فرزعتكم في استفسار عن المراوح

[ملقاط بن جمر]

بسم الله الرحمن الرحيمالسلام عليكم ..


تراني ماكتبت الموضوع وفصلت و أطلت فيه الا لأني ناصي قروم ما يردون أحد محتاج أبد ..


اللي دخل على الموضوع ولا رد فيه .. أسأل الله أن يوفقه وأن يرفع قدرة ..
اللي دخل على الموضوع ورد وقدم فزعة فيه .. أسال الله العظيم ان يفتح قلبه .. وأن ييسر أمره .. وأن يرزقه من حيث لا يحتسب ..



يا اخوان مثلي مثل الكثيرينمن الأعضاء اللي يشتكون من الحرارة ..الله يعدي هالصيف على خير ..


وضعي معالحرارة التاالي:

موتري لومينا 2005


مشغل مكيف والا بدون مكيف .. نهار والا ليل والسيارةماهيب واقفة تمشي من 60 فأكثر خط الربع ما أشوفه ولله الحمد والمنة ..


السيارة واقفه عند إشارة تشوف الأمبير يرتفع يصل إلى قريب النصف وللهالحمد ولا مره تجاوزة .. ومع ذلك الحرارة ماهيب حرارة السيارة الطبيعة ..


السيارة واقفة مع المكيف إرتفاع الحرارة يكون بشكل تدريجي بس ترتفع ..
السيارة واقفة بدون مكيف ارتفاع الحرارة واضح وبشكل سريع ..
من تالي اذاارتفعت الحرارة وخلصت مشواري أشوف الماء منتثر من القربة الإضافية ..أجي الصبح افتحالرديتر الماء فل .. الغطاء سليم ميه في الميه .. وقت الوقفة أسمع المروحة تشتغل ..!!!!


يوم الخميس عصرا شغلت السيارة وشغلت المكيف حوالي 20 دقيقة وهي واقفةالحرراة صعود تدريجي ..
طفيت المكيف ارتفعت الحرراة وانتثر الماء ..


فتحتالكبوت ولقيت وحدة من المراوح ما تشتغل .. تشتغل الثانية حقة المكيف واللي معالحرارة الزايدة وهذي العلة ..


سؤالي .. هل يلزم تغيير المروحتين الثنتين ؟؟وهل فقط يتغير كتاوت الخربانه فقط ؟؟ وهل شغلتها صعبة ؟؟ والا سهلة؟؟وإذا غيرتها هل اقدر اغير البرمجة حقت شغل المرواح الى درجات أقل يعنيالأولى الى 85 والثانية 90 ومن اللي يقدر يبرمجها لي ؟؟؟


ترا خبرتي في السيارات مثل خبرة جدتي في القنلبة النووية ..
ما يمنع من التفصيل في الإجابة ولك دعوة في ظهر الغيب بإذن الله .

[المخبر]

اخوي ويش نوع موترك

وانا اعتقد والعلم عند الله ان السبب المراوح او بلف الحراره


وانتظر المختصين بمكشات


وان شاء الله تعالى تلقى الحل عندهم


وشكرا

[ملقاط بن جمر]

اخوي ويش نوع موترك

وانا اعتقد والعلم عند الله ان السبب المراوح او بلف الحراره


وانتظر المختصين بمكشات


وان شاء الله تعالى تلقى الحل عندهم


وشكرا


جزاك الله خير يالغالي..

الموتر لومينا 2005

[wwwns]

من كلامك اخوي إن المروحة الأساسية هي اللي خربانه ما تشتغل

شيك على الفيوز يمكن خربان او السلك مفصول او المروحه خربانه

مر كهربائي خله يفحصها لك اول وما اعتقد شغلتها صعبه

والله يسهل امورك

[ملقاط بن جمر]

من كلامك اخوي إن المروحة الأساسية هي اللي خربانه ما تشتغل

شيك على الفيوز يمكن خربان او السلك مفصول او المروحه خربانه

مر كهربائي خله يفحصها لك اول وما اعتقد شغلتها صعبه

والله يسهل امورك



الله يجزاك خير على هالإيضاحات ..

وفي انتظار المزيد من الأراء والتوجيهات من بقية الإخوة الأعضاء ..
لا حرمك الله الأجر من عنده ..

[م.سعيد]

انا معاي لومينا 2003 وصار لي نفس المشكلة اللي عندك...بسبب المروحة الصغيرة هي كانت الخربانة...واكتشفت ان الفيوز كان محروق بس وجود شورت"قصر في دائرة المروحة" وكلما اركب فيوز يحترق على طول... المهم غيرتها وضبطت معاي حوالي شهرين...وبعدها خربت المروحتين...الصغيرة والكبيرة وغيرتها عندك الوكالة من سنتين وهي ولله الحمد من احسن ما يكون...
بالنسبة للبرمجة ما ادري ليه تبي تغير درجة الحرارة طالما ان السيارة اساساً ما تحتر...


تحياتي

[ملقاط بن جمر]

الأخ فلووبي ..

بارك الله فيك على نصحك ..

..

الحمد لله حلينا المشكلة .. مريت بالسيارة على ورش متعددة واتفقت معظم الأراء على توقف ديمنو المروحة الكبيرة اليمنى تم تغيرها بواحدةأصلية ب 640 ريال + فيوز 20 ريال ..
وبعد يومين ولله الحمد الحرارة والوضع على أفضل ما يكون .. أسال الله أن يديمها علينا ..

شكرا لك من قرأ الموضوع .. والشكر مضاعف لمن رد وشارك فيه ..