تنصحوني بالبـآثفـآندر ؟ ..

[فارس الشعراء]

سلآم عليكم ..

اخواني .. انا معي فورد قراند ما ركيز .. موديل 2000 سعودي نضيف .. تمام ..

عارضه للبيع في موقع حرآج .. الموتر بيجيب لي 29 - 31 ..

وافكر اني اشتري باثفاندر موديل 2000 او 2001 .. ولكن سمعت ان توضيب مكينة الباث لحالها بـ 12000

و ان قطع غيارها غالية .. فما ادري تنصحوني فيه ولا لا .. وهل هذا الكلام صحيح ولا لا ؟

انا رجال ابي لي جيب تحطه على يمناك .. الا دخلت البر ما اشيل هم الحراره ولا خرآبـآت ..

وش تنصحوني فيه حتى ولو غير الباث او غير النيسان ..

بحدود 30.000 ريـآل ..

الله لا يهينكم ..

[ذيب قطن]

قطع غيار النيسان نااااااااار:f

[فارس الشعراء]

هلا اخوي ذيب قطن ..

الله لا يهينك .. وبانتظار باقي الاخوان ..

[فارس الشعراء]

للــرفـع ..

[الليزر....]

الباثفندر حلو بس يبيله محافظ وأنتباه ولكن خذلك من 2003 وطالع أفضلك وأقوالك...

فيه واحد من الشباب اخذله 2003 بالثلاثين...

[سراب الوقت]

ياخوي المواتر توافيق هذا اولا

ثانيا معروف النيسان ان قطع غياره نسبيا اغلى من تويوتا

اما ثالثا 2000 يعني له عشر سنين وتراها واجد شفلك موديل اجدد

2003-2005

والله يوفقك

[metub1404]

السلام عليكم اعضاء منتدى مكشات الغاليين
اخوي فارس مساء الخير
افلوسك 30000 تجيب فكسار 92/93
والتويوتا معروف قوي ويصبر
والمواتر توافيق
لكن الباث يشتكون الاخوان من اسعار القطع وبالتوافيق

[رياح الشرق1]

يا الربع الموديل الجديد من 2006 وفوق وش وقعه

[أبوغيث 2003]

بالنسبة لقطع الغيار فهو غالي بالحيل

وبالنسبة للخربات الباثفندر مثل ما قالو لك توافيق أنت وحظك تطيح بواحد زين ولا واحد يخليك تسكن بالورشات

وبالنسبه لصرفية البانزين من موديل 99 إلى 2002 يصرف بانزين أما الـ 2003 إلى 2005 أقل صرفية لكن ينقص زيت المكينة

[jjjjjjjjjjjjj]

الباث حظ ونصيب يمكن تشتري واحد وتحب النيسان كله ويمكن تشتري واحد ويكرهك في الجيوب كلها يعني ما ينظمن لكن كانك تبيه من ناحيه مكينه فخذ ولد ماشاءالله خصوصا 3.5 ممتازه جدا وخفيف جدا بس الصرفية شوي والنقص هذا الي يعيبه...

[ذيب الحرار]

الله يرزقك

[259]

نعم انصحك وخصوصاا الجديد 2006 فمافوق

[السااااااامر]

بالتوفيق للجميع

[النداوي712]

خذ تيوتا وريح راسك

[فارس الشعراء]

الله لا يهينكم جميعا ..

وانا دخل مزاجي الشروكي .. وبدور لي واحدن نظيف ان شالله .. ارخص قطع غيار ..

لاهنتو ..

[صقار الخرج1]

اخوي انا كان معي واحد 2003والله ان بغيت عزم عطاك وخفيف وكل الباثفندرات فيها حراره شوي ترتفع الحراره شوي

[عاشق الرفاليو]

اذا انت تبغا تشتري باث م 2001 و 2002 لاتشيل هم للمكينه موتر مكده وقليل يطلب توظيب لكن من م 2003 الي 2005 كثير يشتكي من تخبيط المكينه والتوظيب مكلف للغايه وفيه ناس ماشي معهم تمام

[ديوان العرب]

اذا انت تبغا تشتري باث م 2001 و 2002 لاتشيل هم للمكينه موتر مكده وقليل يطلب توظيب لكن من م 2003 الي 2005 كثير يشتكي من تخبيط المكينه والتوظيب مكلف للغايه وفيه ناس ماشي معهم تمامكلام سليم انا معي الفين واحد ممتاز جدأوهي توافيق بس النضيف يبين لاتشتري موتردردعه وتبيه يعطيك