مشكلة في اذرعة باترول 90

[ابويارا1001]

السلام عليكم


هالمرة جايب لكم باترول 90


المشكلة بختصار اني وزنت الاذرعة قبل 6 شهور وكان عندي فضاوة بالذراع الطويل اللي يركب عليه مساعد الدركسون
اخذه الباكستاني وداه المخرطة وكبسوه
صارت الطاره عندي ثقيله وما ترجع بعد ما تلف طارة لازم ترجعها بنفسك او تبتل على اللفة إلى اقرب رصيف :p



انا قبل هالمرة كبست الذراع ولا صارت عندي المشكلة


قال لي راعي الميزان كم يوم وترجع الامور طبيعية ورجعت له بعد 3 شهور حرك الذراع ببو جلمبو ولا تغير شي


وش الحل يا جماعة الخير :(



هل اغير الذراع الطويل وعساه ماهو غالي



خبرتكم يا راعين قاهر الصحراء

[عشقي الباترول]

اشور عيك تغير اضمن لنفسك

وترى سعرة من 350 وحولهاانا مغيرها قبل شهرين او اكثر باترول 95

[خالد الزومان]

صحيح كلام اخوي عاشق لبترول غيره وترك شغل البكستاني عنك

[هويدي]

لايصير تعبث بالدوده او شد عليه ؟

نصيحه مر كم واحد قبل فتره درت اشهر محلات الوزن بالصناعيه القديمه
وكلهم تقل متفقين ربله مقص وكبس ذراع

المشكله كانت لا لفيت ترقل الطاره اكتشفت الخلل بعد ما نقيت 900 ريال بالفاضي حسبي الله عليهم المشكله صارت من ربلات المساعدات فقط

[ابويارا1001]

ما قصرتوا يا جماعة الخير

انا ما عندي مشكلة بالرجة

مشكلتي ان الطارة تعلق او صايرة ثقيلة ما ترجع


والدودة ما احد لمسها اللي سووه كبس فقط


وابتلشت :D

[د ك م 586]

الكبس هو دمار الاذرعه وجميع مفاصل السيارة
عندك ناس بهالموازين انواع اللعب
اذا بتكبس ولا بد لازم يكون الكبس في السنتر ويكون خفيف مهوب مثل ماسوو لي ميزان ال .... كبسها كبسه الله لايوريك الذراع صار صلب والمشكله اني مادريت انها السبب لاني استبعدت ان الميزان المرموق يسوي كذا وكل يوم بورشه واللي يقول الدودة واللي يقول مساعد دركسون وجلسة 4 اشهر على هالحالة وبالاخير دققت بالاذرعة والقاها مطعجات ومصلبه وارجع واتهاوش معهم وزينو الموتر على حسابهم
النصيحه ارجع للميزان وخله يتحمل التصليح حتى لو غير الذراع على حسابه

[ابويارا1001]

الكبس هو دمار الاذرعه وجميع مفاصل السيارة
عندك ناس بهالموازين انواع اللعب
اذا بتكبس ولا بد لازم يكون الكبس في السنتر ويكون خفيف مهوب مثل ماسوو لي ميزان ال .... كبسها كبسه الله لايوريك الذراع صار صلب والمشكله اني مادريت انها السبب لاني استبعدت ان الميزان المرموق يسوي كذا وكل يوم بورشه واللي يقول الدودة واللي يقول مساعد دركسون وجلسة 4 اشهر على هالحالة وبالاخير دققت بالاذرعة والقاها مطعجات ومصلبه وارجع واتهاوش معهم وزينو الموتر على حسابهم
النصيحه ارجع للميزان وخله يتحمل التصليح حتى لو غير الذراع على حسابه




بكره بذن الله برجع له



الف شكرا


وجزاك الله خير

[البدايه]

شحم الموتر وامش عليه اسبوع

ان ما خفت الطارة ارجع للميزآن

[ابويارا1001]

شحم الموتر وامش عليه اسبوع

ان ما خفت الطارة ارجع للميزآن



المشكلة ان الشحم يطلع مع الربلات مقطعة



دورت الربلات ما لقيتها

[ابويارا1001]

يا جماعة الخير


فكيت مساعد الدركسون وصارت الطارة اخف شوي


احس من قبل


بس ما زال فيه ثقل بسيط


هل فيه اي مشكله امشي بالسيارة بدون مساعد الدركسون



جربت الموتر البارح ما فيه رجه


بس خايف الرجة تجي فجأة


الموتر ما عليه بوالين كفراته شد بلد

[ابويارا1001]

يا جماعة الخير




فكيت مساعد الدركسون وصارت الطارة اخف شوي


احس من قبل


بس ما زال فيه ثقل بسيط


هل فيه اي مشكله امشي بالسيارة بدون مساعد الدركسون



جربت الموتر البارح ما فيه رجه


بس خايف الرجة تجي فجأة



الموتر ما عليه بوالين كفراته شد بلد






محد حولي ؟؟



وين اهل الباترول :D