استفسار عن الجير قرموشة

[أبو خاااالد]

السلام عليكم ورحمة الله وبركاته


كيف الحال؟؟


ان شاءالله طيبين

يالربع الجير قرموشة الابيض او الاسود

كم اسعارهن الي من المزارع؟؟

والمصقورة كم اسعارها؟؟

ويعطيكم العافية

[طير الهقاوي]

والله يا الشيخ اما بالنسبه لاقيامهاا من المزرعه ماعندي علم
وبالنسبه للمصقوره ماتتعدا الست الاف ريال سعودي
هذا اذا وسرتهاا طيبه
تقبل مروري

[ربع خالي]

مرحبا يابوخالد , والاسعار ياخوي تتفاوت ولكل مزرعه سعر في القراميش,
انا راسلت مزرعه معروفه وياخذون منها الشيوخ , قالي القرموشه البيضاء بــ 18 الف درهم , وحاجز قرموشه من مزرعه بريطانيه وهي نفس المزرعه اللي ماخذ منها طيري عساف ـ وسعرها 13الف درهم ولكن ماهي بيضاء بيضاء , وفي مزراع اسعارهم من العشره وحول , اما اذا كانت مصقوره وصايد فالاكيد ان السعر يرتفع على الفعل ,( هذي الاسعار أقصد بها قرموشة الجير حر ونسبة التهجين 7*8) أما القرموشه الجير بيور فسعرها من الثلاثين وطالع البيضاء,,,

تقبل مداخلتي
تحياتي

[المقناص2010]

يالغالي اي القراميش قرموشة الجير الحر او الجير الشواهين

انصحك بقراميش جيرة الشواهين الوافيه تجي طيبه وخاصة مزرعة نيك فوكس وانشد عنها ابو رداد