ريحه البنزين بعد السفر فى السفارىواذا فتحت غطاء التانكى حول ماينفجرمن الضغط

[ابو زياد88]

يا اخوان عندى سفارى 2009 واذا سافرت عليه وقفت بعد السفر اجد رئحه بنزين واذا فتحت غطاء التانكى فيه هواء قوى حول ماينفجر -افيدونا ياخوان ولكم جزيل شكرى

[ن م ر]

نفس المشكلة عندي لاندكروزر 2002

[ابو صاالح]

السفاري الموتر تانكيين ،، افتح غطيان التوانك الاثنين اثناء التعبيه ولا تقفلهن لين تعبي الأثنين ،، وذا نويت تعبي التانكيين عب اللي قدام اول وانت فاتح غطا الثاني ،، الظاهر ان مخرج الهواء لهن لكهن واحد ، ارجو ان يكون كلامي صحيح

[فوق هام السحب]

الحل والله اعلم اذا فتحت الكبوت حق السياره وانت امام السياره ناضر الزاويه اليمنى تلاحض علبه سودا هذي عباره عن فلتر للبنزين اذا صار في سداد تكون ريحت البنزين قويه اذا كان فيها ريحه عطني خبر

[سالم11]

سفاري سفاري سفاري يا كثر مشاكله وغثاه

طبعا يااخ ابوزياد اكيد انك جاي من خط ومع حرارة الصيف طبيعي يتكون هواء في التانكي

اذا كنت في سفر طويل رايح لمكه مثلا بعد 300 كيلو وقف ضبط لك براد شاهي وافتح غطا التوانك علشان تخريج الهواء

والله يستر عليك ويحفظك في حلك وترحالك ويبارك لك في السياره ويعطيك خيرها ويكفيك شرها

تنبيه احذر عند فتح غطا التانكي تكون قريب منه لانه يطير مع الهواء بنزين

[فهد773]

هذي ياحبيبي من الحراره الحين تجيب بس بفصل الصيف من ضغط التانكي لو بتفتح التانكي بتلاحط يطلع صوت وتبخير بنزين

[سوبر VTC]

تاكد من غطاء التانكي كل غطاء بوسطة فتحة في المنتصف
و بوسطه سبرنق + بلف
قد يكون قافل خربان
تجيب مفك صغير و تحاول تلغي السبرنق
و هذي الحركة مطبقة بالجمس
تقدر تمسك الغطاء و تنفخ و تسحب بفمك
و يبين معك على طول

[هوايتي مكشات]

الله يستر يالغالي

[العبله]

الهواء عادي لانه يطلع معي في الكامري يعني مهوب في النيسان مثل ما ذكر احد الاخوان وعشان تخفف من الهواء اذا بغيت تعبي لا يكون التعبيه سريعه لان طرمبة المحطه فيها 3 سرعات خلها على 1 او 2 لان اذا كان سريع يكون فيه هواء في التانكي ما يطلع وغير كذا يخرب عليك طرمبة البنزين حقت موترك لانه يحرك الرواسب في تانكي السياره وتنشفط للطرمبه وتنسد ...
بالتوفيق..

[قرم العيال]

شيك على ليات التنسيم

[ناصح]

حسب علمي هذا شيء طبيعي

مع شدة الحر والقيادة لمسافات طويلة أو أرض وعرة تحصل هذه الظاهرة

ومن الخطأ أن تفتح غطاء خزان الوقود من أجل تصريف الهواء .

لأنه يوجد صمام يصرف الهواء بشكل أمن ومنتظم للدخول والخروج فلا تحاول التدخل فيه .

وعند محطات الوقود توقف قليلا في الظل قبل إعادة التعبئة ....

ونسأل الله لكم السلامة في الحل والسفر ..

[راعي الفتك 9]

نفس المشكلة عندي لاكن رائحة البنزين في مقدمة السيارة

[برغي]

غير غطيان البنزين وبترتاح
الغطا عند كاتم الخزان فطبيعي تصير هالحركه

[مولع بالطير]

افادووك الاخوان انا حصل معاي قبل اسبوع انه هوواء قووي يطلع الدرجة اني يوم عبيت البانزيل ينثر برا التانكي بسبت الهواء الي فيه وهاذا ياخوي والله اعلم انه شي طبيعي من حرارة الصيف الله يرزقنا وياكم الجنه ونا الي عرفته من راعي المحطه قالي كل السيارات الي تجيني الحين كلها كذا من الحر وسلامت عمرك والله يستر علينا وعليك . تقبل مروري

[ahmad4799]

اتوقع من الغطيان غيرنه يمكن يضبط

[ابو زياد88]

الله يجزاكم خير يا النشاما على تفاعلكم معى وعلى ردودكم (وانا سويت مادرى هى صحيحه...... رحت الى غطا التانكي وفكيت الغطاء وشلت الجلده الى في الغطا وراحت الريحه وراح الضغط الى فى التانكى ................. ومشكورين مره ثانيه..........:f

[الوسم]

الله يجزاكم خير يا النشاما على تفاعلكم معى وعلى ردودكم (وانا سويت مادرى هى صحيحه...... رحت الى غطا التانكي وفكيت الغطاء وشلت الجلده الى في الغطا وراحت الريحه وراح الضغط الى فى التانكى ................. ومشكورين مره ثانيه..........:f

تعاااااااااااااااااااااال جعلك في الجنة ووالدينك ؟؟؟ لاااااااااااااا تعجل علينا !! وححححححدة 000 وححححححححده يا ليتك تكررررررررم علينا بالصور مع الشرح عندي نفس المشكله وابي الحل منك

[الجيب الريو]

الله يجزاكم خير يا النشاما على تفاعلكم معى وعلى ردودكم (وانا سويت مادرى هى صحيحه...... رحت الى غطا التانكي وفكيت الغطاء وشلت الجلده الى في الغطا وراحت الريحه وراح الضغط الى فى التانكى ................. ومشكورين مره ثانيه..........:f

أعتقد اللي سويتة بيزيد من صرفية البنزين
لان البنزين سريع التبخر .. خصوصا بالصيف والسير لمسافات طويلة
دور على السبب .. يمكن ليات التصريف فيها سدد

[Noz]

اخي الكريم هذا المشكلة عندي حصلت وخذت السياره اللوكالة بلغوني انها طبعي و ما فيها ضرر بسب حراره الجو و الضغط اللى حاصل في تانكي البنزين

[ابو زياد88]

اخي الكريم هذا المشكلة عندي حصلت وخذت السياره اللوكالة بلغوني انها طبعي و ما فيها ضرر بسب حراره الجو و الضغط اللى حاصل في تانكي البنزين




الله يجزاك خير على المعلومه وفرت روحتى للوكاله (((( وانا رجعت جلبه الغطا)))) ومشكورين وماقصرتم يانشاما

[سوبر VTC]

اخوي
اذا كان يوجد سبرنق قم بالغائه او جرب غطاء كامل من موتر اخر
و لا تقم بفك الربلة نهائيا

[خالد ...]

اخي ابو زيـــاد

لا تقلق الوضع طبيعي جــــــداً ولا يدعو للخوف ابداً ,,,

فقـــــط اذا اردت ان تتزود بالوقود انتظر قليلاً ثم افتح الغطــــاء ...

[ابوصالح77]

طبيعي مع هالأجواء
موتري نفس الحالة هدد 2006

[falcon 1]

يا شباب تبونها علميا ترى الوضع طبيعى جدا جدا لان اللى صنع التانكى وصممه بالشكل هذا لانه اذا انضغط التانكىبالهواء عن طريق بايب خاص من المكينه الى التانكى يسهل عملية وصول البانزين للطرمبه وهو اسهل واحسن لها علشان كذا التانكى يكون مضغوط وانا مسؤل عن معلوماتى العلميه مسؤليه تامه والسلام عليكم ورحمة الله وبركاته