لمبة التانكي الاضافي على طول والعه

[446688]

السلام عليكم ورحمة الله وبركاته


يا شباب عندي عداد البنزين الاساسي مو مضبوط مخربط وقبل كذا يوم فرغت التانكي الاضافي كله وبعدين رحت وعبيت بنزين بس التانكي الاضافي لمبته بتلت مولعه وعيت تطفي .


الموتر سوبر سفاري 2005


ابي ورشه في الرياض تضبط الشغله حتى لو كانت غاليه اهم شي الشغل المضمون
انا ما ني اعرف بالرياض واجد شوي غشيم


شاكر لكم مقدماً

[عبادي 2009]

أفصل البطارية خمس دقايق وأرجع اشبكها

[ABO AL-HESH]

السلام عليكم..
اخوي اذا بالقصيم فيه ورشة فلب برياض الخبراء .. يضبطه لك ب500 ريال ومجربه انا قبل سنه والامور الحمد لله زينه..طبعا يضبط كل التانكيين ((طبعا الخراب من الاسيات))
اما الرياض ما ادري
وغديك تمر على هالموضوع عشان تصير على بينه..
http://www.mekshat.com/vb/showthread.php?t=301693

[mnahi]

اخي الكريم الموضوع صار معي على نفس الموديل ..........
.............فصلت الكتاوت ورجعتها ..........ورجع كل شي طبيعي

[خالد ...]

نفس المشكلة حصلت معــــــي واذا فيه شخص يعرف ورشة مضمونه وشغلها مضمون في منطقة الرياض يعطينا خبر عنها

[446688]

عبادي يعطيك العافيه فصلت البطاريه من قبل قلت يمكن يضبط التانكي الاساسي ولا ضبط بس لمبة التانكي ما فصلت البطاريه مشكور يالغالي .

ابو الهش وش اسم ورشته او محله اذا حصلت فرصه اجيه مشكور .

مناحي يعطيك العافيه ومشكور .

خالد في الصيف على عداد السياره ما عندي مشكله لكن اذا جاء الشتاء ومع كثر الفرفره ما ترتاح نفسياً لو انك تشوف العداد قدامك

انا سمعت عن ورشة التركي في الصناعية القديمة يقولون يزين العداد ولا ادري وين مكانه فاللي يعرف عنه شي ياليت يقول لنا ويصف محله واذا كان له رقم ياليت يسدحه لنا .