المكيف ما يبرد الا اذا السيارة في حالة المشي

[Rapture]

اخواني,,


السيارة كابرس 91 ,, لاحظت من فترة ان المكيف ما يبرد الا اذا السيارة ماشية واذا كانت واقفة تبريدها اقل من عادي ,, وانا اعادة ما اطلع الا لما تخف الشمس ,, قبل المغرب,, اجل كيف لو اطلع بالظهر ؟؟؟؟؟



يا ساتر على الاجواء اللي نعيشها هذه ؟؟؟؟؟؟؟؟

[الحربي1111]

روح للمكانيكي خله يرفع وزنة البنزين

[ابوعقل]

هلابك اخوي

ركب مروحه كهرب قدام الرديتر وان شاء الله تنحل مشكلتك

وخل الكهربائي يشبكها لك مع الكمبرسر

يعني اذا شغلت المكيف تشتغل علطول واذا طفيته تطفي

اما رفع البانزين

لو رفعت البنزين السياره بتصير حانه علطول

واذا طفا المكيف بيزيد الصوت اكثر

غير اذا انت حاطه بالـd

رفع البانزين انا اشوفه حل غير مجدي

[منقذ]

اكيد فيه تهريب غاز
تاكد منه

[فياض الربيع]

مروحه التماتيك ماتشتغل اذا اشتغل المكيف

وفي حاله ان السياره واقفه تتسبب الحراره

بعدم تبريد المكيف اما في حاله المشي فان

الهواء يدخل مع الشبك الامامي ويقوم بتبريد

المحرك واذا برد المحرك يبرد المكيف

ولها اسباب ثانيه هي نقص الفريون وضعف الكمبرسر والله اعلم

[ابوسلوى]

اتوقع مروحه

[Rapture]

هلابك اخوي

ركب مروحه كهرب قدام الرديتر وان شاء الله تنحل مشكلتك

وخل الكهربائي يشبكها لك مع الكمبرسر

يعني اذا شغلت المكيف تشتغل علطول واذا طفيته تطفي

اما رفع البانزين

لو رفعت البنزين السياره بتصير حانه علطول

واذا طفا المكيف بيزيد الصوت اكثر

غير اذا انت حاطه بالـd

رفع البانزين انا اشوفه حل غير مجدي


مشكوررين على مشاركتكم


اخوي المكيف كان كويس من قبل والكمبرسر جديد واصلي مغيره قبل فترة !!

ما اشوف اي داعي لتركيب مراوح,, ليش ادخل في متاهات وما ابغى ابواب تنفتح !!

[مهداوي]

اتوقع والعلم عند الله انه الكمبرسر لا كان عندي جيب ونفس مشكلتك وطلع الكمبرسر خربان

[ARB]

ركب مروحه تكييف قدام الاديتر و ترتاح

[abo tayyar]

يا اخوي صارت معي مرتين ..
مره بسيارة في اكس ار 92 وكان السبب ضعف بالكمبروسر طبعا ما فيه حل ألا تغييره ..
ونفس الشي صار معي على صني 2004 ما يبرد ألا إذا مشيت وأنا واقف يحتر وطلع من الكمبروسر ..

[نجم الصداوي]

عسى الله يفرج همنا وهمك ..

[sami1915]

والعلم عند الله
المشكلة في غاز المكيف شيك عليه وفي حال النقص نصيحة لاتزيده مباشرة
بل خله يفرغ الغاز القديم أولاً مع الهواء الزائد ويعبيه زيت وغاز مكيف نوع اصلي جونتير
وبالهناء والعافية :good2:

[ابو ريان الصقر]

السلام عليكم ورحمه الله وبركاته
ركب مروحه كهرباء قبل الاديتر
يعني في الكبوت مو خارج الكبوت
انا صارت معي في يوكن 2001
والله يعينك.

[فهد773]

ياخي هذي الكوابرس القديمه من تقاسيم الليات حقت هوا المكيف كان عندي كابرس 88 نفس النظام وشبك ليات المكيف وصار يبرد

[moooj]

اخواني,,


السيارة كابرس 91 ,, لاحظت من فترة ان المكيف ما يبرد الا اذا السيارة ماشية واذا كانت واقفة تبريدها اقل من عادي ,, وانا اعادة ما اطلع الا لما تخف الشمس ,, قبل المغرب,, اجل كيف لو اطلع بالظهر ؟؟؟؟؟



يا ساتر على الاجواء اللي نعيشها هذه ؟؟؟؟؟؟؟؟

اذا الفريون اصلي تأكد انه مهوب ناقص
واذا مو ناقص فيه ضعف بالمبرسر
والجديد الأصلي ب 360 من عند التقوى وتركيبه وفريونه ب 150
والله يوفقك