محلات لوازم الطيور في دبي

[الرّمااااي]

السلام عليكم
ياليت تدلوني علي محلات بيع الطيارات لتعليم الطير الارتفاع في دبي وشكرا

[حمدان502]

مرحبا اخوي الرماي ، والله ياخوي انا حالي من حالك ادور على طيارة مع مكينتها ،، لكن الاخوان ان شاء الله مابيقصرون ،، وعلى ما اعتقد لابد انك تمر على محل بيع الصقور في منطقة
ند الشبا بدبي لانه هناك يبيعون جميع مستلزمات الصقور يمكن تلقى عندهم وارجو انك تعلمنا بكم سعر الطيارة مع الونش اذا لقيتها . وبالتوفيق .
وتقبل تحياتي .

[قنيص غير]

الاخوان ان شاء الله مابيقصرون

[عمرالعامر]

الحزم لعدة المقناص في سوق بر دبي

[((السنياري))]

السلام عليكم
ياليت تدلوني علي محلات بيع الطيارات لتعليم الطير الارتفاع في دبي وشكرا

وعليكم السلام

اذا تقصد الطياره او رموت موجوده باالكويت في محل باالشويخ ومعروف

اما اذا تبي الطياره الورقيه موجوده بقطر بسوق واقف
ويمكن تلقاها عند بدر محارب يمكن لان هاالشخص رجل مجتهد

هذا على حد علمي

اذا تدور الطياره الورقيه بوصيك وصاه لا لقيتها وبحجم كبير عطني خبر لاني ادور نفسك

[قلب ذيب]

مرحبا .
تجدها في مجمع محلات الطيور في ند الشبا .
وفي ابوظبي في محل المقناص شارع المطار بالقرب من معارض السيارات .
والله يحييك .

[الرّمااااي]

مشكورين انارايح بعد اسبوع ان شاء الله وامر علي ند الشبا واذا رديت راح ابلغكم بكل شئ ان شاء الله

[الطبشي]

ماقصر قلب ذيب

[راعي غضبان]

افادوك الشباب الله يجزاهم خير

[أبو رداد]

السلام عليكم
ياليت تدلوني علي محلات بيع الطيارات لتعليم الطير الارتفاع في دبي وشكرا

وعليكم السلام ورحمة الله وبركاته
أذا كنت تقصد النوام (الطائره البلاستك المربطه بخيط)
فهذه موجوده في مركز الصقور في منطقة ند الشبا
واذا كنت تقصد الطائر التي توجه بالريمنوت
فهذه تحصلها عند مركز الهوايات قريب مطار دبي
والسلام