المساعد الشخصي الرقمي

مشاهدة النسخة كاملة : انا اخوكم اكويتى بغيت احصل على تصريح الحداق على طرادى اليمنيوم 16 قدم


ناصر البريكى
17/06/2010, 12:12 AM
شباب ممكن تفيدونى اشلون احصل على تصريح حداق حق السفانيه او الجبيل او الوزر يعطونى تصريح او لا وين اروح ياليت تبلغونى وشنو الطلبات المطلوبه اروح حق سلاح الحدود او الاماره ؟؟ومشكوووووووريييييييين
alkhyial2009
17/06/2010, 12:24 AM
الله يعينك
كنعد
17/06/2010, 12:38 AM
حبيب قلبي انا قلت لك كلم استعلامات المملكة العربية السعودية 905 وطلب منهم رقم سلاح الحدود بالمنطقة الشرقية

وستفسر من سلاح الحدود

وسامحني على القصور
الباثفندر 3.5
17/06/2010, 12:44 AM
الله يعينك
ناصر البريكى
17/06/2010, 12:45 AM
مو راضى يمسك الخط وياى يليت الى عنده خبر يفيدنى ومشكور على مرورك حبيبى ماقصرت ؟
كنعد
17/06/2010, 03:22 AM
ان شالله اذا قدرت كلمتهم ورديت لك خبر

ولا يهمك

بس عطني سؤالك كامل وواضح

علشان اسئلهم ورد لك خبر
ناصر البريكى
17/06/2010, 05:39 AM
ابى تصريح حق حداق اسياف بعد اذن الاداره هذا جوالى 94461515 وسلامتك قلب وياليت تعطينى رقم جوالك ؟
ناصر البريكى
17/06/2010, 06:00 AM
تصليح الرقم 0096594461516
accentkool
17/06/2010, 06:21 AM
ان شاء الله يفيدوك الاخوان ومايقصرو معك
كنعد
17/06/2010, 06:51 AM
خلاص بكلمهم ان شالله بس اليوم وبكرة مشغول حدي يليت تمهلني الى يوم السبت

واسف جدا ظروفي معفوسة اشوي ادخل وطلع بهلمنتدى على الطاير

بس يصفى الجو بكلمهم ولا يهمك
ناجل سمار
17/06/2010, 01:37 PM
وعليكم السلام الذي يفيدك 100% سلاح الحدود عندكم لابد ان يكون هناك نظام متبع لهذه الحالات -من اجل ان تكون في السليم ياصاحبي
مشاغب السقالة
17/06/2010, 04:57 PM
الله يسهلك امورك
ناصر البريكى
17/06/2010, 06:38 PM
الله يجزاك خير اخوى الكنعد والله انى نفسى اطلع حداف وانا بنتظارك قلب ومشكووووور ومشكورين على نصايح اخوانى الى ردودهم فرحت قلبى وماقصرتم والله
بـو بـدر
18/06/2010, 12:23 AM
السلام عليكم ورحمه الله

غريييييييييب طلبك يالبريكي .....؟؟

اهلك بالسفانيه وولد عمك فالح البريكي ملك اسياف السعوديه ....؟؟؟ وماتعرف

علي العموم اخوي تروح لسلاح الحدود بالخفجي وتدخل الاداره الي علي البحر

وبعدين علي اولك اصعد فوق لاداره العمليات بتلقي شباب واحد منهم لابس بدله بنيه غير الباقي اول ماتدخل المكتب بيكون علي يسارك --- هاذا الي عنده التصاريح ويقدر يفيدك عدل عدل .

عندي لك حل احسن من الطراد الامنيوم ( لان الطراد ماراح يخلونك تدخل الخوارير الي انت تبيها ..... اذا عندك طراد 24 ومافوق .... تقدر تطلع له تصريح من سلاح الحدود الكويتي للحداق بالسعوديه ( وتراها سهالات )

تحـــياتـــي
أبو نور
18/06/2010, 12:25 AM
انا بقولك تروح الاماره في الدمام وتاخذ تصريح من هناك من عند الامير وتصور الطراد والمكينه والدفتر وجوازات المرافقين لانهم محددين ويقولولك الاماكن الي مسموح اتحدق فيها وانا اقوللك وانا اخوك السالفه من الاخر يبيلك واسطه في الاماره هذي الزبده
ناصر البريكى
18/06/2010, 03:51 AM
لا حبتك عينى ما ضامك الدهر ،،،،،،،،،،،،، بس قلب انا اعرف ان السفانيه ممنوعه من زمان بس سمعت ان الجبيل يعطون تصريح الحداق بالزور ؟ بو بدر انا اعرف مدخلى ومخراجى بالسفانيه بس احب اكون قانونى لو مره فهمت قلب ومشكووووووووررررررررررررررر
بـو بـدر
18/06/2010, 04:40 AM
بو بدر انا اعرف مدخلى ومخراجى بالسفانيه بس احب اكون قانونى لو مره فهمت قلب ومشكووووووووررررررررررررررر

موهاذا الي عقدني ياخوك

المهم روح السفانيه وكلم ربعك هناك يجيبولك التصريح غير الواسطه مايمشي

كويتي وتبي تصريح وبطراد بعد ..... اذا سيف غير منيفه ماكو وهم بتصريييييييييح

ولاتقولي قانوني ياخوك ( والله لتقعد بمحلك ولاانت محصل تصريح )

تحـــياتـــي
أبو نور
18/06/2010, 09:15 AM
انت تبي راس الزور اصدوي والنقوريه وجزيره جنه :) :) وخوريرها تبي دور السبيطي قلتلك اذا عندك واسطه في الاماره تطلعها وانت واقف ويا البريكي رح حق ابن بليق ويضبطك انشالله :) او الامير :) او رح حق الحريتي في الكويت ولا غيره اغسل ايدك :)
العاطل عن الأمل
18/06/2010, 12:20 PM
ادخل علي الرابط راح يفيدك

http://www.mekshat.com/vb/showthread.php?t=306587 (http://www.mekshat.com/vb/showthread.php?t=306587)
بوغيث 6363
18/06/2010, 03:46 PM
اسمع كلام الشيخ بوبدر > تحياتي
hunterq8
18/06/2010, 05:10 PM
السلام عليكم ..

يالبريكي اخذ المختصر المفيد .. عندك واسطة يصير كل شي ..

غيرة انسى الموضوع ..

وحداق السعودية يستاهل التعب ..

بالتوفيق ان شاء الله ..