Marine In Jubail

[MARINE]

السلام عليكم ورحمة الله وبركاته

اهدي هذه الصور الى منتدى مكشات وبالاخص الخيمه البحريه

واخص بهذا الاهداء لكل من النوخذه الكبير ابونواف والنوخذه العود اللى منور المنتدى بمشاركاته ابوعبدالله

هذه الرحلة كانت في الجبيل داخل القاعده البحريه والحمدلله الصيد كان طيب وكنا اربع اشخاص

وكان على رأس الرحلة (النوخذه) واترككم مع الصور

http://www.mekshat.com/pix/upload/images8/mk9190_315.jpg

http://www.mekshat.com/pix/upload/images8/mk9190_305.jpg

http://www.mekshat.com/pix/upload/images8/mk9190_312.jpg

http://www.mekshat.com/pix/upload/images8/mk9190_314.jpg

اتمنى انها تنال اعجابكم

MARINE

[FaHoOoDy23]

مشا الله عليك يا مارين كفو والله كفو هذا الصيد الي يطيب الخاطر و ما قصرت و بالعافيه هالصيد الطيب هذا و يعطيك الف عافيه

[brakoda]

ماشاء الله تبارك الله
ياسلام تحسسني باني اصيد معاكم
بالعافية أخوي marine

[gulfhunter]

السلام عليكم ورحمة الله وبركاته

حياك الله أخوي بوخالد.......... ماشاء الله عليك وعلى الغائب الحاضر النوخذه....... عدمتو البحر شمال جنوب....... قلي وش بقى .......... تسلم اخوي على الأهداء ونرده لك ان شاء الله ..........

ياعيني على السبيطيه والهوامير...............دلع في دلع

Gulfhunter

[ولد الوشم]

ماشالله تبارك الله على هالصيد الحلو.

انا اشهد انك سبع ماشالله عليك, والله يبارك لك في صيدك اخوي ويزيدنا وياك من فضله.

[SRDAL]

السلام عليكم ورحمة الله وبركاته ...

صبحك بالخير اخوي بوخالد .

مشكور وماقصرت على اهدائك وانشاء الله راح ارده لك .

ماشاء الله عليكم عيني عليكم بارده بصراحه تشكيله روعه وصيد حلو عليكم بالعافيه ..

يعني والله قليله بحقك كلمة نوخذه لحالها انت شيخ النواخذه .

والله يعطيك الصحه والعافيه ويوفقك .

اخوك / بونواف

[MARINE]

السلام عليكم ورحمة الله وبركاته

مشكورين وما قصرتوا وحياكم الله في الحل والترحال

فهودي تسلم لي والله يحفظك ومشكور وما قصرت

brakoda كأني احس انك كنت معي وقت الغوص ;)

ولد الوشم حياك الله واذا انا سبع انت ذيب طال عمرك وياهلا بك

اخوي ابوعبدالله الله يسلمك ويحفظك وترى رحلاتي كلها مع النوخذه

وما شاء الله عليه هو اللى حمسنا حق الغوص قبل 6 سنوات

اخوي ابونواف صبحك الله بالنور والسرور اذا انا شيخ النواخذه

انت السردال واعتقد انك تعرف ايش معنى كلمة السردال

والله يعافيك وترقبونا على الجديد ان شاء الله في الصيف

تحياتي لكم

MARINE

[gulfhunter]

السلام عليكم ورحمة الله وبركاته

مرحبتين ابوخالد هلاوالله بك وبالنوخذه والله يخليه لك وللمنتدى....... وان شاء الله بأنتظار جديدكم بالصيف الجاي ..... والله يهون عليك .......

Gulfhunter

[MARINE]

السلام عليكم ورحمة الله وبركاته

جزاك الله خير اخوي ابوعبدالله

هذا من ذوقك الراقي طال عمرك والله يسلمك

تحياتي لك

MARINE

[كران]

ماشاء الله تبارك الله ..

صيد طيب .. وتستاهلون اكثر ..

[صقر]

مشكور اخي marine صور رائعة وصيد وفير

وياليت تذكر لنا الأنواع التي صدتها

كذلك العنوان ( انجليزي) لك عليه .... ما كل الأعضاء يعرفوا انجليزي.

وعلى العموم مشاركة رائعة تضاف الى روائعك في هذه الخيمة .

بارك الله فيك.

[MARINE]

السلام عليكم ورحمة الله وبركاته

حياك الله وبياك اخوي كران ومشكور على المرور

مشرفنا العزيز صقر(marine in jubail) تعني مارين في الجبيل

اما بالنسبه لانواع الصيد السمك ذي اللون الاصفر والاسود فسكر

اما السمك الرمادي سبيطي

اما السمك البني وهو المشهور والمرغوب الهامور

تحياتي لك وان شاء الله قدرت افيدك

MARINE

[عاشق رباقه]

ما شاء الله تبارك الله .... صيد حلوووو كوكتيل ... عساه بالعافيه لا وصايدين معشوقتي بعد ;)

بس تعال اخوي ... القاعده البحريه فيها مكان لصيادين السيف والا لازم تدخل البحر بطراد ؟؟؟؟ :rolleyes:

[sam]

مشالله مشالله
ياسلام عليك ياخوي شنو هالزين هذا الصيد اللي يفرح الواحد ويخليه مبسوط على الاخر عليك بالعافيه

[Bader-M]

ما شاء الله
تبارك الله

صيد موفق


تقبل تحياتي

[ابو درع]

يعطيك العافيه

عرض وشرح جميل

[كشات]

بسم الله

السلام عليكم ورحمة الله

وش ذا يامارين
ماشاء الله تبارك الله

اما السبيطيه بالمسدس لها طعم خاااااااص

خوش تشكيله يا مارينا
الله يعافيكم ويهنيكم بالصحه والعافيه

[MARINE]

السلام عليكم ورحمة الله وبركاته

عاشق رباقه ياهلا بك وحياك الله معنا في مكشات وبالاخص الخيمه البحريه

اما بالنسبه لمكان الصيد في القاعده فيه مكانين على السيف وعلى رصيف بحري

اما بالنسبه لصيد السيف ليلا فيه شعور وشعوم وسبيطيه

اما على الرصيف البحري اطلب تجد فيه هوامير كنعد في الموسم جدود فسكر سبيطيه

لكن ممنوع اما بالنسبه لي صيدي كله في المكان الممنوع وفيه مكان ثاني ممنوع

وهو رصيف الميناء العسكري وهو ممنوع من الدرجه الاولى ولو يمسكون الواحد هناك

راحت عليه يعني يحتاج الى واسطه قويه شوي.... ما قلت لنا ايش هي معشوقتك ( بنت النوخذه )

sam حياك الله اخوي ومشكور على مرورك.

مشرفنا الغالي طاير بالعجه ياهلا بك معنا في الخيمه البحريه.

ابودرع مرحبا بك ومشكور على التعقيب.

اخوي الغالي كشات فعلا السبيطي له طعم خاص بالمسدس.

لكن فيه خطأ مطبعي ارجو الا يتكرر اسمي مارين وليس مارينا

لانه فيه فرق بين مارين ( البحري ) ومارينا ( المرفأ البحري )

تحياتي لكم جميعا واشكركم على المرور

MARINE

[عاشق رباقه]

بسم الله الرحمن الرحيم


الله يبقيك اخوي ويعطيك العافيه على المعلومات القيمة اللي قدمتها لنا

أما معشوقتي " الـرباقـه " هذا الإسم المتعارف عليه في سواحل البحر الأحمر وبعضهم يسميها " قــُمُــر" والإسم المعروف للجميع اعتقد هو " الفسكر " وهي السمكة اللي زعانفها صفراء بصراحه طعمها لذيذ ولحمها طري عموما أنا ما جربت السبيطي لحد الآن لأنه غير موجود في منطقتنا أو يمكن موجود في مناطق قريبه لنا وأنا ما اعرف ، لكن في أقرب فرصه إن شاء الله لازم أجربه ... ومن الأسماك المفضلة عندنا " الناجل " و " السيجان " ومعشوقتي طبعاً :) وإذا يوجد احد من حواتة البحر الأحمر يا ريت يشاركونا الحوار.

على فكرة تراني ما عرفت بنت النوخذه بس لا تعلم احد :j

اشكرك جزيل الشكر على المعلومات القيمة اخي الكريم

[MARINE]

السلام عليكم ورحمة الله وبركاته

اخي الكريم عاشق رباقه كيف صحتك ان شاء الله بخير

بالنسبه لبنت النوخذه لا تخاف ما راح اعلم احد ابخليهم يشوفون الرد بس :D

بنت النوخذه اخي العزيز هي الرباقه او الفسكرة وبنت النوخذه متعارف عليها في الخليج بشكل كبير

وانا سألت اكثر من شخص من على الساحل الغربي عن السبيطي قالوا انه غير موجود...

تحياتي لك اخوي عاشق بنت النوخذه

MARINE

[عاشق رباقه]

بسم الله الرحمن الرحيم
حياك الله اخوي مارين والمعذرة على التأخير في الرد

والحمدلله الصحه عال العال وإن شاء الله تكون انت بخير اخي الكريم

أجل بنت النوخذه طلعت هي معشوقتي :cool: لا يا عم حنا حدنا بحر وصيد وبس بناااات :no2: لأ

إصبر خل اشوف ام العيال راحت والا لأ :j وبعدين نتفاهم :p

عموماً مشكور على التوضيح ... بعدين اخوي أنا أحس إن مسميات الأسماك وكلام البحر عند أهل الخليج هو الأكثر أما عندنا في الساحل فالمسميات قليله وعاديه ما تحسسك انك راعي بحر ما أدري ليش؟ مع إن الصيادين هنا عندهم خبرات قويه وطرق مبتكره في الصيد وأماكن الصيد هنا فعلاً تختلف عن الخليج مثل راس الشيخ حميد، ومناطق كثيره يعرفها اهل المنطقه .... بس سؤال أخوي ولو أني طولت عليك .. هل يوجد أماكن صيد من على الشعب في الخليج العربي؟؟ يعني عندنا مثلاً نمشي فوق الشعب الين نوصل الحد وطبعاً المويه صافيه وتشوف ألوان الشعب وتشوف السمك بعيونك وتصيد من غير غوص إلا إذا كنت تبي متعه أكثر فما أدري هل يوجد هذا الشي في الخليج ؟

تحياتي لك اخي الكريم وشكراً على التفاعل

[MARINE]

السلام عليكم ورحمة الله وبركاته

اخي الكريم عاشق رباقه ابشرك انا بصحة تامه ولله الحمد

والله يكفينا شر هالبنات ومصايبهن ، عموما خلنا من هالحكي فعلا في الخليج تجد نوع واحد من السمك

له اكثر من اسم فمثلا السبيطي اذا كان صغير يسمى مزيزي والبراكودا يسمى دويلمي اذا كان صغير و جد اذا كبر

الفسكرة كما ذكرت لك الشعوم واذا كبر يسمونه عريضي وايضا الكنعد واذا كبر سموه جودر

وبالنسبه لاماكن الحيد عندنا قليله جدا في الخليج لكن تستطيع الصيد والغوص افضل بكثير ومن ضمن

المناطق الممتازة اللتي يكثر فيها المرجان جزيرة جنا وجزيرتي كرين وكران وجزيرة العربيه افضلهم

بالعلم انني لم اذهب الا لجزيرة جنا .

تحياتي لك اخي عاشق رباقه وانا تحت امرك

MARINE

[المحتسب]

ماشاء الله تبارك الله صيد طيب أخوي وبالعافية

[aziz2727]

ما شاء الله تبارك الله ..
ايه يا بعدي هذا الصيد والله .. جعله بألف عافية عليكم ...

[MARINE]

السلام عليكم ورحمة الله وبركاته

اخوي المحتسب حياك الله وياهلا ومرحبا

عزيز2727الله يعافيك اخوي ومشكور على المرور

تحياتي لكم

MARINE

[بحور]

تحية ،،
ماشاء الله تبارك الله .. بالعافيه والمرق الدافئ
تحياتي.

[المدمر (1)]

ماشاء الله عليك اخوي مارين انت ونوخذتنا

عليكم بالعافية

وان شاء الله قريب تشوفون صيدي بالبازوكا ( وجه يضحك )

[..الهواوي..]

مشكور أخوي على الصور
.
.
.

عوافي
.
.
.

[سمك سماك]

ماشاء الله عليكم بلعافية

[عريـق]

ما شاء الله هني ومري عليكم خوش صيد ما شاء الله تبارك الله

[ترتيب]

ماشاء الله تبارك الله صيييييد وفييييييييييييير -------------------- الله يعطيكم العافيه----------------ابيض وجه ----------اعطنى الحداثييييه

[محب صيد السمك]

صيد أكثر من رائع .... عليكم بالصحة والعافية ...

[عقام جدة]

يعيطك العافية اخوي Marine
على الصور والصيد ولا اروع
والسمك ماشاء الله احجام وانواع
يحبها قلبك عليكم بالعافية

[AlFdda]

ما شاء الله تبارك الله
صيد منوع وطيب
بالعافيه ان شاء الله