مساعدة في ماطور الهواء ابوجمل، احتاج اغير الهوز

[راعي السيل]

السلام عليكم ورحمة الله وبركاته
مساكم الله بالخير يا مكشاتيه

عندي ماطور هواء ابو جمل، والهوز حقه مسوي لي مشاكل، ما يركب بسهوله ابداً على البلف ، وأحتاج اغيره الى اي هوز اخر يكون سهل في التوصيل مع البلف، وهذي صورة للهوز الحالي والمراد تغييره:

http://j.imagehost.org/0262/17062010195ss.jpg (http://j.imagehost.org/view/0262/17062010195ss)

وايضا الفيوز خرب علي وصار الماطور يشتغل اذا مسكت الفيوز بطريقة معينة :D ، دورت في محلات الكهرب عن فيوزات بس مالقيت عندهم الفيوز الصحيح. وش الدبره؟
هذي صورة الفيوز المتعطل:
http://j.imagehost.org/0417/17062010197ss.jpg (http://j.imagehost.org/view/0417/17062010197ss)

[الناب]

تفضل أخي الكريم:

طريقه تغير بلف منفاخ ابو جمل بدون كبس ليات ..... سطامvip (http://www.mekshat.com/vb/showthread.php?t=187678)

موفق خير
أخوك
بن فهد

[راعي السيل]

بارك الله فيك اخوي، الحمد لله اليوم رحت لام الحمام عند محل العدد الي قبال مسجد الملك خالد، ولقيت عنده كل شيء حتى الفيوز لقيتها عنده.

[terke mekshat]

بارك الله فيك اخوي، الحمد لله اليوم رحت لام الحمام عند محل العدد الي قبال مسجد الملك خالد، ولقيت عنده كل شيء حتى الفيوز لقيتها عنده.

ياليت تذكر اسم المحل وبأي جه؟؟

[البدايه]

بالنسبه لي تواجهني مشكله الهوز .. دايم يجيم ولا يركب

اخيرا اكتشفت المشكلة .. هو مشكلته يدخله تراب ولا يكبس زيـن

جبت بخاخ الصدا وبخيت عليه بشويش وافتح واصك مرتين ولا 3 ويضبط

[محترف]

حط فيه شوي شحم ويضبط

[اصيل نجد]

راع السيل صباح الخير نصيحه من اخوك تري مجرب لك للاخوان الماطور والهوز حقه لايجيه تراب وانتم بكرامه اهم شي بعدين ليش ماتثبته بالسياره احسن شي انا مثبت واحد بالسياره نفس اللي معك له الان اكثر من خمس اوسته سنوات ماقال اف مشا الله تراه ازين لك ماهو تروح للبر وتنساه بالبيت او تنساه بالبر او احد يروح للبر وياخذه منك وتنحرج وتعطيه وبعدين ( وداعك ياشجره) وتنحرج تساله تحياتي لــــــــــــــك

[راعي السيل]

ياليت تذكر اسم المحل وبأي جه؟؟

والله ما ادري، لكن انت وقف عند اشارة مسجد الملك خالد وبتشوف المحل واضح جدا.

[رعب الصحراء]

والله ما ادري، لكن انت وقف عند اشارة مسجد الملك خالد وبتشوف المحل واضح جدا.


السلام عليكم و رحمة الله و بركاته

إخوي صبحك / مساك ربي بالخير و المسرات و السيل الرقراق العذب

عندي مشكلة بماطور ابو جمل وهو أنه بدل ما يسحب هواء من جهة ليدفعه معالهوز عشان يتفخ الكفر صار يعكس الاتجاه يسحب مع الهوز و يتفخ مع الجهة الثانية ويصدر صووت صراحة أزعجتني المشكلة و الماطور له سنة

و يمدحونه أنه أفضل شي إذا هذا أول سنة وش بيصير بعد خمس سنين شاريه 250 ريال من برق الحيا

س / وين أفضل مكان يتركب فيه إذا صلحته بإذن الله معي باجيرو 2008 فل أوبشن؟

[اصيل نجد]

اخوي رعب الصحراء افضل محل بالكبوت شفله محل بس يكون وبوضع مستقيم علشان زيت البستم تحياتي لك

[رعب الصحراء]

اخوي رعب الصحراء افضل محل بالكبوت شفله محل بس يكون وبوضع مستقيم علشان زيت البستم تحياتي لك
يا بعد تسبدي ( بس لا تصدق تراني أحب تسبدتي)

صديقي الف شكر لك بس المشكلة ان الكبوت فل مررررررررة هاليابانيين ما خلو لك مكان لا بطارية اضافية و لا محل للمنفاخ