المساعد الشخصي الرقمي

مشاهدة النسخة كاملة : موضب المكينه ويطلع دخان ازرق يااهل الجموس


علاوي نجد
19/06/2010, 01:36 PM
عندي جمس حوض 98 موضب قبل سنه وواقف ماتحرك يوم شغلته لقيته يطلع منه دخان ازرق مستمر وكثيف ولاادري وش المشكله

هل التوضيب ماضبط؟

كان ماضبط لازم اوضب مره ثانيه؟
كم يكلف توضيب مكينة الفورتك ؟
هل جلد البلوف فيها شي؟

يقولون يمكن لازم امشي مسافه وبينقطع,هل هو كلام صحيح؟

اللي عنده خبره يعلمني الله يجزاه الجنه
بوعبدالعزيز84
19/06/2010, 02:13 PM
اخوي علاوي الدخان طبيعي بعد التوضيب
بالنسبة لتكلفة التوضيب حدود اربعه وشوي قطع امريكي طبعا حجم المكينة 350
علاوي نجد
19/06/2010, 02:25 PM
يعطيك العافيه ابو عبدالعزيز

دامه طبيعي متى ينقطع هالدخان؟
يعني مااغير جلد بلوف؟

4000 ريال لتوضيب مكينه فورتك 350 قطع غيار مع شغل اليد؟
بوعبدالعزيز84
19/06/2010, 03:53 PM
يعطيك العافيه ابو عبدالعزيز

دامه طبيعي متى ينقطع هالدخان؟
يعني مااغير جلد بلوف؟

4000 ريال لتوضيب مكينه فورتك 350 قطع غيار مع شغل اليد؟

الله يعافيك الموتر اللي وضبناه ما انقطع الدخان الا بعد الألف بواجد بس ماني متأكد كم بالظبط
السعر اللي ذكرتلك لتوضيب 350 موديل 98 قطع امريكي وليس اصلي لأن الموتر عند سواق ومتحسف اركبله اصلي طبعا قطع مع شغل يد ومخرطه وبدون خرط السلندر والورشة معرفه ولا هي تاكل اكثر من كذا
علاوي نجد
19/06/2010, 06:51 PM
كانك سعرت فالأصلي ,قلي كم توقع بيكلف؟

وهو لازم اوضب مره ثانيه كان التوضيب مانجح؟والا اغير قطع معينه بس ؟

اعذرني على كثر الاسئله بس متكابر المشكله بصراحه ومزعجتني
علاوي نجد
19/06/2010, 07:46 PM
للرفع والأفـــــــاده
علاوي نجد
19/06/2010, 08:00 PM
كيف اقدر اتأكد من نجاح التوضيب؟
برغي
19/06/2010, 11:16 PM
اكيد بيدخن لانه له مدة ما اشتغل
علاوي نجد
19/06/2010, 11:43 PM
الدخان كثيف ولاينقطع وريحته زيت كنه مبوش
الموسيقار6
20/06/2010, 02:01 AM
اتوقع تنظيف بخاخات ,,,,
علاوي نجد
20/06/2010, 02:42 AM
فيه طريقه ادري فيها ان المكينه سليمه؟
ابو زياد88
20/06/2010, 07:39 AM
راى ممكن انه ماضبط جلد البلوف
علاوي نجد
20/06/2010, 11:06 AM
لجلد البلوف لازم افك الراس؟

هل فيه جهاز يكشف المكينه كويسه والا لا؟ووين احسن ورشه؟

ودي اتأكد وارتاح
بوعبدالعزيز84
20/06/2010, 12:07 PM
كانك سعرت فالأصلي ,قلي كم توقع بيكلف؟

وهو لازم اوضب مره ثانيه كان التوضيب مانجح؟والا اغير قطع معينه بس ؟

اعذرني على كثر الاسئله بس متكابر المشكله بصراحه ومزعجتني

خذ راحتك اخوي بالنسبة للأصلي ماسعرته ولاتستعجل على موترك جربه فتره وبعدين غير زيته ان شاء الله انه يظبط معك ويروح الدخان وبعدين اذا التوضيب مانجح بينقص عندك الزيت وتراني زيك اول ماوضبنا الموتر وشفت الدخان عفت الموتر بعدها بفتره راح الدخان وهذاهو عند الهندي يروح ويجي مافيه الا العافية
علاوي نجد
20/06/2010, 01:16 PM
المشكله يابو عبدالعزيز اني شاري الموتر على انه موضب ومكينته زينه ويوم شفت الدخان وكلمت راعيه قال والله انا موضبه بأكثر من 9000 ريال .

انا ماادري اتمم البيعه والا ارجع السياره مع ان سعرها وممشاها زين بالحيل وبديها كويس

انصحوني الله يجزاكم خير
علاوي نجد
20/06/2010, 01:20 PM
يعني اذا ماضبط التوضيب وقام ينقص ,اوضب والا شنبر بس؟

يعني بعض القطع والا اغير قطع المكينه كلها؟
مطلوب عاجل
20/06/2010, 01:25 PM
يابن الحلال إذا ما تمت البيعة رجعه وريح رأسك
قسم بالله مقابلة الورش تجيب الغثا ان تركتهم على كيفهم
لعبوا عليك وان قابلتهم أنغثيت
صافي الماس
20/06/2010, 01:38 PM
الغالي... روح لمركز صيانه وافحص كمبيوتر .. يبين ضغظ المكينة .
تحياتي.
خالدالفوزان
20/06/2010, 01:46 PM
السلام عليكم ورحمة الله وبركاته
بالنسبه لسياره اعانك الله عليها متى ينقطع الدخان اول ماتشغل ولا مع الدوس وبعدين ينقطع (بلوف )ولا مستمر (شنبر)
الشي الثاني افتح عيار الزيت او غطاء الزيت وشوف ادا فيه تبخير ولا لا (شنبر)
اما بالنسبه اما بالنسبه لتوضيب بعد فك المكينه ادا كان السرندل سليم ميه ميه خلاص غير شنبر وبس اصلي اصلي اصلي ترا الي مهب اصلي نكبه ويورطك دايما وادا وحه الراس حديد مهب ورق موب لازم تغيره
اعتقد وضحت الصوره وادا بغيت اكشف لك عليها ابشر بعزك ان شاء الله تلقى الواب الكافي
0534194113
علاوي نجد
20/06/2010, 02:29 PM
يعطيكم العافيه جميعا على تفاعلكم وجعلها الله في موازين اعمالكم

اخ خالد وضحت الصوره وجزاك الله خير وبكلمك انشالله هاليومين

بالنسبه للدخان ماينقطع بعد الدوس مستمر على طول بس يخف شوي وكنه بداية تبويش

بالنسبه للراس ماادري حديد والا لا موديله 98 ماادري وش يجي الراس

انا حاليا في جده وبرجع للرياض والسياره هناك وبفحص عليها في مركز صيانه والله يكتب الخيره انشالله
علاوي نجد
21/06/2010, 08:55 PM
احد منكم صارت معه وضب وطلع دخان بسبب فشل التوضيب؟

افيدونا ياللي صارت معكم

ابوعيدالعزيز ماقصر الله يجزاه الجنه ونبي تجارب اكثر
ارجو المشاركه من الجميع
adil33
25/06/2010, 05:05 AM
امشي على السياره مشاوير تاخذ فيها نفسها وباذن الله تصفى مع الوقت بعد ما تخرج اثار التوظيب واثار الكربون الي في العوادم وما تحتاج تمشي بسرعه لو تمشي 100 بس مسافه توصل ل 60 كم كويسه لو كل كم يوم مره مفيده للسياره حتى تصفى باذن الله