ياأهل الباترول أفيدونا

[ابو يوسف 2007]

سيارتي سفاري 2008فتك صالون تعدا ممشاه 100 ألف ودي أغير ماء اللديتر وش النوع الزين ووالكميه والطريقه
هل أغير زيت القير ولا أصبر
وش أغير بعد
أفيدونا الله يعطيكم العافيه

[عساف الخربوش]

ياابو يوسف
غالبا السيارات اذا وصلت 100 الف
يتم تغيير
1- السيور
2-فلتر البنزين
3-زيت القير واذا كان فيه فلتر بدله لكن بعض السيارات الجديده مافيها فلتر ماادري اذا كان الباترول منها
4-تشحيم مايمكن تشحيمه مثل الصليبات وغيره
5-تشييك على الفحمات اذا تحتاج تغيير والا الصنفره تكفي
اما موية الرديتر زيدها اذا كانت ناقصه
تحياتي:good2: :good2: :good2:

[هويدي]

اول شي انصحك ماتشري اي قطعه من برا الوكاله
للأسف اغلب الموزعين الا من رحم الله يبيعك القطعه على انها اصلي وهي تقليد او من دبي

بالنسبه لمويه الاديتر اندس تحت الموتر ـ الله لايهينك ـ وناظر الاديتر من تحت بتلقى فيه صاموله بلاستيك فكها بهدوء وحنيه :) لانه بلاستك وبينزل الماء اذا فضا سم بالله وركبه

دق سلف وصبلك جركل ماء تايوتا الاصلي الاحمر والباقي كمله بماء مقطر كرتونه بـ 10 او 12 فيه 24 <= حاقد على النصابين اللي يبيعونه بريالين :)

[باوزير]

لزيت القير الاتوماتيك الافضل وده الوكالة لانه قير السفاري يتغير بالشفط

ماي الراديتر اشتري اصلي من الوكالة حتى لو كان غالي

[ابو يوسف 2007]

واحد من الشباب ينصحني يقول بالنسبه لزيت القير أشتر زيت جيب لكزز من الوكاله أرخص من نيسان وكاله الحمراني ولا فرق
وش راكيم أحد عنده خلفيه عن الموضوع
الله يعطيكم العافيه ومشكورين

[faris2006]

انا نصيحتي لك اذا بتحافظ على السياره الاشياء الحساسة توديها للوكالة
مثل المحرك القير التكييف

[محسن اليامي]

واحد من الشباب ينصحني يقول بالنسبه لزيت القير أشتر زيت جيب لكزز من الوكاله أرخص من نيسان وكاله الحمراني ولا فرق
وش راكيم أحد عنده خلفيه عن الموضوع
الله يعطيكم العافيه ومشكورين

نصيحة لوجه الله لاتبدل زيت القير إلا بالوكااااااااااله حتى لو زيت اللكزس نفسه:)

[راعي جلمود]

احسن ماء رديتر موجد الان مويه اديتر فورد يجي اخضر واحمر اذا لقيت احمر افضل قيمته 70 ريال وحوله هو افضل شيء الان والباقي كله مضروب ومغشوش حتى اي سي ديلكو
اذا كان فيه صدا او تراب بوجه العو مر حقين وخلهم يغسلونه بالمكينه وحط علبه كامله والباقي مويه مقطره

تحياتي

[ساري 111]

ماء الأديتر دامه صافي ونظيف اشوف انك ماتلمسه افضلك

اذا هو ناقص زوده ماء مقطر وبس

[ابو يوسف 2007]

ياهل النيسان لا تبخلون علينا

[S A F A R I]

بالنسبه لماء الراديتر لا تتعدى موية الميتسوبيشي لأنه هو الوحيد الياباني الأصلي وأخضر بعد 4 لتر بـ 35 ريال
وبعدين زود الباقي مقطر .
وبالنسبه للقير غير الزيت بالوكاله أحسن .

[عاشق الغضا]

نصيحة لاتغير ماء الاديتر الا اذا كان الماء وصخ لان مافي افضل من ماء شد البلد , واذا كنت ملزم خذلك حق موية مرسدس الماني تحصله عند قطع غير مرسدس , اوتأخذ موية تويوتا تحصله بالوكالة ب45ريال تقريبا ولونه احمر وانتبه تحط الماء كله بالاديتر ,حط نصفه فقط وزد عليه موية مقطر , اما من نحية زيت القير فانصحك تغيره, لان 100الف يعتبر ماشي فوق حق زيت القير .

[أبو عابد2000]

أنا يا شباب جربت ماء اي سي ديلكو الأخضر جالون + ماء مقطر


وأيضاً جربت ماء مرسيدس الألماني الأزرق + ماء مقطر ( عيبه حار على الموتر لأن تركيزه عالي جداً )


وأيضاً جربت ماء تويوتا الأحمر الجاهز اللي ماتضيف معه شيء علطول جالونين بالرديتر ..


وبصراحة خلال تجربتي لجميع هالأنواع اكتشفت أن أفضل ماء رديتر في العالم هو


ماء تويوتا الأصلي الأسود اللي مصنع بأمريكا لأن الأبيض معبا بجده :p ، وهذي صورته :


http://classic.artsautomotive.com/FluidsToyotaSLLCoolant.jpg

والخيــار لـك بالـتالـي :)

[سوبر VTC]

بخصوص الاديتر ادخل هنا
ماهي الطريقه الصحيحه لتبديل ماء ( رديتر الفتك ) (http://www.mekshat.com/vb/showthread.php?t=288902)

[ابو يوسف 2007]

الله يعطيكم العافيه