هذا العطل أشغلني كثيييييييير

[أبو نوااف]

السلام عليكم ورحمة الله وبركاته

يا أخواااااااان الفزعة..

سيارتي يوكون موديل 2002 وجاها شيء غريب أذا بغيت اشغلها ما تشتغل الا بعد ثلاث أو اربع محاولات يعني السلف يشتغل لكن المكينة لا.. ورحت لكهربائي وقال غير البطارية وغيرتها ولا فيه فايده... رحت لمكانيكي قال صفاي البنزين غيرته ولا طلع معي شي!!!
والغريب في الموضوع انها كانت في الشتاء ممتازة وحتى الان في الصباح تشتغل فورا..أما في الجو الحار فمشكلة.. وكذلك لو اطفيها واشغلها ثانية تصير مضبوطة لكن لو اخليها ساعتين ثلاث ترجع لنفس المشكلة

أحد قد صار له مثلي.. ؟؟؟

[هويدي]

حياك الله اخوي نواف .. سعداء بأنضمامك معنا في مكشات

مالي خبره بالامريكي بس اتوقع والعلم عند الله ان السبب دبات البيئه مجمعه كربون ومنسده
وإنشاء الله خبراء الامريكي بيفيدونك اكثر

[b.l.z 2007]

هلا بك اخوي

انا قد صار لي نفس المشكله ما يشتغل الا بعد ثلاث دقات او اربع وطلع عندي طرمبه البنزين وغيرتها وظبط الموتر ولله الحمد

شيك علا طرمبه البنزين في موترك ولا تغيرها الا اذا تأكدت ان منها العله

[mazenk15]

هذا يالطيب من تهريب لضغط طرمبة البنزين بعد ماتطفيها
جرب دق سلف بدون تشغيل راح تسمع صوت الطرمبة يشتغل شوي ويسكت
جرب الحركة هذى ثلاث مرات وبعدها راح يشتغل معك الموتر على طول بأذن الله
اذا صار معك كذا فإن المشكلة بسيطة بس تحتاج تنزيل التانكي (البنزين) وشيك على ليات انها مافيها قطع
وان الطرمبة ماترجع البنزين للتانكي

[قمة افرست]

بلف رجيع البنزين
او الطرمبة

[Magellan]

راسل المشرف سوبر vtc عنده علم بالموضوع

[سوبر VTC]

هلا
احد داقن علي بيجر :D


نعم صار لي هالشي بجمس م2001 و جيب
و
لو تركته تراه ماتضر
بس اهم شي فحص الضغط
مع انه يستحسن الاصلاح
لانه مع كثر دق السلف
قد تخرب فحمات السلف او ترس السلف

افتح السويتش و طفه 3مرات
في كل مرة تنتظر 3 ثواني
في المرة ال4 شغل الموتر
اذا اشتغلت من اول مره فالمشكلة من طرمبة البنزين
تنسيم براجع البنزين
يفترض ان البنزين مايرجع الى التانكي
للمزيد من الصور ادخل موضوعي بالتوقيع
جميع اعطال الطرمبة للجمس بالصور
فك الطرمبة بالصور
معاناتتي مع الجمس
و ان شاء تبي تستفيد معلومات و حلول شاملة
باذن الله


+

مواضيع للاخ الرائع كبسولة2 جزاه الله خير

قياس ضغط طرمبة البنزين للجمسات + تغير صفاية البنزين بالصور (http://www.mekshat.com/vb/showthread.php?t=207564)


حل مشكلة Check Engine لمعظم السيارات وخصوصاً الأمريكية بالصور (http://www.mekshat.com/vb/showthread.php?t=251036)

حل مشاكل التفتفة في الجموس والشفرات (http://www.mekshat.com/vb/showthread.php?t=208116)
معلومات قيمة تخص ملاك اليوكن والتاهو والجمس والكابرس عن الزيت والبواجي (http://www.mekshat.com/vb/showthread.php?t=195867)




بخصوص توليف ساعة لفحص طرمبة البنزين :good:
ادخل هنا ===> 6 (http://www.mekshat.com/vb/showpost.php?p=4722936&postcount=6)


اهم نقطة الان
انك تتاكد من ضغط طرمبة البنزين اذا فوق ال40 فهي تمام
اذا العكس فلازم تغيره

و يغنيك
عن فحص ضغط الطرمبة
اذا كانت فزة الموتر قوية عند اشارة او بالخط
فالطرمبة تمام


رد للمشرف بدوي جنوبي


يبو فؤاد
المتهم الاول والاخير هى الطرمبه
الهندى كلامه صحيح اذا احترت تبدأتضعف وما تدفع وقود
بالشكل المطلوب

انظرلطريقة عمل الطرمبه فى هذا الموضوع :
تعرف علي اجزاء طرمبة الوقود الكهربائية وطريقة عملها واسباب تلفها Gmc-vx-r- Ford (http://www.mekshat.com/vb/showthread.php?t=207634)
بالتوفيق

طرمبة البنزين خايف تتعطل عليك وانت مسافر هنا الحل السريع لتغيرها،،، لكن (http://www.mekshat.com/vb/showthread.php?t=287259)


تحذير مهم اللى يحتاج (تركيب) توليف طرمبة Vxr او تركيب طرمبة شد بلد (http://www.mekshat.com/vb/showthread.php?t=271649)


طرمبة بنزين Bti ب 60 ريال فقط وضمان 3 أشهر Gmc-vx-r (http://www.mekshat.com/vb/showthread.php?t=278044)





اعانك الله

[أبو نوااف]

أشكر الجميع على سرعة التجاوب وعلى هذه النصائح المميزة.. وأسأل الله أن يبارك في اعمارهم وفي أولادهم..
ولكي نتم الموضوع:

بعدان شاهدت اتفاق الجميع على ان الخلل في طرمبة البنزين رحت لورشة وغيرتها بطرمبة لاند كروزر.. وكلفتني 1000 ريال.
الطرمبة 620
الفلاتر الداخلية والخارجية 70
وشغل اليد 300

[s1s1]

المشكلة طرمبة البنزين

[سوبر VTC]

حياك يابو نواف
الحمدلله
ليتك و الله نزلت صور للطرمبة و القطع الجديدة و القديمة
عشان تكون مرجع للاعضاء عند الحاجة
و اجرك على الله
موفق