وبعدين اخرتها مع التصاريح

[raied_qamar]

السلام عليكم يا شباب كنت راجع فجر الجمعه من رحلة للجنوب وقفوني في نقطة التفتيش وناحلوني على الجهاز وفك الجهاز وممنوع ومدري ايش المهم وبعد قلة حيا خلوني اروح المهم اني رجعت البيت وفكت الجهاز بس ما اعرف متي الاختبار وكيف وايش الشروط وسمعت انو صعب يريت احد يعطيني تفاصيل عن الموضوع ورد يكون شافي كافي ؟؟؟

[Abu-Nawaf]

يا raied_qamar الرخصة شبة مستحيلة وان حصلت ما تستفيد منها
والسبب:-
1- اختبار صعب جدا واسئلة مدري كيف
2- يبي لك تسدد رسوم
3- يبي لك تنتظر موعد التقديم وتقدم ويمكن تنجح ويمكن ترسب وتعيد كل هذا
4- اذا قدر الله ونجحت يبي تنتظر تحصل على الشهادة
5- واذا الله اعطك عمر بعد هذا وحصلت الشهادة لازم تشتري اجهزة من برا ويعطونك تصريح عليها لان لهم نسبة في كل جهاز ( ولا يصرحون لك الاجهزة المشتراة نت داخل المملكة )
6- بعد كل هذا وش يفهم العسكري الرخصة واذا فهم بيستهبل عليك علشان يطفشك

الخلاصة :- بتصرف اموال طائلة وتتعب نفسك للمذاكرة واداء اختبارات الين تنجح وبتنتظر الشهادة فترة لين تحصل عليها وبتظطر تشتري اجهزة رديئة وموديلات قديمة باسعار عالية جدا واخرتها العسكري بيصادر الجهاز او بيعطلك عند كل نقطة تفتيش وما تقدر تبيعها او تبدلها لانها مرخصة بأسمك واي ااستخدام لها تحت مسئوليتك .. وبتضطر تخبية عند كل نفطة وكانك يا ابو زيد ما غزيت

نصيحة : خلك على الاجهزة الموجودة حديثة و اسعارها معقولة وتقدر تغيرها او تصلحها او تبدلها متى ما نزل احدث منها او اتبيعها متى ما زهقت منها او انتهت حاجتها

ولمزيد من المعلومات : امتحان طلب رخصة هل يختار نموذج رخصة هواة لاسلكي أو رخصة محطة؟ (http://www.mekshat.com/vb/showthread.php?t=307081)

[استيشن الرياض]

فعلا هذا هو الواقع للاسف الشديد وازيدك من الشعر بيت فوق هذا كله لاتعبت ودفعت اموال وشريت الجهاز وجتك الرخصه تجي تمارس الهواية يدخل عليك شخص مو مرخص يسبك ويشتمك ويتلفظ عليك ويرفع ضغطك ويخلي الهواية تصبح قلق وطفش مما يظطرك في النهاية تلعن اليوم الى دخلت فيه هالهواية وضيعت وقتك فيها هذا الواقع ملموس ونشوفه كل يوم اضف الى ذلك ان لكل زمان وقته فهذه الاجهزة كانت تستخدم كوسيلة اتصال عندما كانت ثورة الاتصالات لم تتطور بعد اما الان فاصبح استخدام الاجهزة ماله اي فايدة فالكمبيوتر يستطيع ان يؤدي وسيلة الاتصال مكتوبه ومسموعه ومرئية واجهزة الجوال اصبحت وسيلة اتصال فعاله ايضا مقروءة ومسموعه ومرئيه وبها الرسائل الوسائط وتقوم بها بالاتصال بالاف الكيلو مترات وباي مكان وباي بقعه على وجه الارض لااريل ولا دايركشن ولا خرابيط خذ جوالك وادهر مع العالم لاتصريح ولا هم يحزنون وترا الى لازالوا يدافعون عن اجهزة الكنود مع وجود الجوالات والكمبيوتر يغالطون انفسهم مثل الى يدافع عن السيارات القديمه امثال الكرسيدا والجمس ابو عبارتين والكابرس التسعاوي وش عاد ينفعون مع الكورلا الى صارت سرعتها 240 ومع السيارات الحديثه فاحسن للواحد يقتنع بواقعه ويواكب العصر ويمشي مع العالم بدل مايجلس بروحه في دائرة مغلقه هذا رايي الشخصي فانا كنت املك الكثير من الاجهزة بمختلف الانواع وفي لحضة تامل وقناعه تخلصت منها كلها وارتحت من وجع الراس خلاص انقرضت هالاجهزة وصارت من الماضي الدفين ولعلمك ترا بعض الشركات كانت ناوية تستخدم اجهزة الكنود لشركاتها وموظفيها ويوم عرفت برسوم التصريح وتاجير النطاق الترددي ريحت بالها واشتركت بالخدمات المتطورة مثل برافو وغيرها مسافات بعيده واجهزة صغيرة وصوت واضح وامان اكثر ومشفره مثل الجوال وبرسوم بسيطه افضل من رسوم استئجار نطاق ترددي وفعلا اصحاب العقول في راحه والى يطرد بالفايت نقصان بالعقل واشكر لكم متابعتكم جميعا]

[ذيب الحرار]

فدوك الاخوان

[raied_qamar]

يا شباب انا اتكلم عن استخدام الاجهزة في البر والرحلات انا راعي رحلات برية انا و اخوية لي ونحتاج الاجهزة ونستخدمها بس معقول ما راح استفيد من الترخيص عموما لا حول ولا قوة الا بالله

[Abu-Nawaf]

يا raied_qamar اذا بتستخدام الاجهزة في البر والرحلات مالها داعي الرخصة .... فانا استخدم الجهاز اما في البيت ثابت او في الرحلاث .... وفي الرحلات احطة مع الاغراض واذ ا خرجنا من الطريق ركبتة واذا رجعنا قبل ما نصل او نقطة تفتيش اشيلة واحطة في الشنطة مع الاغراض

ولا ترخيص ولا اختبار واي وقت اصلح الجهاز او ابدلة او ابيعة