مشكلة بالددسن >> لاهل الخبرة

[زمان الصبا]

بسم الله الرحمن الرحيم

السلام عليكم

حيا الله اخواننا المكشاتيين اخباركم ؟ عسى الامور تمام ان شاء الله ;)

انا يالربع عندي مشكلة يمكن البعض يشوف انها سهلة لكن والله انه مضيقة صدري :(

انا معي ددسن جديدة (( بخاخ )) به مشكلة صغيرة وهي انه المكينة تنفض نفضة بسيطة ويتحرك القير معه ( ينفض معه )

وتوضح النفضة اذا طالت وقفة السيارة وهي تشتغل ( اكثر من 10 دقايق الى ربع ساعة ))

كأن الموتر يقطع ,, احس ان الهواء يقطع وهو يطلع ....

يعني كأن كهربه ضعيف

سألت وشاروا علي افصل البطارية وفصلته وشبكته خفت النفضة لكن رجعت زي اول بعد فترة ..

علما بأن الموتر - ماشاء الله - جديد وكل شي فيه وكالة وممشاه حول العشرة ...

الله يجزاكم خير عطونا الحل ..

وهل هالمشكلة تأثر على عزم الموتر ؟ ..

والله يوفق الجميع .. !!

[فهد773]

شف انا بقولك نفضه القير (هزته) هذي عاديه بالدداسن ولاتخاف لكن المكينه مادري عنها
ولا انا واخوياي كلنا معنا دداسن القير ينفض والحمدلله نروح ونجي ولا فيها اي شي وبعدين اذا موترك مامشى 10 الاف شف وده للوكاله على سالفة المكينه

[عميد سامودة]

وده الوكاله لأنه تحت الضمان

[صيادالجبيل]

عليكم السلام ورحمة الله وبركاتة
ودة للوكاله

[بخيت الدوسري]

ودة للوكاله يالحبيب أنت ماشاء الله تبارك الله الموتر توه جديد
تمنيت موتري ماتعدى الستين الف والله لاارجع للوكاله
واخليهم يحلون لي كذا حاجه في السيارة
لكن ممكن سؤال الار بي ام ( يعني ضغط المكينة على كم وانت واقف بدون مكيف والسايرة حاميه)

[خمسين]

يادوسري اذا السياره حاميه تحصله تحت الواحد

[بخيت الدوسري]

يالغالي إذا كان ضغط المكينة مثل اللي بالصور فالموتر ماشاء الله تبارك الله تمام مافيه اي مشكلة
ويالغالي تراي احياناً أحسها تجي في موتري لكن معطيها طنش
لكن إذا الموتر تمام فتوكل على الله وإذا انت تبي تطمن رح لم الوكاله معك فرصة الموتر ماشاء الله تبارك الله تحت الضمان والله يعطيك من خيرها ويكفيك شرها

ملاحظة الصورة مرجعها رابطة ملاك الددسن للأخ عرووج3

http://rs277l33.rapidshare.com/files/400714230/2882392/1.jpg

[زمان الصبا]

يا حيا الله الجميع

ما قصرتوا

الموتر يا شباب وديته للوكالة وشافوه قالوا ما فيه شي >> يصرفون الواحد

ما فحصوه كمبيوتر لانه وقته كمبيوترهم كان فيه عطل !!

والوكالة بعيدة علي .. بالحيل

بالنسبة للي يسألون عن المكيف وما المكيف الموتر عايدي يا شباب (( بدون مكيف ))

غمارة وحده ما فيه ضغط هوا ( Rbm ) ...


بانتظار المزيد...

[زمان الصبا]

ياشباب انا شاك بأسلاك البواجي

هل افصلهن ؟ واذا فصلتهن كم المدة ؟ وهل فيه اضرار . ؟

وهل افصل البطارية معهن ؟ ولالا

هذي الصورة لقيته بالنت :D

الي عليهن علامة

http://img104.herosh.com/2010/06/20/866597407.jpg
(http://img104.herosh.com/2010/06/20/866597407.jpg)

[زمان الصبا]

للرفع رفع الله مقداركم

[زمان الصبا]

معقولة

ما احد يغرف حل لها المشكلة ؟

وينك يا اصيل حجازي ؟؟؟؟؟

[زمان الصبا]

للرفع


وينكم يا اهل الخبرة افيدونا الله يجزاكم خير


نبي حللللللللللللللللللللللللللللللللللللللل

[نجد البراري]

رح للوكالة افضل تشييك

[زمان الصبا]

للرفع ........

[بدوي جنوبي]

دام ان السياره عليها ضمان ودها للوكاله
ولا تغير فيها شيئ
لان الوكاله اذا اكتشف ان فكيت سلك او اى قطعه تخسر الضمان

بالتوفيق

[زمان الصبا]

مشكورين فيه حل غير الوكالة ؟؟؟