كورس حذف الريش

[غريم]

صبحكم بالخير اعضاء ومشرفين انا عندي استفسار عن كورس حذف الريش هل له اثارعلى الطير افيدونا يلي جربتوه في طيوركم والله لايهينكم.

[علي الهاملي]

السلام عليكم ورحمة الله وبركاته
اخوي غريم اكيد الكورس له تاثير على الطير يعني لا عطيت كورس لازم تعطي الطير فيتامينات واملااح بعد مايحذف الريش ويطلع الريش الجديد واذا ماعطيت الفيتامينات والاملاح وزيت السمك بيطلع ريش الطير كنه محروق بنار يعني تشوف الريش بالي تقول كنه ياينه شمس على لون الريش وتكون ريشة اطير خفيفه اي شي يكسرها يعني لحول معا الخرب بالارض كسر من ريشه
وهذا من تجربتي..... تقبل مروري وردي

[bu 30o0f]

السلام عليكم اخوي غريم ...

على حسب ... مو عارف نوع الكورس الى تستعمله انت,
بس انه استخدمت بودر لحذف الريش بلعكس أحسن مما يكــون,
يحتوي من فيتامينات لتقويه الطير او تجيك ريشته قويه,
من ناحية التأثير ماشوف اي تاثير من بودر حذف الريش لانه كل تركيباته يحتوي,
على فيتامينات او هل شي ينفع او مايضر الطير .
يعطيك العافيه.

http://www.mekshat.com/vb/77

[غريم]

الله لايهينكم ويطول عماركم على التعليمات الطيبه اخوي علي الهاملي وbu30o0f واشكركم.

[بو غازي]

السلام عليكم ورحمه الله وبركاته
اخوي اهم شي انك تعطيه الكورس على عده يعني لايكون الطير نازل
وانصحك بكورس فارس الحبوب الخضر الصغار ولامنه خلص الكورس
عطه مضاد حيوي بعدها باسبوع
بعدين فيتامينات والاخوان ماقصروا
:)

[سعود السهلي]

الله لايهينكم


زين ابي اعرف اسم البودر او الحبوب وشلون استعمالها اذا ممكن يا اهل الخبره وهل هي تأثر على طيار الطير اولا


ولاهنتو على الموضوع

[ابوناصر السهلي]

نصيحت اخو لخوه لا تقرب الكورس حذف الريش عشان ماتلحق نفسك حسوفه

[سعود السهلي]

افا ليش يالمهذري يضر الطير

[بو غازي]

الله لايهينكم


زين ابي اعرف اسم البودر او الحبوب وشلون استعمالها اذا ممكن يا اهل الخبره وهل هي تأثر على طيار الطير اولا


ولاهنتو على الموضوع

ولاتهون اخوي سعود
الحبوب معروفه حقت فارس
خضر صغيرات
عيادة فارس بالدمام سابقا لكن الان اغلقت واذا بغيتها تحصل هالحبوب عند المانع ابو عمر
راعي المحل الي بالاحساء طريق خط قطر دوار الغويبة
وطريقتها مكتوبة على الكيس حقها
والطريقة هي
اول يوم حبه
ثاني يوم حبتين
ثالث يوم ثلاث حبات
رابع يوم اربع حبات
خامس يوم خمس حبات
سادس يوم خمس حبات
سابع يوم اربع حبات
ثامن يوم ثلاث حبات
تاسع يوم حبتين
عاشر يوم حبه
هذي الطريقة الي مكتوبة عليها لمدة 10 ايام
وفي طريقة ثانية تستخدم
عند اغلب اهل المقيضات
والطريقة هي: كل يوم 3حبات لمدة 10 ايام
وانت على كيفك شف الي يصلح لك
اما بالنسبة للحبوب فهي مجربة وهي طيبة وماخبرت طير تاثر منها باذن الله ولايتغير عليك طيار الطير
واغلب هل الشيايهن عندنا بالشرقية يستخدمونها
اما البودر اعرف ناس كثير استخدموه لكن له عوارض سلبية تؤدي لموت الطير احياانا والعلم عند الله
:)

[سعود السهلي]

الله لايهينك يابو غازي وبيض الله وجهك

[فيصل السهلي.]

الكورس ماوراه فود يسبب ضعف في الريش والتهب في الرئه والكيس الهوائه بودره اوحبوب وشكرا

[طير الهقاوي]

خير الكلام ماقل ودل
شي ليس طبيعي
اكيد بتكون له اثااار
تقبل مروري

[بو غازي]

اكيد كل حاجة لها اثار يااخوان وهو ماهو مجبور يعطي كورس حتى بعض العلف له اثار سلبية لكن لاصار مجبور وش الحيلة عموما الله يكتب لك الخيره في امرك :)
واحد من الربع عنده قرناس شاهين سنويا يعطيها حبوب ولا اثرت عليها واحد ثاني عنده حر يتاخر في الحذف له اربع سنوات يعطيه حبوب ولازال الطير موجود وكم وكم غيره
اما البودر جربوه ولانفع بالعكس موتت طيور هذي وجهة نظر واخواني لهم وجهة نظر وكلن بكيفه وانت بكيفك وترى مالي مصلحة بالموضوع مجرد راي :)

[سعود السهلي]

صحيح انا مافكرت بالبودر او الحبوب إلى وانا مجبور


ولاهنتو على كل حال

[مساعد بن منير]

مرحبا
يابولافي
لاتحاتي الطير انشاءالله بصفي

[سعود السهلي]

الله يسمع منك يابو مشعل

ولاهنت يالامير

[نايف العويمرى]

تسلمون على الموضوع

[راعي لادن]

مرحبا موضوع جميل الله يعطيك العافيه

[صقار الشياهين]

أنا حاليا مجرب خلطه بودر على شاهين والحمدالله ماشوف أي أثار جانبية على الشاهين وهي حاليا عليها أربع بربع