ياخوان سهيل وينه بسما الدمام ذا الليل

[أبو علوى]

الله يبيض وجه اللي يبدي لي علمه

أنا لي سنين ومنين أخايل لسهيل ولا وفقت في موقعه

إقامتي بالدمام وأبي أعرف نجم سهيل وينه بالسما ذا الليل وينه عن الجدي ووينه عن السبع

والله يكثر خيركم ويبارك فيكم

[NOYEB]

http://www.albreah.org/up/files/7626.jpg
ياشاكي نجم سهيل تشوفه الفجر بإذن الله في 24/8/2010 الرابع عشر من شهر رمضان 1431هـ ، ويكون جهته غرب جنوب ..والله اعلم واحكم.

[أبو علوى]

الله يبيض وجهك وجعل يمناك تسلم يالغالي

ويعني ذا الليل ما اشوفه ابد إلى تاريخك

[أبو علوى]

ياخوان عارف إن سهيل صفري لكن هل يغيب طول هالمدة ولا يبدي إلا بالصفري والا

يتغير مطلعه من جهة إلى جهة

[* الــــفــر قــــد *]

حياك الله أخ شاكي
نجم سهيل يظهر من جهة الجنوب الشرقي فجرا بتاريخ 24-8-2010
كما أفاد الأخ NOYEB وهي بداية طلوعة ويختفي عنا في أخر شهر 4 ( ابريل ) يعني في الليل لا يظهر , ولكن يظهر في النهار وبعد شروق الشمس الساعة 8:30 صباحاً ويغيب الساعة الساعة 4 عصراً قبل مغيب الشمس

[أبو علوى]

الله يوفقك ياخوي هام السحايب وما قصرت جعلك بالفال الطيب

[* الــــفــر قــــد *]

وهذه خريطة من تصميمي توضح نجم سهيل من طلوعة الى غروبة وإختفائه
لمدة 8 شهور في السنة

http://www.mekshat.com/pix/upload04/images169/mk50264_98765.jpg

[الضارب]

سبحان الله

[أبو علوى]

هام السحايب الله يفل حجاجينك ياولد القرم بيض الله وجهك

والأخ الضارب نعم سبحان الله ومشكور على المرور

[sab770]

جعل شوفة سهيل بعد شوفة المرزم

سهيل بتشوفه كان الله عطاك عمر في الصفري نهاية رمضان و اول ما يشاف الفجر جهة الجنوب ما يبي له دربيل ولا مخايل

[جبل راف]

تلقاه يلمع لميع من جهة الجنوب لكن ابعد عن الاضواء وترقبه في 10 سبتمبر وحولها او قبلها بشوي
اطلع بعد الفجر ولما يقرب الضوء يطلع تناظره وان طولت وانت تناظره يختفي عنك شوي شوي بسبب الضوء

بشر الصقاقير عنه تراك تاخذ لك هدية ههههههه

[الثقب الأسود]

يمكن أن تستدل بالشعرى اليمانية على وجود سهيل بكل سهولة .. فهو يقع إلى الجنوب الشرقي منها وهو أوضح نجم بعد الشعرى من تلك الجهة ..!!

[أبو علوى]

جعل شوفة سهيل بعد شوفة المرزم

سهيل بتشوفه كان الله عطاك عمر في الصفري نهاية رمضان و اول ما يشاف الفجر جهة الجنوب ما يبي له دربيل ولا مخايل

بيض الله وجهك يالغالي ومشكور على المعلومة الطيبة وعندي أمل إني بواجهة

أشكرك

[أبو علوى]

تلقاه يلمع لميع من جهة الجنوب لكن ابعد عن الاضواء وترقبه في 10 سبتمبر وحولها او قبلها بشوي
اطلع بعد الفجر ولما يقرب الضوء يطلع تناظره وان طولت وانت تناظره يختفي عنك شوي شوي بسبب الضوء

بشر الصقاقير عنه تراك تاخذ لك هدية ههههههه

مشكور يالغالي نشو الشمال وبيض الله وجهك على المرور والإفادة وأكيد راعي قنص وصقارة جمل الله حالك يامال العافية

[أبو علوى]

يمكن أن تستدل بالشعرى اليمانية على وجود سهيل بكل سهولة .. فهو يقع إلى الجنوب الشرقي منها وهو أوضح نجم بعد الشعرى من تلك الجهة ..!!


مشكور يالثقب الأسود على المرور والمعلومة المفيدة والله يبيض وجهك يالغالي

[أبو علوى]

ياريت تعقبون علي بالمعلومة

الآن عرفت إن سهيل مهوب ظاهر إلا بيوم أربع طعش رمضان وأرقبه بعد صلاة الفجر جنوب شرق وإللي مواجهة على خطه بالشمال الثريا ثم الجدي هل هذا صحيح

بعدين ياإخوان هل هو مع مجموعة من الأبراج والا لا ، ووين يكون موقعه في البرج إللي هو فيه ووش لون نجم سهيل وهل هو ثابت بسطوعه والا ينور

أتمنى التعقيب ياإخوان وإللي بيعقب له مني دعوة وآسف عن الإطالة

[ااب]

ياريت تعقبون علي بالمعلومة

الآن عرفت إن سهيل مهوب ظاهر إلا بيوم أربع طعش رمضان وأرقبه بعد صلاة الفجر جنوب شرق وإللي مواجهة على خطه بالشمال الثريا ثم الجدي هل هذا صحيح

بعدين ياإخوان هل هو مع مجموعة من الأبراج والا لا ، ووين يكون موقعه في البرج إللي هو فيه ووش لون نجم سهيل وهل هو ثابت بسطوعه والا ينور

أتمنى التعقيب ياإخوان وإللي بيعقب له مني دعوة وآسف عن الإطالة
السلام عليكم ورحمة الله وبركاته:
لو أني سهيل كان بينت عشانك.

الآن عرفت إن سهيل مهوب ظاهر إلا بيوم أربع طعش رمضان وأرقبه بعد صلاة الفجر جنوب شرق وإللي مواجهة على خطه بالشمال الثريا ثم الجدي هل هذا صحيح؟
إذا طلع سهيل الفجر تكون الثريا تقريباً فوق الرأس والجدي طبعاً في الشمال ثابت.

بعدين ياإخوان هل هو مع مجموعة من الأبراج والا لا ، ووين يكون موقعه في البرج إللي هو فيه ووش لون نجم سهيل وهل هو ثابت بسطوعه والا ينور ؟

القبة السماوية مقسمة كلها لكوكبات أو ما يسمى مجموعات نجمية والكوكبات التي يمر عليها القمر والشمس تسمى بروج مثل الحمل والثور والجوزاء.
لذلك كل نجمة لابد أن تكون ضمن كوكبة أو برج وسهيل يقع في كوكبة تسمى القاعدة أو الجؤجؤ (قاعدة السفينة) كما هو موضح في الصورة.

ولونه كما يظهر لي أبيض ويتلألأ بسبب قربه من الأفق.

يقول الخلاوي رحمه الله:
والى مضى عقبه ثمانٍ مع اربع *** الخامسه طالع سهيل يحايد
تشوفه كقلب الذيب يلعج بنوره *** مويق على غرات حدب الجرايد

ويقول القاضي رحمه الله:
ويظهر لك النجم اليماني وطرفه *** يقلب كدرة خاتم بيد مايق

ويقول أخونا السبعتين متعه الله بالصحة والعافية وبارك في علمه:
وعند أهل منطقة نجران طريقة في العامية تقول: إذا أردت معرفة النجوم المشهورة وهي الثريا والمشبح والمرزم وسهيل ويعتبرون باقي النجوم لها تبع ،الطريقة للربط بينها إذا بلغت الثريا تقريبا منتصف السما ليلا فابسط أصابع كفك اليمين نحوها فتجد الثريا أمام السبابة والمشبح أمام الوسطى والمرزم أمام الخنصر وسهيل امام البنصر.
تعريفات يرجع لها عند الإختلاف:
المشبح: هو الثلاثة النجوم التي في خاصرة الجبار
المرزم: هو الشعرى اليمانية
والمسافة بين الثريا والمشبح ضعف المسافة بين المشبح والمرزم، كما أن المسافة بين سهيل والمشبح مقاربة للمسافة بين الثريا والمرزم. وسهيل لايطلع حتى تقترب الثريا من كبد السماء ولو وقفت متجها نحو الشرق فسوف تجد الثريا وسهيل على خط واحد نحو الجنوب والشمال.
http://www.mekshat.com/pix/upload04/images173/mk7708_carina.jpg

[أبو علوى]

لو أني سهيل كان بينت عشانك.

هذا الكلام ما يورده إلا كبير وراعي جمايل ويحمل سجايا سامية ويحب لأخوانه الخير

ما أقول إلا جعلي فدا راسك يالغالي ااب

والله يبيض وجهك وأنا متفاول جدا جدا بلقيا سهيل وراح يراودني كلامك يا ااب ساعة ما أشوفه (( لو إني سهيل كان بينت عشانك ))

ما أقول إلا الله يبارك بعمرك يالوافي وحظ من خلفوك فيك ياااب

أشواقي وودي لك يالحبيب وفمان لله