فزعتكم معي بالباترول ...

[ابوقيان]

السلام عليكم ورحمه الله وبركاته

كيف الحال ان شاء الله بخير

يا اخواني بغيت فزعتكم معي بالباترول

1 - السيارة ما تشتغل من الدقة الاولى الثانية او الثالثه تشتغل
2 - واذا اشتغلت يطلع من الشكمان دخان أسود ويروح

3 - اذا قومت الموتر بالنمرة الثانية يلج الموتر لج كني مقومة بالثالث

وش الحل ؟؟

البواجي + اسلاك البواجي + صفاية البنزين + اصلاح كلبليتر
مغيرها قبل شهرين والمشاكل ذي طلعت بعدها باسبوعين

باترول 2000 ( كلبليتر )

[سوبر VTC]

الكبليتر الباترول ما تشغل حتى تدعس الدعسة الى الاخر
و ترفع رجلك
بعدين شغل
هذي افضل طريقة


الباترول الكبليتر حساس جدا لبنزين 91
و يسبب كربون زائد و بهذلة في الصباح عند التشغيل
كما يسبب لقلقة للبلوف و صرقعه خصوصا على نمرة 2 و 3
الحل عب بنزين 95 و باذن الله يضبط
و الموتر اذا كان يحتمي لازم توزن بلوفه + وزن الديلكو
و معروف عن الباترول ان البلوف تحل من نفسها كل 6 و 8 شهور
بدليل و الموتر شغال صلنصيل تسمع قرقشة للبلوف تقل ديزل
ميزة البلوف ذا كانت حالة راخية فاتحة => ابرد للمكينة من ناحية الحرارة
لكن العيب يبرد العزم نسيبا غير ملاحظ

اما وزن البلوف و الديلكو يعطيك عزم ممتاز
و احراق كامل للكربون عن تعبئة بنزين 95


رابط


هل تعاني من تقطيع او زيادة صرفية او دخان اسود في الباترول من 88 ... (http://www.mekshat.com/vb/showthread.php?t=169392)


اعانك الله

[ابوقيان]

هلا اخوي

انا ما اعبي الا ينزين 95 الـ 91 ما اقتنعت به


يعني الحل الحين اروح اوزن الديلكو والبلوف

الله يعطيك العافية

[الرويضة اون لاين]

سلااااااااااااام

انا حصلت معي هذي كلها بس في جمس 93 ووظبتة توظيب كامل وضبط ابشرك.. بس الجيب ماعندي عنه خلفية , وان شاء الله الامور بسيطة... والله اعلم