثابته

[ابوطاقية]

يوم ارتفعت الحرار لفض الماء والا لا ؟
اذا لفض الماء فالغطاء عندك يبي تغيير

[الطرفيه]

أتوقع والعلم عند الله أن بلف الحراره عندك يبي تغير بواحد جديد

[هويدي]

ماشاء الله دام موترك مافيه الا العافيه ارى انك تكتفي بتغيير الماء

اندس الله لا يهينك تحت الموتر وناظر الاديتر بتلقى به صره بلاستيك فكه اذا صار الموتر بارد علشان تفرغ الماء

طبعا تكون مجهزلك جركل ماء تايوتا الاحمر وكرتون ماء مقطر وبيبقى منه واجد

بعد مايخلص الماء اللي فيه اربط الصره ـ بس انتبه تربطه بقوه وتبوزه ـ لانه بلاستيك سم بالله ودق سلف وعب الجركل وغلق الباقي مقطر

[قطمان المحازم]

انا موتري باترول ربع 99 اوقفه ساعتين في الحر حرارته ثابته صيخ الاديتر وتـنـظيـف مجرى الماء وتغيير خراطيش الاديتر الي فوق والي تحت وماء من الوكاله

[الرياضي1111]

جزاك الله خير

[ترهيم]

السلام عليكم

شف وانا خوك الحراره لها اسباب واجد ..

اذا انت متأكد من الرديتر انه نظيف ولا يهرب ولا شي والليات سليمة فيه نقاط ثانية ..

راس المكينه (مستبعد) لان الحراره ريح تكون مرتفعه سواءً مشت او وقفت .

غطاء الرديتر .. اذا كانت قربة المويه تمتلي مويه يعني انت تتركها نصف مويه وتجي تحصلها مليانه معناته فيه مشكله في الغطاء بدال مايسحب من قربة المويه يردها من الرديتر للقربه والقربه تهربه للخارج .

دينمو المروحه .. هذا كيف تعرفه روح للمروحه واعكس اتجاهها اذا فرت معاك بكل سهوله وتجلس تلعب عندك مشكله في الدنمو .

ريشة المروحه وهذي تقدر تشوفها بعينك اذا فيها كسور (لاتستهين اذا كانت فيها شعور من عند الحلق المثبت بالدينمو ) او ترج حتي انها اذا زادت تجلس ترج الموتر تشك انها كراسي المكينه وهي من المروحه .

او البلف .. وهذا بتلقى الليات محجره بس ماتقدر تعرفه لين تفكه وتراه يعتبر مستهلك يعني غيره اصرف .

او طرمبة المويه .

[مجنون الفتك]

احمد ربك ناس مهي لقيه الموتر تثبت حرارته ونت تقول علي الثلاث بعد نصف ساعة لايش الموتر كامري علي غفله
انا موتري وانا امشي علي الثلاث وانا واقف علي النص من هذا الحر الي عندنا علمان ان موتر فتك 2002 والاديتر جديد والكلتشات جديد والمروح التبريد شغاله والبلف جديد والسير مشدود والقزوز هيدرز
تحياتي

[شمالات نجد]

طبيعي طبيعي

ومثل ما قالوا لك الاخوان غير المويه بعد اللي صار افضل

سلام

[hamido]

جزاكم الله خير على المعلومات انا اليوم ابغير ماءالاديتر وبشيك على توماتيك المروحه زين لاني ماش مارتحت لكلام الميكانيكي وادوربه خفيفه مره
ولا اسمع صوت فصلته اغديه منه والريس حق المكيف مضبوط يزود اذا شبك المكيف ويفصل اذافصل والغطا مضبوط ولا يرجع الماء للقربه مع ان نوعية الغطا هي الي عليه ستكر احمر واشوف بعض الاعضاء يحذر منه وان مافاد الشكوى لله مالنا الا نركب مراوح وسوف نوافيكم بالمستجدات ان شاء الله :good2: بس فيه ملاحظه يومك ارفعت حرارته اشوف فيه تنديه من الاديتر فوق لانه كود صيخ قبل ولا كبسه شكله زين

[سوبر VTC]

ينقل لقسم الاعطال