اتمنى منكم الاجابه على اسالتي اخواني ..

[مستر غربال]

اخواني مفكر اشري لي جرو ياذيخ او سلقه

من يعرف لي ابو ثلاث او اربع شهور كم يسوى

وين القى الي يبيعهم انا بحفر الباطن

والسؤال الثاني اذا كان شري وهو صغير كيف اخليه يهدأ ويكون عادي وموالف زي السلق الثانيه

وياهو احسن بالصيد الذيـخ ولا السلقه ؟


ولاهنتوا اخواني

واتمنى اني ما ازعجتكم .

هذا رقم جوالي بعد اذن اخواني المشرفيـن 0530197772


اخوكم حاتم الشمري

[ذيب الحرار]

يفيدونك الاخوان

[عاشق الكمب]

يفيدونك الشباب

[راصد بيئي]

اخوي الكريم

حياك الله

بالنسبة لأجوبة أسألتك

اولا : بحفر الباطن مااعرف احد يبيع سلق اما بالرياض تحصل بسوق العزيزية واجد لاكن اغلبها تحت المستوى المطلوب

ثانيا : ماتقدر تحكم من أفضل الذيخ او السلقه قد تكون السلقة افضل وقد يكون الذيخ افضل
الذيخ: يقنص لك بشكل مستمر وجريئ اكثر من السلقة لاكن عبيط وعنيد
السلقة : يتوقف القنص بها وقت الجعال والحمل والرضاعه ولازم ترجع تعطيها لياقه بعد الولاده لاكنها تفيدك من ناحية الصيد والانتاج.

ثالثا : تعود الجرو عليك احجره بشبك وجوعه وادخل عليه وناده بصوت لطيف ومد له الاكل بيدك وحكك على راسه ولاعبه ومع كم يوم يصير متعود عليك

رابعا : اسعار السلق: ياخوي شوف لكل مكان ومنطقه وسلالة سعرها ولكن عيال الحمايل الي عندهم السلالات الي عليها الكلام مايبيعون السلق ويستحون من بيعها لانه عيييييييب لاكن فيه اخوان بسوريا يبيعون واسعارهم خيالية وفيه سوق الحمام فيه سلق واسعارها جدا رخيصه ( والرخيص مخيس )

وماانصحك تشتري شوف راعين السلق واصبر والله بيرزقك ان شاء الله

[رفيق الأمل]

والله حتى انا اشارك الاخ الفاضل راصد بيئي في كل حرف كتبها جزاه الله كل الخير

[كمبو]

والله اخوي راصد قالها قبلي

لكن انا بقول لك معلومة
هل تعلم ان بيع الكلاب حرااااام مو معيب

لكن شوف لك اي احد من الي تعرفهم وان شاء الله بتلقى الي يعطيك

[مستر غربال]

الله يجزاكم كل خيــر اخوانـي ..


اخوي راصد بيـض الله وجهك بكل حرفن قلته

وطبعا انا لو ابي ارخيص موجود وبكثره لاكن المواري ماتشجع

اخوي كمبو والله الذي لا اله الا هو لم اعلم ان بيع الكلاب حرام الا اليوم

الله يجزاك عني الف خيــر ..

[ادهم الطحاوى]

افادوك الاخوان

[الفوار2008]

والله اخوي راصد قالها قبلي

لكن انا بقول لك معلومة
هل تعلم ان بيع الكلاب حرااااام مو معيب

لكن شوف لك اي احد من الي تعرفهم وان شاء الله بتلقى الي يعطيك


قرب احب راسك اخوي كمبو

يا اخي العزيز

شرا السلوقي حرام الا ان كنت مضطر
ونت منت مضطر وشكلك تبي تشريه وناسه وسعة صدر
احفظ لك جزئين احسن من انك تطاير ورا شي مامنه مصلوح
انا راعي سلق وافتخر لني اقنيها لجل صيد
وبالنسبه لشلون تخليه هادي وتدربه صح
هاذي مايبيلها كتالوج
لكن ونا اخوك مانيب حامل ذنبك
السلق ماتصلح لك
وسلامتكم

[ابوحمد 2009]

ان شااء الله افادووك الاخوان

[عاشق الكمب]

الله يرزقك بسلوقي طيب

[الذود العفر]

قرب احب راسك اخوي كمبو

يا اخي العزيز

شرا السلوقي حرام الا ان كنت مضطر
ونت منت مضطر وشكلك تبي تشريه وناسه وسعة صدر
احفظ لك جزئين احسن من انك تطاير ورا شي مامنه مصلوح
انا راعي سلق وافتخر لني اقنيها لجل صيد
وبالنسبه لشلون تخليه هادي وتدربه صح
هاذي مايبيلها كتالوج
لكن ونا اخوك مانيب حامل ذنبك
السلق ماتصلح لك
وسلامتكم

والله أنك طحت من عيني يالفوار ,,

ليه ماتصلح له السلق تعرف الرجال يوم تقول هالكلام ,,

وأنت بعد لو حافظن لك جزئين بدال مانت جالس على هالنت بخيمة الصيد بالسلق أوفق لك ,,

لكن وسع صدرك وأنا أخوك وترا هالمنتدى مفتوح للأستفسارات وللأستفاده من راعين الخبره

وشكلك يوم ترد ضايق صدرك ,, أدري ولا أنت رجالن طيب ..

وكل واحد يعرف نفسه أذا ماتصلح له الهوايه يدخل به وأذا ماجازت له يجنبه ,,

وبالنسبه لأستفساراتك يالغالي الأخ راصد بيئي ماعليه تعدي كفى ووفى ومثل ماقلوا لك الشباب

أنتبه من شراء السلق وحتى المعروض للبيع خايس ومايستاهل تعبه دور من هالأصايل اللي

تطيب خاطرك وتنومسك بالمقانيص وتدريبه أنشالله أني أفتدك ,,

[مستر غربال]

بيض الله وجيهكم اخواني على الردود

بالنسبه للاخ راصد بيئي كفيت ووفيت يالغلا

والاخ الفوار 2008


انت تعرفني يوم تتكلم هالكلام

وبعدين الله حلل الصيد واقتناء كلاب الصيد اكرمكم الله

وانا جاي استفيد من اهل الخبره

وبعدين يوم تقول روح احفظ لك جزئيـن

انت ورى ماتروح تحفظ وتأم المساجد

مسوي فيها السديس يالفوار وانت مجنبها






(لكل فعل ردة فعل "مساوية" له في المقدار و"معاكسة" له في الاتجاه)

[قارا]

(لكل فعل ردة فعل "مساوية" له في المقدار و"معاكسة" له في الاتجاه)





ههههههههههههههههههههههههههههههههههه

تستاهل يافوار حطيت نفسك بوقف ما تنحسد عليه

يالله لا تحطنا بالموقف

هههههههههههههههههههههههههههههههههههههههههههههههههه هه

[الفوار2008]

والله أنك طحت من عيني يالفوار ,,

ليه ماتصلح له السلق تعرف الرجال يوم تقول هالكلام ,,

وأنت بعد لو حافظن لك جزئين بدال مانت جالس على هالنت بخيمة الصيد بالسلق أوفق لك ,,

لكن وسع صدرك وأنا أخوك وترا هالمنتدى مفتوح للأستفسارات وللأستفاده من راعين الخبره

وشكلك يوم ترد ضايق صدرك ,, أدري ولا أنت رجالن طيب ..

وكل واحد يعرف نفسه أذا ماتصلح له الهوايه يدخل به وأذا ماجازت له يجنبه ,,

وبالنسبه لأستفساراتك يالغالي الأخ راصد بيئي ماعليه تعدي كفى ووفى ومثل ماقلوا لك الشباب

أنتبه من شراء السلق وحتى المعروض للبيع خايس ومايستاهل تعبه دور من هالأصايل اللي

تطيب خاطرك وتنومسك بالمقانيص وتدريبه أنشالله أني أفتدك ,,


هلابك يالغالي

والله ماكان ردي له الا رد مشفق على اخوه
انا بقولك شي
انا كلامي ملخصه ثلاث امور
من ناحية البيع حرام
من ناحية الهوايه انا مادخلت قلبه لكن هل تنصحه انه يدخل عالم السلق والهوايه والولع وبكره يقول ياليت ماسقت روحي لها
انا حوالي خمس مرات اصرف السلق اللي عندي ولاخذت لي شهر قامت تفرك كبدي على واحد يسليني
ولاجا الشتا ولمنا عزبنا وخذ مقناص والا مكشات وهالسلق ماتفارقنا
بالله عليك تدري اني اعطي السلق وقت ماظن بعطيه لعيالي الولع شين
الامر الثالث
سبحان الله ونا اخوك
الحين اذا دعيته لأمر يغنيه بالدنيا والاخره صار ياملقح النخل لقح روحك
الله يجزاك خير والله يعلم اني قبل ماقول الكلمه افكربها زين وقبل لا ارد عالأخوان بالمواضيع اتركد واحسن الظن وابتعد عن سلب الناس حقوقهم
شاكر لك تعقيبك على مشاركتي
وابشر باللي يدخل يتفرج ويهج لن هالأيام مامن سلامه ان سبيت زعلوا وان نصحت زعلوا وان سكت ؟؟؟؟؟
واعتذر للأخ صاحب الموضوع
فيه اكثر من شخص يبيعون واعرف لك ارقام ناس منهم يبيعون بقيام تتراوح بين ال2000الى 3000ريال
بالحسا والحفر والدوادمي
شف من اقرب واحد لك واعطيك رقمه
وابشرك السلق حلوه خذ وشارك بمهد بتفوز شي معتبر
اخوك
ابوعبدالله

[الفوار2008]

بيض الله وجيهكم اخواني على الردود

بالنسبه للاخ راصد بيئي كفيت ووفيت يالغلا

والاخ الفوار 2008


انت تعرفني يوم تتكلم هالكلام

وبعدين الله حلل الصيد واقتناء كلاب الصيد اكرمكم الله

وانا جاي استفيد من اهل الخبره

وبعدين يوم تقول روح احفظ لك جزئيـن

انت ورى ماتروح تحفظ وتأم المساجد

مسوي فيها السديس يالفوار وانت مجنبها






(لكل فعل ردة فعل "مساوية" له في المقدار و"معاكسة" له في الاتجاه)



هههههههههههههههههه

الحمدلله على كل حال بعض الأخوه يقولون موقف لا احسد عليه

الا والله موقف احسد عليه وكبار العقل يفهمون معناه
الحين الواحد لاقال حق ودعى الا معروف قلتوا خله يعني هل قلت له مثلا بدال ماتطيح بالسلق رح ورب لك بقر ابرك لك
ياخوان الله اجاز الصيد بالكلاب
ما اجاز جرابيع تصيدها وترميها والاحصاني ومهدات
الواحد لانبهكم والا نصحكم قلتوا اعدل روحك اول وشف نفسك
انا اولكم والله وفيه اكثر من شخص بالمنتدى يعرفوني ويعرفون هالشي انا تركت السلق سنتين
بسبب قلة المقانيص واللي لجلها قنينا السلق
ولارجعت اقنيها الا من بعد ماردت ايام القنص وزانت الأوضاع
اخوي الغالي
تبي الجد
والله اني ماتحسفت فالرد السابق ولو جا غيرك بنقول له نفس الكلام
لعلي اسمع هالمره سميعا في بلد الصقهان
تقبل مروري وخالص احترامي وتقديري
وهي حروف لاتكلفك شي ان ماعجبتك نصيحتي لاتاخذها
اخوك
ابوعبدالله

[ابو الذهب511]

هههههههههههههههههه


الحمدلله على كل حال بعض الأخوه يقولون موقف لا احسد عليه


الا والله موقف احسد عليه وكبار العقل يفهمون معناه
الحين الواحد لاقال حق ودعى الا معروف قلتوا خله يعني هل قلت له مثلا بدال ماتطيح بالسلق رح ورب لك بقر ابرك لك
ياخوان الله اجاز الصيد بالكلاب
ما اجاز جرابيع تصيدها وترميها والاحصاني ومهدات
الواحد لانبهكم والا نصحكم قلتوا اعدل روحك اول وشف نفسك
انا اولكم والله وفيه اكثر من شخص بالمنتدى يعرفوني ويعرفون هالشي انا تركت السلق سنتين
بسبب قلة المقانيص واللي لجلها قنينا السلق
ولارجعت اقنيها الا من بعد ماردت ايام القنص وزانت الأوضاع
اخوي الغالي
تبي الجد
والله اني ماتحسفت فالرد السابق ولو جا غيرك بنقول له نفس الكلام
لعلي اسمع هالمره سميعا في بلد الصقهان
تقبل مروري وخالص احترامي وتقديري
وهي حروف لاتكلفك شي ان ماعجبتك نصيحتي لاتاخذها
اخوك

ابوعبدالله




يعطيك العافيه يابو عبدالله ع الكلام الجميل ولاكن عندي ملاحظه ع كلامك يوم قلت في الدوادمي سلق للبيع الكلام ذا متاكد منه طال عمرك؟وبعدين ياخوك مايبيع السلق الى الرخوم والي ماتخاف اللهـ
ياكحيلان