نـــــــبـــي شـــــــــــــوركم لراعـــــــــــــــي الــــــــجـــيب ال gxr

[العديم2009]

بسم الله الرحمن الرحيم
السلام عليكم ورحمة الله وبركاته


اخواني الكرام حبيت استشيركم قبل اسوي شي بسيارتي واوديها للتصليح
عندي جيب لاند كروزر 2004 gxr وفيه قربعه تحت انا اقول
يمكن جلد او مساعدات اويايات او مقصات
بس انا ودي تعطوني رايكم وش ممكن يكون هالصوت والقربعه ولا يطلع الا اذا نزلت من الازفلت على ارض خشنه
ياليت تفيدوني بارك الله فيك
اسمع ردودكم وشوركم :good2:
والشكر مقدم لك مني قبل كل شي :)

[مخاوي الليل1]

السلام عليكم

انا اقول والله اعلم يمكن المقصات اذا نزلت مع بطناج تطلع صوت البطناج (مطبات )

والله يوفقك وتحصل الحل المناسب الموتر

وعليك بعضيب الى على طريق الملك عبدالعزير مخرج 5 فيها فلبيني 100%

[ساري 111]

اخوي اذا تقدر تنزل تحت الموتر وتلمس بيدك يمكن شي منفك

الأسبوع اللي فات واحد من العيال معه فور شنر فيه قربعه اذا دخل النفود

وبالنهايه حصلناه صاجه البلاستيك اللي تحت التانكي ماثبتت صح ثبتناه واختفت القربعه


وانت حاول تمشي ببطناج وانت على سرعه خفيفه وحاول تحدد القربعه ورى او قدام

احتمال يكون كرسي بدي او كنداسه .. الخ
واحتمال يكون رمان الهوبات يحتاج شد اذا انت كد فكيتهن عند احد ولاضبط تركيبهن

[السد الغزير]

اضرب الصدام بيدك .

حرك بعض الاشياء اللي تقدر تحركها في يدك من تحت وحاول تحدد الخلل بنفسك

ارفع الموتر بالعفريتة بحيث ان الكفر يرتفع من الارض .. وطق الكفر برجلك وخل احد يشوف معك .

لا تيأس

[ولد وايل..]

أن كانك تبي ترح للشرقية الدمام أو الجبيل...

عند ورش في القطيف يربطون لك الموتر بالكامل صاموله صاموله...

ويقول لك وش سبب القربعهأما جلد أو خلل مكانيكي...

وتاكد أنك ما تطلع من عنده الا الصوت رايح يرجع الموتر وكالللله بدون اي صوت...

اما تغيير او شد
او يدبل ربلات يعني اهم شي صوت نووووووووو


الله يوفقنا وياك ويكت بك الخير...

[العديم2009]

السلام عليكم

انا اقول والله اعلم يمكن المقصات اذا نزلت مع بطناج تطلع صوت البطناج (مطبات )

والله يوفقك وتحصل الحل المناسب الموتر

وعليك بعضيب الى على طريق الملك عبدالعزير مخرج 5 فيها فلبيني 100%


مراحب اخي العزيز مخاوي الليل
وانا اشاركك التوقع واعتقد ان المقصات لها دور يمكن
واعتقد ان الموتر يحتاج لاشياء اخرى غيرها
شرفني مشورتك ورايك ومرروك الكريم

[العديم2009]

اخوي اذا تقدر تنزل تحت الموتر وتلمس بيدك يمكن شي منفك

الأسبوع اللي فات واحد من العيال معه فور شنر فيه قربعه اذا دخل النفود

وبالنهايه حصلناه صاجه البلاستيك اللي تحت التانكي ماثبتت صح ثبتناه واختفت القربعه


وانت حاول تمشي ببطناج وانت على سرعه خفيفه وحاول تحدد القربعه ورى او قدام

احتمال يكون كرسي بدي او كنداسه .. الخ
واحتمال يكون رمان الهوبات يحتاج شد اذا انت كد فكيتهن عند احد ولاضبط تركيبهن


والله ياخوي ساري
ان اتوقع ان مب شي لحاله منفك اتوقع مجموع اشياء لكن عندي مايطلع الصوت بالنفود يطلع بالبطناج والارض الخشنه
وزي ماقلت اخوي ساري الرمان يمكن يكون لكن مهوب لحاله
لان الصوت يوحي ان الموتر يبي له تربيط مع تغيير بعض القطع مثل الجلد والمقصات والاذرعه والمساعدات
بارك الله فيك اخي ساري على ملاحضتك ورايك
وشرفني مرورك

[العديم2009]

اضرب الصدام بيدك .

حرك بعض الاشياء اللي تقدر تحركها في يدك من تحت وحاول تحدد الخلل بنفسك

ارفع الموتر بالعفريتة بحيث ان الكفر يرتفع من الارض .. وطق الكفر برجلك وخل احد يشوف معك .

لا تيأس



هلا ااخي السد الغزير
والله ونا اخوك اليد والرجل ماهيب موضحه شي لي لان الموتر كبير لكن الرفع بورشه اكيد بيوضح شي
وانا وانا اخوك مايأست لكن مابي ادخله ورشه ويجلسون
يتوقعون وش اللي فيه وكل شوي مغيرين شي زين مافيه خراب لان بعض الورشات يتوقعون بس ويقولك غيرهذا وغير هذا وهو يتوقع
بارك الله فيك اخي السد الغزير شرفني مرورك
واشكرك على اضافتك

[العديم2009]

أن كانك تبي ترح للشرقية الدمام أو الجبيل...

عند ورش في القطيف يربطون لك الموتر بالكامل صاموله صاموله...

ويقول لك وش سبب القربعهأما جلد أو خلل مكانيكي...

وتاكد أنك ما تطلع من عنده الا الصوت رايح يرجع الموتر وكالللله بدون اي صوت...

اما تغيير او شد
او يدبل ربلات يعني اهم شي صوت نووووووووو


الله يوفقنا وياك ويكت بك الخير...


هلا اخي ولد وايل ونعم فيكم
والله ياخوي كلامك حلوو انا ودي اروح ورشه مااطلع من عندهم الا الموتر مضبوط
ولا يهم تكلفة الشغل وانا اعتقد ان الموتر يبي له تربيط اكثر من اي شي اخر
لان القربعه تحسسك ان كفراته مليانه هواء تقول كفراته فيها الظغط 100
يعني قربعه مع كل جهه الظاهر تربيط هو اهم شي
لكن لو وصفت لي ورشه هناك بالتحديد يكون افضل لانه اذا كان شغلهم
عدل ومضمون بروح ولاتهم المسافه
بارك الله فيك اخي العزيز ولد وايل
اشكرك على المشوره

[ولد وايل..]

لك رساله على الخاص

[سفاري959]

صوره مع التحيه للمتعصبين اللي يقولون التايوتا ما يقربع ولا يحتاج تربيط شف وانا اخوك تأكد من المساعدات صارت لواحد من الشباب وراح لورشه حصلوا المساعدات محلوله ربطوها وزبط الله يوفقك

[سهم قيادي]

السلام عليكم
صارحت عندي مره قربعه تحت السيارة ضيقت صدري واروح لم مكانيك ويتسمع ويجيب السيارة تحت الحفرة
وصارت حصاة كبر اصبع الابهام ناشبه ما بين صاجه حماية القير والقير تضرب في الصاجه والقير وازلها ورح الصوت ولله الحمد