مكشات .. فقط

[الحضري]

السلام عليكم ورحمة الله وبركاته



أحبابي أول مره اشارك معكم بقصيدة لي .. أتمنى من الله انها تحوز على قليل من رضاكم



بسم الله



مكشات يامنتدى ضميـّـت صفوة رجال = تجمـّعوا في ذرا بيت ٍ متين الذرا

بيت ٍ تزْين السوالف فيه في كل حال = في جال ضوّه علوم رجال بيع وشرا

بيت الكريم المسمـّـى حاتمي الخصال = اللي على جرة الاجواد فـز وسرا

لا جيت يمـّـه تحسـّب بيته من الدلال = صفر ٍ تزاحم بعض ، واطيبهن اللي ورا

سوالف ابكـل ما يطري وجاله مجال = مثل النصيحه تقال .. في خطبة المنبرا

احد ٍ يعلم بمقناص أُم اذاني طوال = ( بالكلب ) والا على جيبـه في راس القرا *

واحد ٍ قنص بالنوادر في ربيع السهال = اصقورهم ندّرا واصحابها ندّرا

واحد ٍ ما يملى عيونه غير روس الجبال = متحزم الموت والبلجيك والميزرا

واحد ٍ يدّور بـدَن والا يدور غزال = والا يدور وبر في شرقة المابرا *

مافيهم اللي كلامه من صميم الخيال = كلامهم نصح لله .. مبعد من الزرا

ان قاله الله يا مكشات يبقى الوصال = مابيني وبينك ومابين كل البرا

مكشات يعني لي الرفعه ورب الجلال = اقولها للغشيم اللي بعد ما درا

الموقع الأول اللي صار صعب المنال = بعد الثريا من الحسـّاد عـنّ الثرا






وسلمتوا



* الكلب : اعزكم الله ( السلوقي ) ، والقرا : الحره

* شرقة المابرا : صخرة الوبر وسكنه والشرقه يوم يتشرق في الشمس :)







-

[zaad2000]

سلمت يا فتي الحضر مانت سهل قصيده ممتازه ولا تنغر ترا ماعندي سالفه بس حسب معرفتي انها جيده وانا ماني شاعر

دحدر يارجال ولو ان مافيه بدون ولا غزلان ( احد يدور بدن و الا غزال )
الناس هالايام تصيد كلش حتي الحصني صادوه يحسبونه ارنب والفاره صارت جربوع
الا علي طاري الصيد ماشفت اللي يطردون ناقه يحسبونها جربوع . ( انا شفتها بالجوال يعني ماهو قول يقال )

خذ هاذي علي نفس النوال

احد كسب من المنتدي علوم الرجال
واحد تفرج شويه وثمن دحدرا
يامحلا الفنجال مع سيحة البال
البال رايق وكل الشعيب مخضرا

[شَعَّـاااال]

العزيز الحضري

مع التحيه


صح لسانك على هذه المشاعر الصادقه


والله يقويك وحده ما تكفي ....

بالتوفيق

[الحضري]

ارحب يا زاد ههههههههههه

الله يسعدك يا شيخ .. تدري يالله دحدرنا :)


صح ابدنك ولاهنت يابعدي وشكرا لك ولتوقفك اما بالنسبة للبدون والغزلان قول يالله ان ربي يحييها من جديد وترجع مثل اول


فمان الله

[ريف النشاما]

هالله هالله

أول الغيث قطرة همن يجيلك مدلهم السحابي

أنت بدون مجاملات شاعر قوي المبنى والمعنى

ولكن أما أنك غير مكثر من الشعر أو مجالنا مايسمح لك

بس هذه مردوده لأن الشاعر شاعر و يستطيع أن يعبر بكل الضروب والدروب

القصيده جزله ومعاني أجزل

تشكر عليها ومكشات يستاهل مجمع الرجال

ولك مني أجمل تحيه

[الحضري]

شعال هلا وغلا


وجودك ياعزيزي كأنه غيم .. صح ابدنك ولاهنت


تحيتي

[ابو عايد]

هالله هالله

أول الغيث قطرة همن يجيلك مدلهم السحابي

الغالي الحضري ؛ يعطيك الف عافيه اختيار رائع

تسلم وصح لسانك

وتقبل تحياتي // العاشق الولهان

[الحضري]

المشرف العزيز ... ريف النشامى


الله يعلي قدرك يا غالي .. ثح ابدنك وشهادتك وإطراءك محل فخر وإعتزاز بارك الله فيك



بالنسبة للقصايد فأنا مقـل أو بمعنى ثاني كسول ، لكن ابشر بسعدك ان شاء الله راح تشوف الجاي الأفضــــل


فمان الله

[أبو رداد]

صح لسانك وبدنك يالحضري ..
ومن كريم لمستحق ...

[عجمي]

كفو واللة يالحضري ... :good2:

عز اللة كفيت او وفيت...

ويستا هل مكشاتنا :heart:

وننتظر جديدك :p

[اسيزو 4x4]

كفو واللة يالحضري وجزاك الله كل خير يالغالي

[الحضري]

أبو عايد


الله لا يهينك يا بعدي .. وصح ابدنك


شكرا لتوقفك الكريم هنا


في حفظ الله

[الحضري]

ابو رداد


تستحقون أكثر والله .. تواجدك شرف كبير أيه العراقي :)

أسأل الله العظيم أن يحمي بلاد المسلمين عامة وبلاد الرافدين خاصة من كيد كل معتد ٍ اثيم .... آمين يارب العالمين

في أمان الله

[الحضري]

هلا يا عجمي ..



ما عليك زود يابعدي .. وشكرا لتوقفك هنا وصح ابدنك


في حفظ الله

[غيث داورد]

اخي العزيز الحضري المعذره على التاخير لاني كنت خارج المملكة
واقول تسلم وصح لسانك وهذه بيتين تقبلها من اخيك




تعداد ما يبرق البارق بعرض الخيال =وعداد ماينزل المحرم ويطلع كرا
يامرحبا ياهلابك يا كريم السبال =ماطرك في كل خيمة مرنا وامطرا

[الحضري]

ايسوزو 4x4


هلا وغلا .. شكرا للتوقف الطيب وصح ابدنك





في أمان الله

[الصحاري-KING]

ما قصرت اخوي وتسلم

[الحضري]

تسلم يا غيث داورد

وصح ابدنك ولاهنت يا عزيزي ..

وشاكر لك تفاعلك بالبيتين التي في مضمونها عن الفين بيت .. وابقاك الله طال عمرك


في حفظ الله

[ابو طنب]

صح لسانك يالحضري بارك الله فيك



ولا تحرمنا من جديدك

[نواف محمد]

صح لســــــــــــــــــــــانك 0:j

[يا عمو]

صح السانك يـا الحضري قصيدة حلوه ........

الا بغيت أسالك من وين جايبها مـألفها .........من وين مصدرها

بغيت منك طلب لا تنسى تحط معاني الكلمات الصعبة ما عليك أمر ترها سهلت الموضوع ...

[كحيلان 11]

صح لسانك يا الغالي
ومنتدى مكشات يستاهل ويستاهلون اعضائه النشاما

[الحضري]

اخوي الصحاري




لاهنت يابعدي وصح بدنك وشكرا على المرور

[سبيع الغلباء]

صح لسانك...
ونشوفك السنه الجايه بشاعر المليون

[الحضري]

حياك الله اخوي ابو طنب



ان شاء الله نشوفك على خير وصح بدنك ولاهنت