أبي نصيحتكم ~

[هشام الكاملي]

السلام عليكم ورحمة الله وبركاته كيف حالكم يا جماعة الخير :D

بالله يا جماعه ابي طلبه من ذوي الخبره في صقور الشاهين ,,,, و سؤالي هو :

اريد افضل نوع من انواع الشواهين المقصود بالبلاد مثلا: شامي او باكستاني او افريقي ..........الخ.
وشكرا :heart:

[طير الهقاوي]

البحريه ووكل الله سبحانه وتعلى
ودور طرح السعوديه
وبشر بالصيد انشاء الله

[هشام الكاملي]

الله يعطيك العاافيه على الرد طير الهقاوي
بسس انا قصدي نوعه على حسب البلد
طبعا معروف انه اشرس واقوى نوع من الشاهين هو البحري
على العموم بيض الله وجهك

[طير الهقاوي]

البحريه الفارسيه
ونا قليل خبره في مواكر الشاهين بالذات
بس اعتقد ان الفارسيه اطيبهن
وهناك من اخبرني بالبراطانيه ولتي توجد بكثره في لندن وضواحيهاا
هذا ماجاني من العلم
وعسا اني افدتك

[هشام الكاملي]

الله يعطيك الف عافيه اخوي وبيض الله وجهك وشكرا

[الطبشي]

خذلك بحريه طرح الساحل الشرقي المملكه وادعلي000

[براق دخنة]

البحريه ماتنفع الا فرخ ونسبه قليله بعد القرنسه ..
انا اميل للجبليه اكثر من البحريه

[ابـــًًو تركـــًي]

البحريه ماتنفع الا فرخ ونسبه قليله بعد القرنسه ..
انا اميل للجبليه اكثر من البحريه
:good: :good: :good: :good: :good: :good: :good: هذا الكلام
خذلك جبليه فارسيه وبتطربك على الكراوان
او خذلك جبليه من جبليات الشمال وشوف وش بتسوي بالكراوان
اخــــــــــــــوك صـــــــــــــــــقار الــــــــــــوجـــه

[هشام الكاملي]

يعطيكم العافيه جميعا (الطبشي,براق دخنة,صقار الوجه)

صقار الوجه ابي اسألك عن الصقر الي حاطه في توقيعك وش نوعه؟؟
والله يوفقكم ,,,

[السياسي حامد]

حياك الله يا هشام
من وجهة نظري افظل الشاهين البحري وافظل نوع هو الامريكي الي يسما ( البيلز )
تقبل تحياتي

[هشام الكاملي]

مشكور اخوي الياسي حامد
بيض الله وجهك

[فيصل الذيب]

:good: :good: :good: :good: :good: :good: :good: هذا الكلام
خذلك جبليه فارسيه وبتطربك على الكراوان
او خذلك جبليه من جبليات الشمال وشوف وش بتسوي بالكراوان
اخــــــــــــــوك صـــــــــــــــــقار الــــــــــــوجـــه
عزالله الي يطرب قرناسة شاهين بحري مصفيه ولا فرخ حامي حامي اما الجبلي مهدين وهي فاطسه خذ بحريه وماراح تزهق باذن الله حباري وكراوين اما الجبلي خمس مرات تعلمه مايعلم والبحري اما فصيله اما علم مره والباقي هد مخالى انا معي فرخ شاهين بحري قرنسة الحين عينت حبارى وهي فرخ هديتها وصادة فصيله هاذا البحري ولا بلاش تشوف البحريه وتشوف الجبليه تمر البحريه مكتوب شاهين اما الجبليه تمر مكتوب ((شبوط)) هههه
مشكووورين ولا احد يزعل من اهل الجبليات لكن هاذا الصحيح

[ابـــًًو تركـــًي]

الطير الي بتوقيعي
مثلوث حرار وليس للبيع

[ابـــًًو تركـــًي]

كلامك على العين والراس
يافيصل الذيب
بنجرب البحريه
ونشوف الجبليه ولا البحريه

[قنيص غير]

خذلك البحريه الفارسيه

[هشام الكاملي]

شكرا للجميع والله يعطيكم العافيه

[سرهيد الهاجري]

البحريه وافضل دول الخليج او العراق

[سعود السهلي]

الفارسيه وتوكل على الله

[تـقوى الهجـر]

ياهلا والله
والله يالغالي
مافيه احسن من التركيه تذبح الحبارى وتجيك كبيره وافيه

[((السنياري))]

عموم الشاهين
نفس الجامه ادنى شي تنكسر
يعني اتعب على تعلوم وهي فرخ وحشه
وابشر بسعدك باالهد الي يجملك
وان الله وفق ان شاء الله تلقى جناحها طيب السنه الي وراها

وانا افضلك البحريه

[أبو أمين]

اذا انت راعي مقناص الصيد فيه واجد يعني بالعربي قانص برا

عليك بفرخ الشاهين العابره الوافيه طرح السعوديه وابشر بالشحم

[هشام الكاملي]

الله يعطيكم العافيه جميعا وشكرا على النصيحة
وشكلي راح آخذ شاهين بحري فارسي
بسس متى تخلص الاختبارات وافتك واشتري p;