مقناص ( حبرو ) [الأرشيف] - منتديات مكشات

الفيتو

25/05/2005, 05:48 AM

بسم الله الرحمن الرحيم

السلام عليكم يا جماعه

الحبرو وما ادراك ما الحبرو ((شبيه بالحبارى كبير الحجم صيده غير تقليديه للطير )) اول ما تشوف جرته تقول حبارى العاده بس تكابرها تبدأتقصص وتستقطع للجره وتقول عساها تطير من عندي
وأهد لكن تتفاجأ الجره جديده والطير مفرع ولا تل اكيد مخمر يوم حست بالموتر المفاجأه
الحقيقيه يوم تكتشف انها جنبك من اليوم والطير يشوفها (( اللي قرض الحباري سنين
مضت ولا يطلبها ههههه)) فعلا ما يلام شي غريبكبر في الحجم وطول في المنقار
وطول في القوايم لا لالالا وصوت يشبه نبح الكلب . بسم الله الرحمن ترد على
الجهاز عقب تفكير وتقول يالربع عندي حبرو ويتجمعون ويفرجون الطيور
ولا تطلبه ويقول واحد من الربع (( طير بن فلان صاده غريبه طيورنا
ما تصيده ) يرد عليه واحد منا يقول (لو يجي بن فلان براسه
ما يصيده خل طيره ). نضحك من الرد ونبرقع طيورنا.
,
صورة لأول وما صلنا فالديره ولقينا كم ظبي بغت تقلب عليها السيارات بعد ماصدنا وسلمنا بفضل الله
قلنا (مساء وإهداء )
http://www.mekshat.com/pix/upload02/images61/mk8575_hdi.jpg
هذي صورته اول ماشفناه عساها واضحه
http://www.mekshat.com/pix/upload02/images61/mk8575_hdi%20(1).jpg

اول معشى لنا طبعا الثريا ما إرتاح مكالمات من المملكه كلن يسأل بشروا بشروا عساكم
لقيتوا حباري.. حباري !!! ههههه والله لقيناالحبرو أبو الحكاياتشوفه القرانيس
وتدنق تحت تقول ما شافنه.. تكفون إعزلوه حي وجيبوه معكم ههههه ..
نقول الطيور هابته تقول إعزلوه حي وهاتوه !!!!!
,
سبحان الله قدرنا نمسك حي ونجيبه للمملكه وهاذي صورته داخل الشبك
http://www.mekshat.com/pix/upload02/images61/mk8575_hdi%20(2).jpg

والسبب كان معنا شيهانه عراقيه . راعيها الشريف محمود ال غالب
مسميها( شلفا ذياب)شلفا هذي غيرت
راينا في الحبرو وردت ثقتنا في الطيور وبسمك يارحمن. عزلنا منها
وعلمنا هذي صورتها صايده. وتلا حظون فرحتنا على قول
المصريالدنيا مش سيعانا( شلفا شيهانه جبليه من
شياهين البحرالمتوسط
http://www.mekshat.com/pix/upload02/images61/mk8575_hdi%20(3).jpg
وهذي صيده ثانيه
http://www.mekshat.com/pix/upload02/images61/mk8575_hdi%20(4).jpg

وهذي صيده
http://www.mekshat.com/pix/upload02/images61/mk8575_hdi%20(5).jpg

وهذي صوره تبين حجمه
http://www.mekshat.com/pix/upload02/images61/mk8575_hdi%20(6).jpg

ما تخلى الرحله من المفاجأت .... منها لقينا فروخ
هذي صورتها فروخ حبرو طبعاَ
http://www.mekshat.com/pix/upload02/images61/mk8575_hdi%20(8).jpg

ولقينا فروخ وصدنا أمها وشلناها وهذي صورتها ولا زالت الفروخ حيه ولكن الآ م...... وهذي صورتها
http://www.mekshat.com/pix/upload02/images61/mk8575_hdi%20(9).jpg

وهذ ي صورللفروخ من قريب ويبان في الصوره( رسله- ولعبه) هذي لها موضوع خاص مدعوم بالصور
http://www.mekshat.com/pix/upload02/images61/mk8575_hdi%20(10).jpg

الطير هذا مهوب هين حتى الغزلان هد عليها
*
أرجوا أنكم إستمتعتوا بما شاهدتوا
والسلام
الفيتو
الحجاز
25/5/2005

أبو رداد

25/05/2005, 07:46 AM

السلام عليكم ورحمة الله وبركاته

هههه الله يضحك يبو صالح بالدنيا والاخره ...
صبحك الله بالخير يبو صالح ....
مشكور على هالصور الي تسر

المترو

25/05/2005, 07:51 AM

السلام عليكم ورحمة الله وبركاته
ماشالله تبارك الله والحمد لله على السلامه من السفر
واخيراً شفت هالحبرو اللي يقولون وفروخه بعد تسلم تسلم تسلم بيض الله وجهك

والله اني من عرفتي للدنيا وانا اسمع بالحبرو ولم اشاهده ويقولون انقرض او انقطعت هجرته منذ سنين بالجزيره العربيه

مااقول الا مقناص العافيه وردد اخيراً شفنا الحبرو والسبه الفيتو وعييلينوه بعد !!!!! عساك العافيه والجنه انت ووالديك ووالدينا اجمعين
ولك اجمل الاماني
الرحال2003

(تنبيه لو تضع اسمك او معرفك على الصور حفاظا على حقوقك من النشكل الاكتروني)

برق الخيل

25/05/2005, 11:32 AM

يامرحبا والله يابوصالح اولاشي بيض الله وجهك على الموضوع وان شاء الله بتجي مواضيعك المميزة التي اعتدناها ماقول الا ماشاء الله تبارك الله على الشهانه ان اشهد انها طيره الي خمت الحبرو برقبته الله يعطي خيرها لراعيها وبعدين وانا اخوك هل الحباري لقيتوهن بكثرة

لاهنت يابوصالح

اخوك برق الخيل

قروى بس جنتل

25/05/2005, 12:50 PM

ماااشااء الله ينفعكم ماايضركم هذااا الصيد والا بلااش وبالنسبه للشيهاانه هى اللى يقوولوون عنهااا تركيه وهى يقوولوون جبليه وكبيره مره وسبوووق بالحيل
سؤال ثااى وين مقناصكم فيه اذاا ممكن شااكرين هالصوور الرااااااااااااائعه

ابو هــاجــوس

25/05/2005, 03:44 PM

تسلم اخوي الفيتو على الصور الطيبه بس ابي اسئل هل الفروخ ماتن

صقر

25/05/2005, 04:52 PM

مشكور اخي الفيتو على هذه المشاركة المميزة

هذا الموضوع من اجمل المواضيع التي طرحت في هذه الخيمة.

ومن طول الغيبات ....... جاب الغنايم

بارك الله فيك

المري

25/05/2005, 10:44 PM

حيالله يالفيتو

الله يعودكم على الصيد والفيد

تراك ابطيت بذا المشاركة المفروض انها من شهرين بس الحمد لله اللي جابها ذا الحزة..

تسلم اخوي الفيتو

وفي انتظار باقي الرحلة..

اخوك / المري

تواق

25/05/2005, 10:44 PM

السلام عليكم

حلو حلو اخير يابو صالح اظهرت ههههههههههههههههههههههههه

اخوك / تواق

رعد الجنوب

26/05/2005, 12:07 AM

السلام عليكم

اخوي الفيتو ابوصالح ماشاء الله تبارك الله باين انكم وفقتوا بمقناصكم
الله يوفقنا وياكم وكل مسلم موقع الصيد باين من الارض واعتقد بين شهر 2و3 ميلادي
افضل وقت لقنص الحبرو ولكن يابوصالح لوتركتو الام وفروخها تكبر لقنصة ثانيه ،
صور جميلة ونادره ، ننتظر تفاصيل الرحلة كامله .

اجمل تحية

سلطان نجد

26/05/2005, 12:11 AM

بعدالتحيه
ماقصرت ابوصالح على هذي الصور والمعلومات اللي قلتها
ونبي يابوصالح المزيد من الصور لمقانيصك الكثيره
لا تبخل علينا يابو صالح
مـــــــــــــــــــــــــــــــــــــــــــــــشك وررررررررررر :good:

ابو شـ,,,,وق

26/05/2005, 12:11 AM

مشكور اخونا الفيتو على هالصور
لكن اذا ما فيه احراج وين مكان مقناصكم يالغالي ....وسلامتك

اسيزو 4x4

26/05/2005, 12:44 AM

يعطيك العافية أخوي الفيتو صيد طيب

فــزاع

26/05/2005, 11:46 AM

بيض الله وجهك ولااهنت (يالسمي ) بو صالح :)

ولاهانت عزاالله شاهينتكم وفعلها طيب والله يعطي خيرها راعيها انشاءالله ويكفيها شر الحاسدين

ولاهنت على هالصور

تحيااتي

النجم الطائر

26/05/2005, 04:52 PM

قل امين الله يجمعنا وياك في جنات النعيم

الفيتو

27/05/2005, 04:58 AM

بسم الله الرحمن الرحيم
مساء الخير يا جماعه

الأخ العزيز ::أبو رداد
أهم شي تضحك وتستانس والعفو ما سوينا شي.. ليت الذيب معنا كان ردينالكم
علوم تسرك الظاهر الطاؤوس اكبر من الحبرو يعني بيذبحه بيذبحه
ويمكن الشيهانه بعد تذبح الكركي مثل ما تفضلت لأن عندي
فرخ وكري قد وريته الكركي وهد عليه بس ما صاده
صار يطقه اكثر من مره وطار يوم قربنا له ودخل
البحر ورد الطير ( يمكن أحلم
ويمكن صحيح ههههههههههه)
تسلم على الرد

الأخ العزيز ::الرحال 2003
الله يسلمك . أنا كذلك اول مره اشوفه في الرحله ذي .. تراه موجود عندنا في الجنوب الغربي
ويسمى( الخرم)اللي شافوه فالصور قالوا موجود في الساحل قريب جيزان
ردك جميل ودعوتك أجمل جعل والدينك الجنه بعدوالمسلمين

الأخ العزيز ::برق الخيل
وجهك ابيض يا طويل العمر وتسلم يالغالي .. الحباري ما فيه حباري في المنطقة اللي
جيناها ولا ذكروها النا لا بعيد ولاقريب . بس كروان فيه ارنب ودجاج البر
ودجاج الحبش وهه شاكر مرورك

الأخ العزيز ::قروي بس جنتل
يا مرحبتين مشكور سرني مرورك وامر بس امر المقناص في( ارتيريا) والشيهانه
جبليه علميا فصيلتها تسمى( شياهين البحر الأبيض المتوسط ) في الحجاز
لها رغبه قويه هي ادون من البحريه ولكن تسد مسدها أحياناًَ

الأخ العزيز ::أبو هاجوس
يا هلا والله تعيش ياغالي الفروخ ههههههه عاشن ولا زالن لكن سلمناها لمركز
الحمايه الفطريه قسم الايتام هههههههههه بتتبرع هات الفلوس وانا اوصلهن
شا كر مرورك

الأخ العزيز ::صقر
مرحبا وهلا بالمشرف الغالي شهاده اعتز بها وتشجعني لتقديم اللي يسرك
شاكر مرورك وسرني قرأة ردك

الأخ العزيز ::المري
لاتلومني ما عندي احد يدبر الحاسب والا كل شي والم والحمد لله من جا ماطول
سلمك الله يالغالي ومشكور على الرد

الأخ العزيز ::تواق
لاو ما جا من الموضوع الا ذالضحكه تعيش وتسلم

الأخ العزيز ::رعد الجنوب
ابشرك مقناص زين ولا ينقصه الا انت وشرواك والمقناص مثل ما تفضلت 2-3وبالنسبه
للفروخ ما ودي بشيلها ولكن طبيعة عملي جبرتني على شيل الفروخ (اناأعمل خادم
مع أخوي نايف وومرني بشيله وشلتها وش اسوي لنايف هو اللي قالهههه
تسلم يا رعد الجنوب وتعيش

الأخ العزيز ::سلطان نجد
هلا بالغالي وابشر باللي يسرك بس تتابع مهوب يوم تدخل النت و100 تغيب
واعدني وواعدك هههههه حياك مشكور

الأخ العزيز ::أبو شو،،،،،ق
تسلم وتعيش المقناص يا طويل العمر في (ارتيريا )
سلمت وعشت

الأخ العزيز ::اسيزو4-4
يعافيك الله ويسلمك ..والله انك صادق يا خوي البر بريره والغثا بالديره ههههه
تسلم وتعيش

الأخ العزيز ::فزاع
وجهك ابيض يا سمي عاد اهل الكويت لحال لهم معزه خاصه
وهالصور هديه لك يالغالي
تسلم

الأخ العزيز :: النجم الطائر
أأأأأأمين وياك والمسلمين احسن دعوه قريتها في النت تعيش وتسلم

والسلام
الفيتو
الحجاز
18-4-1426هـ

turhob

28/05/2005, 12:02 AM

تسلم على الصور النادرة وننتظر المزيد

طيرحوران

28/05/2005, 08:00 AM

تسلممممممممممممممممممممممممممممممممممممممممممممممم مممممممممممممممممممممم
يالفيتو على هالصور والله أنه يخوف هذا الخبرو مادري الحبرو وشلون طاوعك قلبك وهديت عليه .ياستار وماشاءالله على الطير بعد أقضبه تراه يسوى واجد. وصايد يابو العوايد وألف شكر

ميراج

28/05/2005, 09:23 AM

السلام عليكم ورحمة الله وبركاته

حياك الله اخوى ابو صالح ومشكور على صور الهدد على الحبرو

بس والله لو تشوف الحبرو وهو يتوطى فى بطن طير ما عاد تهد عليه طيرك الغالى أبد أنا شفته مره وهو يتهبد

له طير ما ت فى نفس الليله وعادةً ما يذبحه إلا الطير اللى يضرب ويعقرب ولا يمسكه عمره

تحياتى

الفيتو

28/05/2005, 01:19 PM

بسم الله الرحمن الرحيم
السلام عليكم يا جماعه

الأخ العزيز :turhob
عيش وحياك الله وأبشر قريبا إنشاء الله تشوف اللي يسرك

الأخ العزيز : طير حوران
الحمد لله على السلامه وصلت ؟ حياك الله يا بوسعد

الأخ العزيز :ميراج
اللـــــــي على راسي تاج يا مرحبا بأبو طارق . تو ما زان الموضوع
بتشريفك .وعزالله إنك صادق .( يتهبد ) هههههههههههههه
الظاهر ما عاد لك رجعه للطيور خلاص
تعيش وتسلم

والسلام
الفيتو
الحجاز
19- 4-41426هـ.

ابو عايد

29/05/2005, 03:28 AM

مشكور اخي الفيتو على هذه المشاركة المميزة

هذا الموضوع من اجمل المواضيع التي طرحت في هذه الخيمة.

ومن طول الغيبات ....... جاب الغنايم

بارك الله فيك

يعطيك العافية يالغالي وتسلم على هذه الصور رائعه

وتقبل تحياتي // العاشق الولهان

فارس العجمي

29/05/2005, 04:25 AM

السلام عليكم
الفيتووو والله منت سهل مشالله علي الشهانه هدا لو اشوفه اخاف ارميه اشلون لو اهد عليه كفووو كفووو
شوف عيني يوم اطلبت الشهانه وعطيتها السبوق وانت بين ربعك اشهد ان قلبك يخفق كفووو والله ويم صادة اشهد انرك مرتفع مشالله عليه مشالله عليه
للبيع الشاهين كم مقاسه ترا حنا شرايه
اخوك قرناس الجزيره

عبدالله العمير

29/05/2005, 04:47 AM

والله موضوع قمة بالروعة والفن لا من علم(ن) غانم ولا صور تهبل القلب

ذكرتني بطيرتي جملى شيهانة جبلية :)

الله المستعان لكن ليتك مالطست صور ربعك لان ماهنا الا العافية عليهم وهذي علوم(ن) تسر ماتضر

وعلشان ماينحاس جمال الصور الفائقة الجمال

اكرر شكري لك وعلى ذوقك الرفيع

راعي ممدوح

02/06/2005, 06:13 PM

السلام عليكم ورحمة الله وبركاته

الله يعطيك العافية الفيتو وبيض الله وجهك

الرحلة طيبة والاخويا اطيب :D :D :D :D :D

ابوعمر2005

02/06/2005, 07:10 PM

الصور ممتازة اعجبتني تسلم أخوي الفيتو

صقار الجير

06/06/2005, 06:47 PM

مشكور الفيتو صور حلوة جدا مقناصك في ساحل الحبشة صح او في 00000

بوصقر

08/06/2005, 11:02 PM

السلام عليكم ورحمة الله وبركاته

مشاءالله عليك هذا عوايدك موضوع فيه فوايد وفيه من الضحك وفيه تهيج على المقناص

والله يباركلك في العراقيه- على قولت اخوانه اليبين

ولاتبخل علينه ننتضر منك المزيد ونبي اعلوم السلقان

she3im

29/06/2005, 03:36 AM

لاهنت يابوصالح

{السبيعي}

17/07/2005, 12:50 AM

ماشاء الله على الشاهينه الجبليه
للبيع ياخوك

اعقاب

17/07/2005, 01:46 AM

ماشاءالله تبارك الله
الله يبارك في ذاالشاهين اللي ونسكم
ورجع الثقه في الطيور :D
صايد وفايد
بانتظار قصة
رسله و لعبه

الفيتو

17/07/2005, 03:42 AM

بسم الله الرحمن الرحيم
السلام عليكم ورحمة الله وبركاته
مساء الخير يا جماعه

الأخ العزيز :ابو عايد
حياك الله مشكور يا غالي وطالت ايامك

الأخ العزيز : قرناس الجزيره
ههههههه ما عليك زود وتسلم مقاسها 14إلا شوي والعرض 14
وراعيها مدري يبيعها والا لا شاكر مرورك

الأخ العزيز :الأزرق
تسلم وتعيش سرني وجودك يا هلا وسامحني على طمس الوجيه غصب

الأخ العزيز :راعي ممدوح
مرحبابك اشك انك من ربعنا اللي تخاوينا معهم ههههه

الأخ العزيز :ابو عمره 2005
تسلم وتعيش وحياك الله

الأخ العزيز :صقار الجير
رمعه طيبه المقناص في ريتريا سرني مرورك

الأخ العزيز :بو صقر
هلا والله بالغالي وعلوم السلق قريب تنزل

الأخ العزيز :she3im
لاهان غاليك تسلم وتعيش

الأخ العزيز :السبيعي
تسلم ما فيه شي محرم على البيع بس نشوف راعيها
حياك الله

الأخ العزيز :اعقاب
حياك الله انت حي؟؟ تسلم وتعيش يا غالي قصة رسله لو لاا ني اخاف تكذبوني كان
قلت طرح الظبي من مفلاه بس بنزلها قريب

والسلام
الفيتو
الحجاز
9-6-1426هـ

الدكتور00

24/07/2005, 06:11 PM

السلام عليكم ورحمة الله وبركاته..
مساك الله بالخير أخوي الغالي أبو صالح ...و عساك عالقوة ...
مقناص يوسع الخاطر وصور ترد العافية وتعليق ولا أروع && شوفة الربيع && وجمعة المطاليق && ووناسة الهدد ...ما شاء الله عليكم ...الله يديمها من نعمة عالجميع ...

وصايد وفايد يا بو العوايد ،،، وتستاهلوا النوماس ،،،
وبيض الله وجه (( شلفا )) ...وعقبال ما نسمع بهالمزيون >>ماشاء الله<< ذابح الحبرو الموسم الجاي إن شاء الله

http://www.mekshat.com/pix/upload/images9/mk3525_gg.jpg

>>> إن كانه معك ما بعد بعته ..عسى الله يطعمك من خيره <<<...

ولي طلب عندك يا بو صالح ..وهو اقتراح بسيط ،،، إن كان زان لك ،،، ولا اعتبرها لقافة ومشها المرة ذي
علشان خاطر الربع ،،،

وهو سلمك الله ..إنك تروح وتجمع مواضيعك القديمة اللي قد غطاها الغبار ....ههههـــههههه ..
المهم وتحطها على شكل روابط أسفل الصورة اللي بتوقيعك..خصوصا بعض المواضيع اللي ما تنسى
مثل قصة ابن عون الكفيف اللي قضب طيره بحنكته وذكائه!!! والموضوع اللي حطيت به صور اطيورك من أول طير ....والموضوع اللي مصور به المقناص في الماضي والحاضر على شكل مقارنة..........الخ ..

وسلاااااااااااااااااااااااامتك ،،،

أخــــــــــــــــوك (( الـــدكــــتــــــــــــور )) ،،،،،،،،،،،،،،

الهاشمي

24/07/2005, 10:07 PM

السلام عليكم ورحمة الله وبركاته

الله يعطيك العافيه يا ( الفيتو ) على هذه الصور الرائعة وعسى بالعافية

الفيتو

25/07/2005, 05:55 AM

بسم الله الرحمن الرحيم
السلام عليكم ورحمة الله وبركاته

مساء الخير ياجماعه

الأخ العزيز : الدكتور
حياك الله ومرحبتين ومشكور يا سيدي اقتراحك كنك تقول اصحى يا نايم
في محله لكن انا غشيم فالشغلات هذي كود يجيني المعلماني
تالي السبوع ويسوي اللي في خاطرك . بس المشكله
اني رحت للمواضيع ولا فتحت الصور معي وبعض
المواضيع لقيت دباس على عباس ملخبطه
ومدري ويش السبب . عموما ابا ابحث
عن حل وقريبا تشوف المواضيع
تحت التوقيع

الأخ العزيز : الهاشمي
الموضوع وصاحبه يتشرفون بتشريف آل البيت ومرورهم جمعنا الله وياك
بالرسول صلى الله عليه وسلم في الجنه . تسلم وتعيش يا سيدي

والسلام
الفيتو
الحجاز
18- جماد -1426هـ

الدكتور00

25/07/2005, 06:14 AM

صبحك الله ب1000خير يبو صالح ....

ومحشوووم من اللي قال عنك إنك نايم :mad: علمني منهو حتى أرويك شغله زين :alarm: :D

أما عن علوم الكمبيوتر هذي ..ترى محسوبك مهوب بعيد عنك ..هههههههههه
ولا ودي أخدمك من عيوني الثنتين وتامرني أمر يا الغالي ..

وبمناسبة المواضيع القديمة الخاصة بك والصور اللي أبت تشتغل والتداخل بين صور أكثر من موضوع....
فصدقت لأني شاهدته بمواضيعك ....>>> لكن والحمدلله قدني مسبع راسي ومحمل الصور من يومها <<<
ونفس الوضع تكرر في مواضيع تخصني لكن عسى المشرفين يبحثون في وضعها و يحلون مشكلتها ....

وسلامتك ،،

أخـــــــــوك (( الــدكــــتـــــــــور )) ،،،،،،،،،،

ريف النشاما

16/10/2005, 06:07 AM

تسلم يافيتو على هذا الطرح المميز

صراحتا ----- سحبت فينا مع هالصبحيه الله يسلمك

ومتعه لايضاهيها متعه

صورك بأجمعها واروح أوريهاواحد يمكن يفطس

الفيتو

16/10/2005, 07:36 PM

بسم الله الرحمن الرحيم
السلام عليكم ورحمة الله وبركاته

مساء الخير يا خوي ريف النشاما

حياك الله يا غالي ور رفيقك الصور وبزيد صور اذا فطس يمكن تفوقه هههه
تعيش وتسلم

والسلام الفيتو
الحجاز
13/8/1426هـ

نشنوش

16/10/2005, 10:00 PM

الله يعطيك العافية يالفيتو
لكن هل ذبحت طيوركم الاحرار الحبرو؟

ذيب الحره

19/10/2005, 10:04 PM

بسم الله الرحمن الرحيم
اخوي الفيتو ابو صالح لا هنت على هالصور والحبرو ما يصيده الى طير صاطي ويحب الصيد طيار لأن الحبرو صعب ينصاد بالأرض وعندي سؤال فيه طير يهد عليه وهو مكوبر ولا لا .

صياد ليبيا

20/10/2005, 03:14 AM

بسم الله الرحمن الرحيم
ماشاء الله اخوى الفيتو مقناص اكثر من رائع وصور رائعة الحقيقة انا امنيتى ان ارى هذا النوع من الحبارى عا الطبيعة واهد عليه طير وشاهين شجاع وجاسر اللى يروح لحبارى بهذا الحجم حفضك الله وحفض طيورك وعلى فكرة انا رديت على سؤالك بخصوص الطير اللى فى مشاركتى السابقة عسى ان تكون اجابتى مرضية دمت فى رعاية الله اخوى الفيتو ( صياد ليبيا)

الفيتو

20/10/2005, 07:44 PM

بسم الله الرحمن الرحيم
السلام عليكم ورحمة الله وبركاته

مساء الخير يا جماعه

الأخ العزيز / نشنوش
يا هلا وملاحبا .تسلم يا غالي . بخصوص الحرار اللي علمناه على الحبرو قبل العلومه
لكن طيور اهلها يحبونها وخافوا عليها .معذورين يا نشنوش هههه

الأخ العزيز / ذيب الحره
حياك الله . نعم يا خوي هدة عليه في الأرض وتعاركه معه وذبحته وجينا بنعزله حي
لكن قد مات .وخذته فالسما وجو محولين وتظررة الطيره لكن الحبرو
مصارينه وقناصاه ظهرت من ومات على طول
وجميع الأحوال هدة عليه وتراي صادق
تسلم يا غالي

الأخ العزيز / صياد ليبيا
يا مرحبا اجابتك كافيه وشافيه شكرا بالنسبه للحبرو صعب جدا ما كل طير يصيد
بالمناسبه الأ كان في نفس المنطقه قريب منا ( إبن العقيد القذافي سيف الأسلام
ومعاه طيور جيرات طيور سمحه وشجاعه وحاول يهد افضلها وأشجعها على
الحبرولكن الحبرو تعارك مع الطير وقتل طير سيف الأسلام وتضايقوا
الأخوان لأنه افضل طيورهم وماكانوا متوقعين النهايه
المأساويه للطير المحبوب . ) عموما سرني مرورك
تعيش وتسلم يا غالي
والسلام
الفيتو
الحجاز
17/9/1426هـ

ابومريم

02/12/2005, 06:17 AM

الله يعطيك العافيه يالفيتو على المشاركه

خالد الهشال

02/12/2005, 05:14 PM

ماشاء الله عليك يابو صالح

ومثل ماقالوا الطيور ما تساوي شي من غير صقاقيرها

عز الله أنك ذيب
ذيب ولد ذيب وجده بعد ذيب * * سلايل متسلسله حي فاله
وأنا بمدحي مأدور مطاليب * * لاشك شعري قام له وانثنا له

ونعم والله يأبو صالح

وطيوركم خير وبركه

وهذي الرجال يالله يطرحها لكن طيوركم ماشاء الله عليها تبيض الوجه

تحياتي
خالد الهشال

الفيتو

02/12/2005, 10:03 PM

بسم الله الرحمن الرحيم
السلام عليكم ورحمة الله وبركاته
مساء الخير يا جماعه

الأخ العزيز / ابو مريم
تسلم وتعيش يا بو مريم

الأخ العزيز / خالد الهشال
ولا عليك زود .مدري وش اقول اخجلتني بكثر الأطراء
تعيش وتسلم

والسلام
الفيتو
الحجاز
1/11/1426هـ

*القبطان*

02/12/2005, 11:59 PM

أخي الغالي الفيتو.
السلام عليكم ورحمة الله وبركاته

والله ما ادري كيف ينزل موضوع للفيتو ولا ادري عنه ويني عنه
الموضوع له اكثر من اربع شهور والقبطان ماعندهم علم.
لكن موضوع مميز جداً وصور نادرة للحبر.

اذكر مرة شفنى حبرو في محمية الدندر جنوب القضارف حول هذا الحجم لكن من مسافه
والصيد في المحمية ممنوع تفرج وصور واحمد ربك
والحمدلله على كل حال
وجزاك الله الف خير

الفيتو

11/03/2007, 01:21 PM

بسم الله الرحمن الرحيم
السلام عليكم ورحمة الله وبركاته
مساء الخير ياخوي/ القبطان
حياك الله شرفت الموضوع بمرورك . حديقة الدندر اتمنى اشوفها
وباذن الله بجيها ان الله عطاني عمر .مشكور على المرور والرد
والسلام
الفيتو
الحجاز
22/2/1428هـ

شهاب5

16/03/2007, 02:04 PM

الله لأيهينك يالفيتو على الصور الطيبه والجمل من الرائعه (سؤال طال عمرك)؟؟؟مقناصكم هذا في وين.....ويعطيك ألف عافيه

*سرحان*

16/03/2007, 04:23 PM

جعل فالك الصيد والفيد دوم يالفيتو
الا وين هالمقناص ومتى سرت عليه ؟؟؟

الفيتو

18/03/2007, 03:21 AM

بسم الله الرحمن الرحيم
السلام عليكم ورحمة الله وبركاته
مساء الخير ياخوي/ شهاب 5
تسلم وتعيش يا غالي سامحني تأخرت فالرد . والمقناص ياطويل العمر
في اريتريا .سرني مرورك

الأخ العزيز / *سرحان *
حياك الله سامحني تأخرت بالرد . فالك العلم الزين
وسرت لها قبل سنتين .وليتك مخاوينا

والسلام
الفيتو
الحجاز
29/2/1428هـ

بيت طين

25/02/2008, 05:45 PM

تسلم يدينك يابو صالح
تجلب الطيب من علــوم الفرايــــد
وانت طيب مايــبي مثلك قصيـــدة
رح عساك اليوم مستانس وصايد
جايب حبــــــروا توريـــه البديده
اسمك الفيتو علي وجـــه الجرايد
وانت فى عرضك تجيب اللي نريده

بارك الله فيك يابو صالح وسلمت يدينك من العطب الله يرحم والدينك من النار ولا يخلينا منك ومن جديدك

الرويس 2000

25/02/2008, 09:38 PM

ما شاء الله وبصراحه انا من متاعبعين مواضيعك

غفر الله لك اخي دنيا وآخره

عندي سؤال اللي في الوسط الملتحي هل هو غازي؟؟؟؟؟؟

ذراع الذيب

25/02/2008, 10:03 PM

مرحبابك يالفيتو كالعاده تطربنا في صيدك........:cool:

بوخالد الكعبي

26/02/2008, 01:22 AM

تسلم على الموضوع
ولكن الصور من ظاهره

تقبل احترامي

الفيتو

26/02/2008, 01:34 AM

بسم الله الرحمن الرحيم
السلام عليكم ورحمة الله وبركاته
مساء الخير ياجماعة
*
الأخ العزيز /بيت طين
تجلب الطيب من علــوم الفرايــــد
وانت طيب مايــبي مثلك قصيـــدة
رح عساك اليوم مستانس وصايد
جايب حبــــــروا توريـــه البديده
اسمك الفيتو علي وجـــه الجرايد
وانت فى عرضك تجيب اللي نريده
بعد هذي البيوت . مدري وش اقول الا عسى لك من دعاك نصيب
وما عليك زود . جزاك الله خير .حضورك نور الموضوع
*
الأخ العزيز /الرويس 2000
يشرفني انك متابع لي يا خالي . واللي في الوسط
الشاعر غازي بن عون
المعروف لايعرف بس يمكن الصوره قديمه شوي
شاكرا حضورك .
*
الأخ العزيز /ذراع الذيب
تسلم وتعيش . شاكرا مرورك
*
الأخ العزيز /بو خالد الكعبي
مرحبتين وهلا والله مدري ليه ما تطلع الصور . بس كن السييرفر فيه
مشكله . انما ابشربالصور . انزلها مره ثانيه

*
والسلام
الفيتو
الحجاز
19/2/1429هـ

هاوي مقناص

26/02/2008, 04:37 AM

السلام عليكم ورحمة الله وبركاته

ياسلام عليك يا ابو صالح ياهلا وغلا

ومن طول الغيبات جاب الغانئم .

ماشاء الله علي الشيهانه .

صور وتقرير مصور يهيض القلب ،

صايد وفايد يالغالي لاتنسانا من مواضيعك يالغلا .

رحلاتك من اروع الرحلات ولا قصور يالربع .

ودمت بود

اخوك:
هاوي مقناص

خشف.

26/02/2008, 09:32 PM

يعطيك العافيه على طرح الموضوع والصور

سنجااار

22/03/2008, 10:05 AM

ماشاء الله على هالجبليه عزالله انها ماينتفرط فيها حبرو وصادته شتبي بعد
ماقصرت يالغالي ويعطيك الف عافيه

ذهال

22/03/2008, 11:12 AM

مشاء الله

الله يرزكم كل سنه

ذهــــــــــــــــــــــــــــــــــــال

شبراق

22/03/2008, 11:15 AM

مشاءالله تبارك الرحمن
تستاهل يابوصالح

جو مناخ

22/03/2008, 11:17 AM

مشكور اخي الفيتو على هذه المشاركة المميزة

الفيتو

24/03/2008, 02:27 AM

بسم الله الرحمن الرحيم
السلام عليكم ورحمة الله وبركاته
صباح الخير ياجماعة
*
أخوي / هاوي مقناص
ومشكور على التعقيب الجميل
بيض الله وجهك على الرد الجميل. حياك الله
*
أخوي / خشف
سلمت ودمت ووجهك ابيض ,شاكر مرورك
*
أخوي / سنجااار
تسلم وتعيش .. وكلامك في محله .شاكراًَ حضورك
*
أخوي / ذهال
مرحبتين وهلا .
اشكر طلتك الجميله على الموضوع
*
أخوي / شبراق
نور الموضوع بحضورك .شاكرا مرورك .
*
أخوي / جومناخ
تسلم وتعيش يا غالي شرفت الموضوع

*
والسلام
الفيتو
الحجاز
17/3/1429هـ

501

24/03/2008, 07:57 AM

تستاهل يا ابو صالح الصيد
و
جعلكم من هذا وازود

501

elsayad

24/03/2008, 07:30 PM

ما أروعك
أعجب وأغرب من الخيال
مشكور جداً جداً أخي الفيتو على موضوعك الشيق والله يرزقنا وياك بالحبرو
الله يعطيك العافية وتسلم من كل مكروه ( في حفظ الله )
ولا تحرمنا من مثل المواضيع والصور الجميلة .

العمراني

24/03/2008, 09:36 PM

مبرووك الصيد يا الفيتوو مشا الله

الفيتو

01/04/2008, 02:54 PM

بسم الله الرحمن الرحيم
السلام عليكم ورحمة الله وبركاته
مساء الخير يا جماعه
*
أخوي/ 501
تسلم وتعيش .. يا زين دعاءك .وجعل لك منه نصيب
*
أخوي /elsayad
سملت .. وحياك الله .. سرني ردك الجميل
شكرا
*
أخوي /العمراني
الله يبارك فيك . ويرقك مثله يا غالي
شكرا
*
والسلام
الفيتو
الحجاز
26/3/1429هـ

غليص82

11/04/2008, 10:14 AM

مشكور ياخوي على الصور الطيبه

فلان المنصوري

12/04/2008, 12:00 AM

سلام عليكم ورحمه حاب اسأل سؤال وين هاذا القنص مشكور على الموضوع

فهد33

03/05/2008, 07:51 PM

ماشاء الله عليكم الحمدلله على السلامة بارك الله فيكم ..تعرفنا على شي جديد

الذيب الهاشمي

17/05/2008, 05:50 AM

الأخ ابو صالح مقناص حلو وموضوع احلى من رجال يستاهل كل العلوم الزينه
أرجو منك زيارة هذا الرابطhttp://www.saudistocks.com/forums/saudi13/stocks71149-15/

الفيتو

17/05/2008, 09:09 PM

بسم الله الرحمن الرحيم
السلام عليكم ورحمة الله وبركاته
مساء صباح الخير ياجماعه
*
أخوي /غليص82
مرحبتين وهلا .. مرورك نور الموضوع
*
أخوي /فلان المنصوري
هلا ومرحبا .. المقناص في السودان (الاقليم الشرقي)
*
أخوي /فهد33
شاكرا مرورك وردك
*
أخوي /الذيب الهاشمي
هلا ومرحبا حياك الله يالفارس
*
والسلام
الفيتو
الحجاز
12/5/1429هـ

بو هاشم

18/05/2008, 11:44 AM

والله انك مميز حتى في موضيعك
والله انك قطعت قلبي على عيال الحبرو
رحله موفقه وتستاهل الخير

amur kestrel

18/05/2008, 12:52 PM

ما شاء الله ع الطير باين عليه قوي و شرس و ان شاء الله يصيد الاكبر و الاكبر و اشكرك يالفيتو ع الصور الحلوة

الفيتو

23/09/2008, 06:05 AM

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
*
أخوي /بوهاشم
تسلم ويسلم قلبك .. ماودنا لعيال الحبرو اللي صار صار
اشكرك على الحضور
*
أخوي /amur kestrel
عشت ودمت .. شاكرا حضورك وردك
*
والسلام
الفيتو
الحجاز
23/9/1429هـ

همس الرعد

23/09/2008, 08:13 AM

ما شاء الله عليك يا ابو صالح وافي
ردود لها 5 اشهر ترد عليها
ماشاء الله عليك وعلى مواضيعك

ونتحرا شين جديد

بحريني اصيل

23/09/2008, 02:59 PM

الاااااااااااه

الااااااااه

علا لصوور

تسلم اخووي

شاص2006

23/09/2008, 02:59 PM

مشكور على الصور الجميله وتقبل تحياتي.....................

قرناس صلا

23/09/2008, 04:51 PM

:good:
سلام سلام كبرالبعارين للفيتو ... يا صايد الحبرو لك مني سلام

يازين مقناص قلتو به ثم جيتو ... وليا قال فيتو احلو الكلام

:good:

قرناس صلا

روووح

24/09/2008, 12:33 AM

الفيتو يعطيك العافيه على الموضوع والتعليق وفالك الخرب الشرود

نايف الذيب

24/09/2008, 02:24 AM

ماشاء الله تبارك الله

تسلم يمناك يابن اخي علي الصيد الطيب

وودي اسئالك عن الاترياء لان الشباب قبل سنتين راحينلها

ولقوا دبابات متفحمه في ارض المقناص ايام الحروب اللي صارت هناك

وصار لهم مشكله بسيطه هناك ووصلوا للسفاره السعوديه وافادوهم بان المقناص هنا ممنوع

بدون تصريح وقالولهم ان الارض مليانه اللغام طبعا ذا كله عقب ماقنصوا وصادو الضباء والنعام والحبرو

والسيارات اللي معهم مستاجرينها جيب واسوزو بمبلغ 800ريال يوميا غير الرشيدي اللي جايب السلاح

وستر الله عليهم وانا يالفيتو ودي اسالك عن هالامور كلها وكيف وضعها هالحين

وسلامتك