من يفيدني له مني الدعاء

[ابوزياد99]

ياخوان : السلام عليكم ورحمة الله وبركاته
تحيه لكم " من ممكن يفيدني اريد جهاز قارمن ابيه للمدن والخليج والمدن المجاوره لكن محتار من امور 1- هل اشتري جهاز جوال واحمل فيه قارمن ويفي بالغرض وماتنصحوني به 2-هل اركب شاشه في الجيب وش افضل الشاشات ووين الاقيها بثقه 3- هل اجد قارمن مستعمل وماتنصحوني به مشكووووووووووووووورين ورحم الله والديكم جميع . ولو افادني لو برسالة جوال او يعطيني رنه ونا اكلمه مستعد 0544483483 (بعد اذن الإدارة )

[dam11]

السلام عليكم ورحمة الله

اخي الكريم

اولا انا انصحك ان تشتري الشيء اللي انت تبيه وترغبه ولكن انا شخصيا انصحك بانك تشتري جهاز جي بي اس ويكون نوفي من النوعيات الجيده للاسباب التاليه

1- الجوال ممكن يفي بالغرض ولكن احرفه صغيره وبيأذيك بالاتصال وسعته محدوده وغيره
2- شاشه للسياره جيده ايضا ولكن مشكلتها انه حرام تغير مسجل السياره على شان تركب شاشة جي بي اس ولا تستطيع انك تركب في الشاشات خرائط الصحراء والبراري الا بصعوبه ووجع راس ولو بعت السياره فقدت الشاشه
3- جهاز الجي بي اس تستطيع تغيير الخرائط وتحديثها متى ما نزل تحديث لها وتقدر تاخذه معاك لاي سياره وشاشته جيده وكبيره وتستطيع ان تركب فيه خرائط لكل دول العالم واسعاره ليست غاليه لذلك انا انصحك انك تاخذ احد نوعيات النوفي الجيده وفيه عربي ولك حرية الاختيار والله انا عندي اثنين مو واحد بعد

[ابوزياد99]

dam11 مااقول الا رحم الله والديك رايك طيب ومن وجه طيب جزاك الله خير . بودي سؤال بسيط لو تكرمت وين اخذ النوفي منه هل من وكيل قارمن ولا وين وهل اهو صيني ؟ ومشكور على ردك

[dam11]

dam11 مااقول الا رحم الله والديك رايك طيب ومن وجه طيب جزاك الله خير . بودي سؤال بسيط لو تكرمت وين اخذ النوفي منه هل من وكيل قارمن ولا وين وهل اهو صيني ؟ ومشكور على ردك



اخي الكريم


هناك عدة خيارات


فمن الممكن ان تشتري الجهاز من وكيله في المملكه وهو دار موجه ولا انصحك بشراء خرائط من قبلهم لانهم غالين ولكن خذ الخريطه اللي تجي مع الجهاز والباقي موجود في النت الاخوان ما يقصرون


الخيار الثاني شراء الجهاز من احد الاخوان في هذا المنتدى او منتديات مجاوره ولهم عدة اعلانات وتلفوناتهم موجوده ويمكنك التواصل معهم وعندهم عروض واسعارهم افضل من سعر الوكيل ولكن يبي لك تبحث عن العروض فهي مختلفه وهم يجهزون لك الجهاز بالخرائط اللي تبي ويوصلونه لك باي مكان في المملكه


الخيار الثالث انك تشتري الجهاز من احد مواقع الانترنت المهم يكون الموقع ثقه مثل امازون وخلافه وهذولا اسعارهم الافضل والخرائط موجوده بكل ركن في النت يعني خذ الجهاز فقط دون خرائط



فيه ناس يقولون اخذ من الوكيل على شان الضمان مع احترامي ما عندهم سالفه لان الضمان سنه وانا عند اجهزه لها خمس سنوات واكثر ما فيها الا العافيه

والنوفي بشكل عام نوع من انواع الجي بي اس من شركة قارمن وهي شركه امريكيه ولكن هناك بعض الاجهزه اللتي تصنع بالصين وهذا تعرفه اذا فتحت الجهاز يعطيك كتابه صينه ثم بعد ذلك يقلب على اللغه اللي انت مختارها بس ترا ما فيها شي وتؤدي نفس الغرض