المساعد الشخصي الرقمي

مشاهدة النسخة كاملة : الرجاء المساعده يا اهل القصيم


علي 3
28/05/2005, 08:16 AM
أنا من سكان الرياض وأنوي زيارة منطقة القصيم هذا الاسبوع بإذن الله ـ
هذه ستكون أول زياره أقوم بها لمنطقة القصيم ـ الغرض من الزياره هو الاستمتاع بما ثثميز به المنطقه من مراكز لتجهيز السيارات و محلات أدوات الرحلات ـ
أتمنى وأثعشم فيكم خيرا أن تدلوني و ترشدوني على مواقع هذه المراكز والمحلات وكيفية الوصول لها ـ
ولكم مني خالص الشكر ــــ
علي 3
28/05/2005, 03:01 PM
اين انتم يا اهل القصيم?
تكفون.......................
ابو درع
28/05/2005, 03:09 PM
حياك الله عزيز وغالي ..

انصحك تروح للسنيدي وهاك هو ارفع اعيونك شوي وحط السهم ودق عليه .


وستجد ما في بالك انشاء الله ...
نهر العطاء
28/05/2005, 11:48 PM
الرجال ما تبين الا بالشدايد
ولا الردود والمواضيع والاخذ والرد بالمنتدى ما نبيه
((رساله لمن يهمه الامر))
hadad
29/05/2005, 12:08 AM
حياك الله يالغالي البيت بيتك وحنا برسم الخدمه وراسلني على الخاص كي نتفق على موعد وبعدها يحلها ربك ان شاء الله
مهراس
29/05/2005, 06:03 AM
السلام عليكم:
الأخ علي3 شوف موضوع "مسافر الى بريده" في خيمة الرحلات والأثار الصفحه الثانيه سوف تجد ماينفعك ان شاء الله.
تحياتي.........
علي 3
29/05/2005, 08:33 AM
ابو درع، نهر العطاء، مهراس،hadad
اشكركم على الرد وجعلها الله في موازين حسناتكم ـ
الخلوه
29/05/2005, 08:56 AM
ياهلا ومسهلا هذي والله الساعة المباركه يوم تسير علينا

امر تدلل الي تبي يكون عندك وياصلك في محلك وهذي الدعوه عامه لكل المكشاتيين

إالاإذا تبي تشوف القصيم هذي شي ثاني حياك الله

متى ناوي تاصلنا --علمنا --- وترك الباقي لنا
علي 3
29/05/2005, 01:01 PM
شكرا أخوي الخلوه

ناوي انشاء الله خلال الأيام القادمه ـ

ماتقصر وهذا من طيبك وحسن تعاملك ـ

ودي أشوف القصيم وأستمتع بالمراكز ومحلات أدواث الصيد و التجهيز المتوفره بالمنطقه ـ
أبوأحمد98
29/05/2005, 01:22 PM
أولا حياك الله أخوي (علي 3) عضوا جديد في هذا المنتدى ...

اما بالنسبه لرحلاتك باذن الله للقصيم اولا أقول حياك الله بين اهلك وجماعك وباذن الله سوف تقضي اوقات سعيدة في ربوع القصيم ....

بريدة ..لا تنسى ان تزور سوق الجردة (السوق القديم لمدينة بريدة) في هذا السوق ستعود الى الماضي العريق لهذه المدينة ...بالنسبة لمحلات الرحلات ..لاتنسى زيارة ((السنيدي لرحلات فهو أشهر من نار على علم )) ..ومن محلات الرحلات الاخراء في بريدة ((عروق الشمال على طريق الامير عبدالله بعد الشرطة عند الدوار )) وهناك محلات لرحلات كثيرة في بريدة ..مثل المطرودي ..وغنام ..وغيرها الكثير في كل شارع سوف تجد محل لرحلات ...بالنسبه لورش تجهيز السيارات ...لا أعرف عنها الكثير ولكن ..هناك ورشة الثويني لتجهيز السيارات مثل توانك الماء ..وغيرها موقع ورشة الثويني اتوقع والله اعلم في الصناعية الجنوبية ببريدة ..
هذا الي عندي واسف على الاطاله ...

وأي سؤال ترانا بالخدمه :)
الموقر 1
30/05/2005, 12:32 AM
أخوي علي 3 ........... المبيت عندي ( قل تم ) أنا في عنيزة . راسلني على الخاص بأسرع وقت ووالله إنني افتخر بالتعرف على جميع أعضاء مكشات وخدمتهم .
الخلوه
30/05/2005, 01:36 AM
الله يحييك عندنا تراك في بيتك الثاني
لكن حدد في اي يوم ناوي تأتي
ودك تفرج ترانا في الخدمه ودك تتسوق ترانا في الخدمه الي ودك تشوفه إن شاء الله تشوفه

لكن ماعلمتنا متى ناوي تجي