فزعتكم يا اهل اللاندكروزر في المكيف

[yazeed999]

السلام عليكم
يااهل الجيوب عندي مشكلة في برودة المكيف وابي واحد شاطر في مكيفات اللاندكروزر وانا من اهل الرياض فزعتكم في اقرب وقت مثلكم عارف ما ينطاق الحر:s
والحين المكيف حااااااار وفي الليل بارد وعبيته في الوكاله فريون على الفاضي :(

[عتيج الصوف]

الله يعينك لو انك بالكويت كان علمتك ... هالرياض ما يقصرووون ان شاء الله

[عبادي 2009]

شيك على رديتر المكيف يمكن متوسخ

[عبادي 2009]

السبب هو ان رديتر المكيف ( المكثف - condenser ) لا يقوم بعمله بطريقه كامله و سليمه وكلنا يعرف ان عمليه التكثيف هي عمليه طرد الحراره من البخار او الغاز و تحويله الى الحاله السائله و ذلك بتمريره من خلال وسط ابرد من حرارته او تسليط الهواء البارد نسبيا اليه وكلما تساوت و تقاربت درجات الحراره في حيز التكثيف واصبحت متقاربه في درجات الحراره بمعنى لو لاحظنا الصوره الموجوده وهو الجزء الاحمر لاحظ اتجاه السهم الازرق اللي يرمز للهواء البارد نسبيا ستحول الى اللون الاحمر وهو يعني خروج الهواء اللذي قام بطرد الحراره من الغاز و تكثيف الغاز

واللي يصير هالايام ان الهواء الداخل و الخارج في حيز التكثيف حار في حار و بالتالي اثناء وقوف السياره تتساوى درجات الحراره تقريبا في حيز التكثيف ممايؤدي الى خلل في هذي العمليه و بالتالي يقل غاز الفريون المتكثف داخل المكثف وبالتالي يقل التبريد داخل المقصوره

وهو العكس تمام اثناء الليل ويكون التبريد ممتاز

احتمال ان كتاوت الظغط االعالي تقوم بفصل الكمبروسر الحمايه وذلك للارتفاع الظغط
واحتمال اخر تكون مروحه رديتر المكيف لا تقوم بعملها كما يجب
واحتمال ان الرديتر عليه اوساخ و تراكمات لابد من تنظيفها

والله اعلم

[marhoon]

كان عندي مشكلة في تبريد اللاند الاسبوع الفائت والعلامة أن الثلاجة ماتبرد. والمكيف شوي بارد و شوي حار.
عبيت فريون ومافيه الا صرف فلوس.

غيرت رديتر المكيف 400 ريال صيني والجك بلف وبعدين فريون أمريكي أصلي بي 250 ريال.
المهم دفعت المجموع 800 ريال والسيارة ماشاء الله ماشاء الله مافيها الا العافية.

[yazeed999]

مشكورين وما قصرتو بس اذا تتكرمون وترسلون لي على واحد شاطر في المكيف الخاص باللاندكروزر ولكم جزيل الشكر وما هي غريبه عليكم في الوقفه

[yazeed999]

يا جماعة الخير الفزعه تكفون علشان اليوم وبكرى اجازه يمديني اصلحه

[yazeed999]

وين اصحاب الجيوب اختفوا

[moooj]

اخوي مر على اقرب كهربائي وشيك ضغط الفريون
اذ بعد تعبئته بالوكالة يبرد والحين لا يمكن فيه تنسيم
اذا نفس المشكلة غير الفلاتر الي بالرديتر تجي صغار في التيوب الي طالع من الرديتر رايح للثلاجة يمكن منسد
وتأكد من فاصل كلتش الكمبرسر وانت فاتح الكبوت تشوفه يمسك ويفك والا ماسك على طول او ما يمسك بالمرة
الله يوفقك

[هارون97]

شيك على الفلتر أذا كان موديلة من الجدد

[النوبل]

أتجه لصناعية الرياض القديمه
مخرج 17 وانت نازل من الدائري الشرقي أول اشاره بعد النفق تاخذ يسار
يجيك تشالنجر يسار قبله تاخذ يسار لين تجي مركز الجابري قبالك
شف الشايب اسمه صالح وان شاء الله تزين امورك

تراه شاطر وقديـــــــــــــــــــــــــــم في الكهرباء والتكييف

حاول تجيه الصبح بدري يعني الساعه 7.30 وانت على الباب (عليه زحمه)

[HAS5SAN]

اذا جيبك من الموديلات الجديدة 2008 وجاي
فهذا الفلتر يبي له تنضيف
واذا من ال2007 وقبل
يمكن الفريون عندك يهرب والله العالم اذا سبق وصار للموتر حادث
عليك انك تروح لكهربائي شاطر يعبيه هواء فقط على ضغط عالي ويتركه ساعة او اقل
وكذا راح يتأكد إذا فيه تهريب ولا لا
بعدها تشوف الثلاجة والكمبرسر واشياء آخرى
ولكن التهريب هو اهم نقطة