تقطيع في اللاندكروزر

[القرقعة]

السلام عليكم ورحمة الله وبركاتة

شباب عندي تقطيع في اللاندكروزر عند التشغيل في الصباح ومع المكيف بعد

ولما ادوس بانزين تصفي السيارة وترجع تقطع وماني عارف ايش المشكلة

[moooj]

كم الموديل ؟؟؟؟؟

[ن م ر]

وش موديل سيارتك ؟؟؟

سيارتك 6 والا 8 سلندر ؟؟؟

ما نوع البنزين اللي تستخدمه 91 والا 95 ؟؟

متى اخر مره غيرت البواجي واسلاكها ؟؟

متى اخر مره نظفت البخاخات ؟ هذا اذا كان موترك بخاخ ؟؟؟

أخيراً سؤال مهم : وين موقعك ؟؟




هذه الاسئلة وغيرها نريد إجابه شافيه عنها لتحديد المشكله وعلاجها بإذن الله

[القرقعة]

سيارتي gxr 2004 سته سرندل

البواجي مغيرها من شهرين بدون اسلاك

البانزين 95
الباخاخات والله ماعمري نظفتها لان السيارة لها خمس شهور معاي والخبرة قليلة بمثل الانواع هذي

موقعي الشمال اخوي نمر

[عبادي 2009]

شيك على البخاخات وطرمبة البنزين أو الصفاية

أمسك به خط

[HAS5SAN]

انا اشهد امسك به خط لين يتفتف خل البخاخات تنظف
صدقني بعدها بإذن الله من يوم تحط المفتاح في السويتش هو لحاله يشتغل خخخخخخخخخخ
بشرط تكون مشيك قبل ع البواجي والاسلاك وطرمبة البنزين

[VXR.2007]

اضغط على الرابط


موترك ماهو صافي فيه تقطيعه عندي الحل ب 1 ريال واحد (http://www.mekshat.com/vb/showthread.php?t=218300)

[adil33]

روح لاي ميكانيكي خله يوزن الهواء حق الثلاجه وغير فلتر الهواء مو تنظفه وترده

[اكسير الحياة]

للرفع لتعم الفائدة

[بوعبدالعزيز84]

وعليكم السلام
كان عندي تقطيع بسيارتي خصوصا اذا قومتها بالنمرة الثانية غيرت بواجي وصفاية البنزين اللي تجي داخل الكبوت باللاندكروزر وضبط الموتر الحمدلله مع ان اللي غيرها لي قال جب اسلاك بواجي احتمال كبير التقطيع منها وسألت عن سعرها فوق ال400 ريال قلت غير البواجي والصفاية ونجرب وضبط ووفرنا ال400

[SGL]

خذله منظف مستوبيشي علبتين وحطها باالتانكي وبنزين نص ومحطه خط ونشاء الله يضبظ

[المغيليث]

السلام عليكم ورحمه الله وبركاته ... مشا الله ما قصرو الا اخوان في الرد ولاكن عنديلك نصيحه مهمه جدا جدا جدا .. على العموم البواجي الي تنباع في محل قطع غيار تيوتا هي دينسون ومن اسوء البواجي انا معي جي اكس 2002 فجئه قام يقطع ولاهوب صافيه المكينه انا عندي خبره فيها قلت يا بواجي ولا صفايه المهم قلت ابي ابدا في البواجي اول لي اني مغير مغير .. وغيرت بواجي جي ان كي هاذي البواجي هي الي تجيك من اليابان شد بلد والموتر جديد وتمشيك يمكن 120 الف وما يتغير الموتر عليك لاكن حسبي الله ونعم الوكيل على عبد اللطيف جميل ما يجيب الا دينسون تمشيك 15 الف ثم يبدا الموتر يتفتف ويقطع ... المهم البواجي هاذي تحصلها عند الحاج رضاء وراح يتغير عليك الموتر وراح تتعجب مررررررررررره من صوة المحرك وقوة الموتر وهدوء المحرك .. خذ رقم البواجي ورح دورها عند الحاج رضاء واسف اسف على الا اطاله