للبيع ددسن غمارة 98 . يوجد صور للعروسة!

[فرامل]

......


.........


السلام عليكم ورحمة الله وبركاته


وأسعد الله أوقاتكم بالمسرات..


أعزائي


لدي سيارة ودي ابيعها وسأطرحها بين ظهرانيكم وعسى الله يطعمني وياكم الحلال.. قولوا آمين.


سيرتها الذاتيّة :) :-



داتسون غمارة ( الحمراني )


موديل : 1998


اللون : أبيض


الممشى : 440 ألف كيلو قابلة للزيادة ، السيارة قيد الاستخدام..


حالة المحركات : على الفحص افحص وين ما تبي..


حالة البودي : تم رشها كامل لتجديد الصبغ مع أن فيها من الأول طقيقات وسمكرات بسيطة لكن حبينا نطلعها عروسة :d
أمّا سالفة صدمات قوية داخلة على داخل أو انقلابات وتسدّح! فأبداً لم يحصل لها ذلك ولله الحمد وعلى الشرط..


الحالة العامة : تمّ التشييك عليها كاملاً وهي في وضع مطمئن ولله الحمد والقزازة الأمامية فيها كسر تحتاج تغيير..


الاستمارة : جديده ، والفحص منتهي


الكفرات : نظيفة وطقم ، مع وجود اسبير يمشي الحال


المكيف : لا يوجد مكيف .. يوجد هواية!


الدرقسون : لا هوا ولاهم يحزنون بل عادي


الصندوق : نظيف ومرشوش كامل..


من الداخل : وضعها طيب ونظيفه مع وجود بعض التنجيدات


السوم : ماسيمت


الحدّ : مالي حدّ


نسمع سوماتكم لو تبدأ بألف ريال..


الرجاء لا يسوم أحد إلا صامل لأني ممكن أبيع في أي لحظة


نرحب بالجادين في السومات من الشريطيّة ومدورين الرزق الحلال ومن الذين يرغبون الاستخدام..


لن تجدوا هنا الا كل ترحيب.


شعارنا ( الزعل مرفوع ) سم وانت صامل إن رغبنا بعناك وإن لم نرغب فحلالنا عندنا وفلوسك في جيبك والله يوفقنا واياك للأصلح ..
http://www.m5zn.com/uploads/2010/6/23/photo/062310000612dmismfjkktd.jpg




http://www.m5zn.com/uploads/2010/6/23/photo/062310000612rsicmr3t4bnf.jpg


http://www.m5zn.com/uploads/2010/6/23/photo/062310000612j56asbdic6uxc.jpg


http://www.m5zn.com/uploads/2010/6/23/photo/062310000612bhhg40nam1k4w.jpg


http://www.m5zn.com/uploads/2010/6/23/photo/062310000612c845tno5yiv6wkdj.jpg

[فرامل]

وين أهل الغمارة؟

كم نقول؟.. يا زباين يا شريطية

[محمد الظاهري]

انت شايل الخط الي عليها

[فرامل]

انت شايل الخط الي عليها

نعم أخوي محمد هي كانت خطّ ، ولكن يوم رشيتها كان لزاماً أن أزيل الخط علشان الرشة تضبط..

[كريم الطباع]

دامك تقول بدون زعل بطرح اللي في خاطري
واسوم 8000 فتحة باب على ما يقولون
لكن هل تركيب الكمبرسر فيه يضبط تعرف ذا الحر لابد من المكيف

[رآعي شآص]

دامك تقول بدون زعل بطرح اللي في خاطري
واسوم 8000 فتحة باب على ما يقولون
لكن هل تركيب الكمبرسر فيه يضبط تعرف ذا الحر لابد من المكيف



آخوي كريم الطباع: تقدر تركب فيها مكيف كامل وبكل سهوله عند اي ورشة متخصصه بهالشي انا اعرف واحد معه غمارة 92 عايدى وحولها مكيف بـ1500 بس



نسوم ب10000

[يوسف 206]

بسم الله نقول ١١٠٠٠
وهذا رقمي ٠٥٦٤٤١٥٨٥٠

[يوسف 206]

اخوي فرامل لاتبط علينا تراي اتحراك ترد لي

[الليزر....]

أخوي فرامل 11500 وتراي جازم

[الليزر....]

وكان بيعت رد علي بسرعه...

[باني طوية]

طيب هي كربريتر ولا بخاخ ؟ ؟

والله يوفقك ويرزقك

[ابوصالح3]

12 الف وهذا جوالي 0509068828

[فرامل]

مرحبا مرحبا بالجميع..
مرحبا بكم فرداً فرداً .. ومعذرة على التأخير لأني كنت مسافر الأربعاء والخميس والجمعة..

بالنسبة للمكيف وتركيبه والله ما عندي خلفية عنه أبداً ..

والسيارة يا باني طويه كربريتر

وبالنسبة للسومات فطيبة من وجيه أطيب..

لكن نرجو من الله أكثر ، والله يا اخواني السيارة كلفتني رشة وشغلات وتصليحات ، واستمارتها لحالها كلفتني 2400 ريال! كانت استخدام قريب لي ومن يوم طلعها ما جدد استمارتها!..

الآن السوم عليها12 ألف ريال ، من قال أكثر؟ وتراني والله بياع بس اعرفوا للعروسة يالربع..

[الليزر....]

اخوي اسوم 12200 ورد علي ووين موقعك يالغالي....

[فرامل]

اخوي الليزر

والله لو هي على الـ200 والـ500 والـ1000 ما تغلى عليك ابد ، لكن ارتفعوا شوي يا مال الغنيمة..
ومكاني الرياض..

[فهد33]

الله يرزقك البيعة الطيبة لكن وأنا اخوك مثل هذي ماتعرض بهالوقت هذي تعرض بالمربعانية الناس تبي مكيف وثلج ومقبلين على رمضان الله يلحقنا وإياك خير

[كيبك كبك]

الله يرزقك البيعه الطيبه

[الليزر....]

اخوي ارسلي رقمك على الخاص عاشان نتفاهم على كل شي

[المعني555]

الله يرزقك

[فرامل]

الله يرزقك البيعة الطيبة لكن وأنا اخوك مثل هذي ماتعرض بهالوقت هذي تعرض بالمربعانية الناس تبي مكيف وثلج ومقبلين على رمضان الله يلحقنا وإياك خير


يا رجال... افتح الهواية وتثلّج:p

[فرامل]

الله يرزقك البيعه الطيبه



الله يجزاك الف خير..

[فرامل]

اخوي ارسلي رقمك على الخاص عاشان نتفاهم على كل شي


شيّك على الخاص

[فرامل]

الله يرزقك


وياك يا اخوي..

[الليزر....]

اخوي تقبل بالبدل باهايلوكس 2008 غماره...

[فرامل]

اخوي تقبل بالبدل باهايلوكس 2008 غماره...


لا والله وانا اخوك مالي بالبدل..
أنا ابيّع اللي عندي واجمّع قريشاتي ابشتري جيب..
الله يبارك لك في الهايلوكس عدد مساميرها...

[فرامل]

يرفع يرفع يرفع

[majeds]

ماراح يرتفعون دامنك ماسك فرامل
هههههههههههههههه

[فرامل]

ماراح يرتفعون دامنك ماسك فرامل
هههههههههههههههه


ههههههههه

اللي ماسك فرامل انا مهوب هم!!

[فرامل]

السوم وصل 13,000 ريال
والرزق على الرزاق..

[فرامل]

السوم14,000 في موقع مستعمل

[كريم الطباع]

الله يرزقك

[bedroo]

الله يرزقك في بيعتها ان شاء الله

[فرامل]

الله يجزاكم خير جميعااااااااااً

السيارة بيعت عسى الله يبارك للشراي ويخلف عليّ بخير..

[ياسر المرعظي]

بسم الله الر حمن الرحيم

اشتري منك السياره 15000 ريال سعودي ياطيب
و هذا رقم جوالي 0500308317