تسجيل الدخول

مشاهدة النسخة كاملة : يا صقارين مكشات ارجو الدخول


ابو عايد
30/05/2005, 12:21 AM
السلام عليكم ورحمة الله وبركاته

عندي طير رجله اليسرى فيها انتفاخ وانا اعالجه بعدة طرق جبتله دهان السده وخليته على الرمله ولا لاحظة سوى انها سابقا كانت قاسيه والآن فيها ليان وذهبيت الى مركز فهد بن سلطان الي بالرياض وكشفت عليه وقالوا الطير مابه شي وذلك عقب ما طاح ريش الي فوق بوزه وشكيت في بداية الامر انها جذره وقال المركز لا يوجد به جذره

ارجو افادتني يا صقاري مكشات


http://www.mekshat.com/pix/upload/images8/mk1748_DSCI00720.JPG

http://www.mekshat.com/pix/upload/images8/mk1748_DSCI00730.JPG

وتقبلوا تحياتي
المري
30/05/2005, 01:12 AM
مرحبا اخوي ابو عايد

جعل الطير مايشوف شر هو وراعيه..

بالنسبة للانتفاخ اللي في كفه هذي مرت علي اكثر من مرة وهي مالها رأس يعنى انتفاخ ولا يوجد جرح مثل السدة والحفاة

والجدره.. وديناه للدكتور فارس التميمي في الشرقية وعطاني 5 ابر وقال من يوم تعطيه اول ابره سوف تنفش , وفعلا

اول ابرة عطيته اياه في الثنداه بعد ساعة اشوفها قامت تصغر عن اول وبعد اليوم الخامس اصبحت صغيره جدا واصبحت

عثم يعنى ماتوجعه ولا شي ..

هذا مالدي

أخوك / المري
نايف الخالدي
30/05/2005, 10:09 AM
السلام عليكم اخوي ماازيد عن كلام اخوي المري بس بغيت اقولك ان الطير الي في وجه الضاهر انها جدره بس الي في كفه هذي كان عندي طير رابطه بسبوق واحد ويكفخ الين انتفخت بس انت شوف سبوقه يمكن راص عليه وغير ربطته وتخف بسرعه
ريف النشاما
30/05/2005, 08:10 PM
تسلم يابو عايد ويسلم طيرك من كل شر

أن كان الدعوى فزعه ابشر

تحيتي
فارس العجمي
31/05/2005, 01:24 AM
السلام عليكم يا ابو عايد
يمكن بكتيرا ووصخ يمكن مكان الطير وصخ ولما تعشيه يبقا الدم بين اسبوق والرطوبه مما يجمع البكتيره والوصخه وانا اقوولك انك تغير السبوق وتغير الرمال الي تحته وتخلي مكانه نظيف
وفي طريقه مافي احسن منه تعرف القالب حق الزراعه تمليه تراب في وجه العدوو وتخليه في الشمس لين يابس وتحطه عند الطير بدال الوكر والرمال انظف واحسن من الرمال وكل اسبوعين او اسبوع تغيره
واسف علي الطال
اخوك قرناس الجزيره
سلطان نجد
31/05/2005, 01:28 AM
بعدالتحيه
اخوي ابوعايد ماتشوف شر انت وطيرك
ابوعايد انا ما ابغى اعطيك معلومات مو متأ كد منه
لكن فيه واحد واضنك تعرفه في الرياض
اسمه العويدي يفيدك اكثرمني
واذا تبيه انا روحله انا وياك
وسلامة طيرك يابوعايد
راعي مسكت
31/05/2005, 02:20 AM
اخوي ابو عايد بانصحك نصيحه لله ولاتزعل علي والله اني صافط لك الخير فكه لوجه الله الله اعلم بادواه .انت عالجت وماقصرت ثانيا الطير صغير بغض النظر غالي عندك ولالا يعني مهيب خساره فيه الصدقه ..ولاتتعب نفسك ولاشي والله بيعوضك خير منه ان شالله . وسلامتك
اعقاب
31/05/2005, 01:44 PM
ابو عايد
مشرفنا العزيز
انت فكيته ولالا :D
لاصار ان الاخوه ادلو بدلوهم
انا ويش يردني ;)
اولا :p حلوه اللي يشوفني يقول هذا ماهو مخلي ولامبقي
بالنسبه للريش اللي في الوجه
صار مره عندي واكتشفت :good2: السبب
وش عنده
كان السبب هو ان الماء كان هماج-خور-مالح
ويوم غيرته وترجع المياه الى مجاريها :bounce:
اقصد نبت الريش من جديد
وحصلت عند احد الاخوه في مقيضه وعطيته :director: تجربتي وما شاف الا الزين

اما بالنسبه للنفخه اللي في الكف
الواضح انها ليست في الكف بل فوق الكف قرب الساق
اذا كانت يابسه -فقد حدثت عندي مرتين
الاولى مثل طيرك والثانيه بين الاصابع
والحل اللي سويته حميت سكين حاده على النار
وذبحت الطير :hot: وقف وقف :hot: امزح
فتحت فتحه بالسكين على مكان الورم-الفصاه
وطلعته وكان قطعه بيظاء مستديره مثل القلاع
وحاول مايقرب التراب لمدة يومين لين يتسكر الجرح
وحصل مره في قرناس وحش بعته في الرياض
كان الورم في لحي الطير الايمن وفتحه العويدي
وطلع الورم
تعبت من الكتابه :type:
ارجو انني افدت
سرهيد1
02/06/2005, 04:18 AM
بسم الله والصلاة والسلام على رسول الله
السلام عليكم ورحمة الله وبركاته

بالنسبة لما يظهر في فوق مناخر الطير فهو التهاب بكتيري عادة يصاب به الطير من الماء الاسن فعليك بتغيير الماء بشكل مستمر واستخدام مرهم موجود بالصيدلايات ضد الاتهابات البكتيرة وفي خلال اسبوع يشفى بأمر الله تعالى.

اما الانتفاخ كما يبدوا والله اعلم (( الصورة غير واضحه )) انه تكتلات دهن لاتضر بحول الله لكن يفضل البعض ازالتها وقد شرح الاخوان طرق الازالة . ولو اني لا انصحك بطريقة الابر حيث ان العلاجات بالحقن فى هذا الوقت تضر الطير . والله أعلم

ملاحظة للأخ ابو عايد (( السبوق اللذي تستخدمة للطير فى الصورة لايناسب لوقت الربط ))

ملاحظة للجميع .. يا أحبة كلمة (( إن شاء الله )) تكتب كما سلف وهناك خطاء شائع بين الاخوان فيكتبها (( انشاء الله )) وحيث كتابتها بهذه الطريقة تجعل من المعنى معنى انشائي اي من التعمير انشاء ... تعالى الله عز وجل فيرجى الانتباه لذلك
ابو عايد
06/06/2005, 04:06 PM
السلام عليكم ورحمة الله وبركاته

تسلم يالمري وكلامك صحيح واتفق معك ولكن

الابره مع القرنسه شيء خطير ... ذهبته الى مركز فهد بن سلطان

ولم يعرفوا العله الي فيه

نايف الخالدي و قرناس^الجزيره و سلطان نجد و راعي مسكت

مشكورين على مروركم واهتمامكم

الحر المسومر اقصد يا صقر الامارت

الي في وجهه من النامس قد تم علاجها والحمد الله

والله يجزاك خير


اعقاب الله يجزاك خير ومشكور على هالطريقه والنصيحة الزينه عقب ما يصفي الطير انشاء الله

سرهيد مشكور على مرورك وعلى التوضيح ومثل ما قلتلك هذا من الناموس

الله يجزاكم خير ويبيض وجيهكم

تقبلوا اجمل تحيه من اخوكم العاشق الولهان
ابو عايد
05/07/2005, 08:33 PM
السلام عليكم ورحمة الله وبركاته

أخواني بعد ما أخذت رايكم ياصقارين مكشات....... ؛ عملت طريقة شار علي فيها أحد الأقرباء في قطر قال جيب ماء دافي وفرشاة أسنان وتنظيف رجل الطير في اليوم مرتين لمدة أسبوع كامل وبعدها

ابشركم طيري شفى والحمدالله
http://www.mekshat.com/pix/upload/images8/mk1748_20050705ww.jpg
http://www.mekshat.com/pix/upload/images8/mk1748_20050705w.jpg
سرهيد1
05/07/2005, 10:15 PM
الحمد لله على سلامة المزيون يابو عايد عساه ما يجيك منه غير الشحم والفعول اللى تبرد قلبك
ابو عايد
05/07/2005, 11:29 PM
السلام عليكم ورحمة الله وبركاته

مشكور سرهيد والله يعطيك العافيه

تسلم يالغالــــــ ابو عبدالله ـــــــــي ويجزاك خير

وتقبل تحياتي // العاشق الولهان