بغيت اماكن تفصيل الزوالي ( الفرش ) في الرياض

[علي1221]

السلام عليكم ورحمة الله وبركاته
ادور على زوليه( فرشه ) مقاس 4*3 ومالقيت في الرياض الكثر المقاسات 4*2 وين اقدر افصل او الي منكم يخبر لي محل يفصل ياليت يبعث لي عنوانه ورقمه

لاهنتوا ياخوان

[لاتكب البيالة]

السلام عليكم
المستودعات بحي الفيصلية بالرياض اذا بغيت تفصيل وان بغيت جاهز وارخص من غيرهم

[الرنوي]

مصنع السريع للسجاد والموكيت يفصل لك المقاس اللي تبيه

[عاشق الفكسار]

ترا تقدر تقص من الزوالي اذا بغيت بحدود 60-70 ريال اعتقد في سوق بن دايل
يعني اشتر زولية كبيره 3*5 او 3*6 وخله يقصها لك عالمقاس اللي انت تبيه
يمكن يصير ارخص من انك تفصل جديده

[شمالات نجد]

انت تبيها بساط للكشتات والا وشلون؟؟

اذا كان قصدك البساط حق البر تقدر تشتري بساط بالمقاس اللي تبيه (قطعه او قطعتين) ويفصلون له تنزاني في الغرابي عند حقين الخيام

واذا كان تقصد زوليه جاهزة رح سوق الزل في الديره

سلام