جمس سييرا 2008 غمارتين دبل

[يوسف الحمد]

بسم الله الرحمن الرحمن


النوع : ونيت جي إم سي.
الاسم : سييرا.
الموديل : 2008
المكينة : 8 سلندر ، وقوتها 6000 .
الحجم : 2500 Hd
الجنط : 8 مسامير
القير أتوماتيك عادي 6 سرعات.
الدبل أرضي عادي.
ماشي 53 ألف كم، قابل للزيادة لأنه تحت الاستخدام.
مثبت سرعة.
أنوار ضباب أمامية.
مسجل سيدي.
السيارة معزوله بمانع الصدأ للشاصي.
مركب فيبر على الحوض.

السيارة تعرضت لحادث إنقلاب من الجهة اليمنى على طريق ترابي، سابقاً مما نتج عنه إضاءة لمبة إيرباق الراكب ولمبة المكينة وتعطل إمبير البنزين، أما الكمبروسر فلا يعمل، والزيق الأمامي اللي فوق الكبوت مو موجود، وفيه بعض الخدوش في القماش الداخلي لسقف السيارة.

مع العلم أنه تم تصليح الدبل وتغيير جرم الدفرنس الخلفي مع العكس الأيمن، والسيارة مصبوغة كاملة تقريباً.

السيارة تحت استخدامي منذ ستة شهور وما اشتكيت من أي أمر آخر، مع العلم أن موقع السيارة في الدمام.


الله الله بالسومات الطيبة، والصامل ما راح نختلف معه.
الله يربح الشاري ويبارك للبائع.

السومات تكون على العام.

نصدق لنأكل حلال.

http://www.mekshat.com/pix/upload04/images170/mk169573_23052010151y.jpg

http://www.mekshat.com/pix/upload04/images170/mk169573_img_0225y.jpg

http://www.mekshat.com/pix/upload04/images170/mk169573_img_0209y.jpg

http://www.mekshat.com/pix/upload04/images170/mk169573_dsc01215y.jpg

http://www.mekshat.com/pix/upload04/images170/mk169573_23052010143y.jpg

http://www.mekshat.com/pix/upload04/images170/mk169573_23052010147y.jpg

http://www.mekshat.com/pix/upload04/images170/mk169573_23052010144y.jpg

http://www.mekshat.com/pix/upload04/images170/mk169573_23052010148y.jpg

http://www.mekshat.com/pix/upload04/images170/mk169573_23052010150y.jpg

[يوسف الحمد]

نسيت أن أضيف أن قفل الأبواب الاتوماتيك لا يعمل.

[مولع بالطير]

الله يرزقك

[يوسف الحمد]

وياك وجميع المسلمين.

[ولد وايل..]

الله يوفقنا وياااااااك...

[يوسف الحمد]

آمين يا رب العالمين.

مشكورين على المرور.

لكن ودنا أحد يفتح الباب بالسومة الطيبة، الله يطيب أعماله.

[ملف علاقي]

ياليت حدك ياالحبيب لأن صعبه السوم والسياره في هاالحاله الي ذكرت إذا كان حدك معقول سيرنا عليك وشفناها وإلا دعينالك باالبركه تحياتي

[يوسف الحمد]

مشكور على المرور يا ملف علاقي.

لكن يقولون الأولين ( من حد لد )

فالمجال مفتوح للسوم مع العلم إنه بيع وشراء كل واحد يسوم باللي يناسبه.

إذا ناسبت السومة بعنا والله يبارك للمشتري، وإن ما ناسبت انتظرنا.

[awod]

الله اما ارقني وارزق مني
افتح بايه ب 50000ريال

[يوسف الحمد]

الله يبيض وجهك ويبارك لك في رزقك، سومة طيبة من وجه طيب.

لكن نبي نصبر شوي ودنا تزيد.

شكراً على فتح الباب أخوي awod

[ملف علاقي]

55000الف نزود علي سومة اخونا إذا ناسبك راسلنا وإلا الله يرزقك من واسع فظله

[ملف علاقي]

عذرا اخ يوسف هي مايجي عليها هوك سحب خلفي لأني ماني شايفه باالصور

[يوسف الحمد]

أخوي الله يرفع قدرك بس والله إنه يسوى أكثر، نبي ننتظر عسى الله يامرك وتزيد بالسومة.

أما بالنسبة للهوك فما معه هوك مع العلم إن فيش الكهربائي الخاص بالهوك موجود بالخلف، إضافة إلى ميزة تحويل القير على جر العربات.

[ملف علاقي]

اخ يوسف حد علي من الأخر لأني طالع بعد الأختبارات للأمارات اشوف لي موتر وإذا حاب خله علي الخاص بيني وبينك علشان توفر علي مشوار

[يوسف الحمد]

حبيبنا ملف علاقي، اعتذر عن ذلك وقد تم الرد على طلبك من قبل.

لكن ننتظر السومات وعطنا سومتك ونشوف.

أشكر مرورك.

[يوسف الحمد]

ومن المواصفات : زر في القير يستخدم في جر العربات والمقطورات وغير ذلك.

[وافي 00]

اخوي سؤال لو سمحت

لما تخلية على M وتحط القير على رقم 2 هل يقوم بالثاني او الاول اجباري وبعدين يصير 2 ويحن لين تغيرة 3

لان هالميزة حلوة حيل قير عادي واذا مالك خلق تخلية اوتو

بالتوفيق

[سرا]

اذا لك بل بدل طليان نعيم افدنا

[يوسف الحمد]

أخوي وافي إذا حطيته على الثاني يقوم بالثاني وترتاح، لأنه يعطيك تسارع أفضل.

أخوي سرا ما لي رغبة بالبدل بطليان النعيم.

[راع المنارة]

56000 بعد الفحص

[ابوشجاع911]

عسى الله يرزقنا وياك من واسع فضله
اشهد بالله انك رجل صدوق عسى الله يكثر من امثالك ويرزقك في هالسيارة برزق يرضيك ويعوض عليك بابرك منها

تحياتي ياشهم

[يوسف الحمد]

راعي المنارة سومة طيبة من وجه طيب، لكن ودنا نصبر شوي.
ومشكور على المرور.

ابو شجاع 911 ، آمين وإياك والمسلمين أجمعين.
الله يسلمك، ومن أهم أمور الدين أن يصدق الانسان في البيع والشراء كما وصى بذلك رسولنا الكريم صلوات الله وسلامه عليه.

مشكور على المرور.

[أبو هاجوس2000]

الله يرزقك بالبيعة الطيبة اللي ترضيك . أحب أن أشكر صاحب الموضوع على توضيحه عن حالة السيارة وما حصل بها . لأن في هذا الزمن للأسف قليل ما تجد أحد يصدق في البيع أو الشراء إلا ما رحم الله ..

[يوسف الحمد]

أخوي أبو هاجوس 2000 اللهم آمين، وتشكر على الدعوة وعلى الشكر الرائع.
لك مني تحية طيبة ودعوة في ظهر الغيب.

أخوي صقار الوجه آمين وإياك.

والجميع مشكور على المرور.

ونيست أقول ترى الموتر يستاهل، وين راعين الحلال، وين راعين المعدات والتحميل، وين راعين الكشتات.

[البارق111]

سعرك من الاخر بارك الله فيك

[يوسف الحمد]

سيلفر 111 من ناحية الحد ودي أصبر شوي.

وأود أن انبه أنه لا مانع بالبدل بسيارة أخرى من شركة ( تويوتا )

والشكر للجميع على المرور.

[يوسف الحمد]

اعتذر عن الرد في الخاص لأن مشاركاتي أقل من خمسين مشاركة.

اللي يبي الرقم يرسل لي على الخاص وراح أرسله على جواله.

[بارق تميم1]

الله يرزقك البيعه الي تسر خاطرك يابوحمد

[يوسف الحمد]

أمين وياك يا بارق تميم1.

تشكر على المرور.

[المعني555]

الله يرزقك كل خير

[يوسف الحمد]

آمين وياك يا المعني 555
ومشكور على المرور.

[يوسف الحمد]

تم بيع السيارة خارج الموقع.

أرجوا إغلاق الموضوع.

[عاشق الفتك 20]

الله يـــــــرزقك بـــا الــــزبـــون الــصـــامـــل ان شـــــاء الله

[قنيص غير]

الله يرزقك البيعة الطيبة

[قصمي]

الحمدلله علئ سلمك الحلال يروح ويجي اهم شي الصحه وان اوخك