وش الفرق بين 2100 و 8000

[ملاعب الريح]

السلام عليكم ورحمة الله وبركاته
تحيه طيبه وبعد
عندي سؤال محيرني :confused: من زمان وهو
وش الفرق بين الـ2100 و الـ8000
أنا جربت 2100 أعرفه بس ما أعرف الـ8000
يليت يفيدوني فطاحل هذه الخيمه وشكرا
:good:

وتقبلوا خالص تحيات أخوكم ومحبكم في الله (بو سيف)

[صالح المطيري]

انا استخدمت النوعين ، ايكوم 2001 حق كرف ، صبور وما يخرب بس عيبه ترتفع حرارته لأنه ماهو مزود بمروحة من شكرته اللي صنعته ( ما حسبوا حساب للمناخ الحار في الجزيرة ) واذا ارتفعت حرارته يطفي وعليك تنتظر لين يبرد ، بس كثير من الناس تركب مروحة خارجية له وهذي تحل المشكلة تماماً .
النوع الثاني ايكوم 8000 وهو الذي لدي الآن وهو تطوير للسابق ومجهز بمروحة من الشركة ( حلو المشكلة! ) ولكن بما انه مليان ازرار وحوسة وريشته ناعمة لذلك خراباته اكثر ويحتاج محافظة من الغبار والشمس وكثرة الفك والتركيب .
ملاحظة : ايكوم 8000 يحتاج بطارية جيب او جمس علشان تقومه خاصتاً في الإرسال ، واذا كان للاستخدام المنزلي استخدم محول كهرب 16 امبير لأن ابو 10 امبير ما يقومه .
واذا تبي نصيحتي لا تأخذ ايكوم وخذ بداله كينوود وهو أفضل بلا منازع بس عيبه غالي شوي .

[ملاعب الريح]

1000 شكر لك أخوي (صالح المطيري) وفي انتظار باقي الاعضاء
وجزاك الله خير
وتقبل خالص تحيات أخوك ومحبك في الله (بو سيف)

[الخبير]

السلام عليكم
انا إستخدمت الإثنين والصراحة مافيه أفضل من ال 8000 لأنه أقوى إرسال فيه جهاز ذكي يحافظ على حرارة الجهاز!

اي جهاز تسيء إستخدامه يبي يخرب عليك.
وعلى فكرة ال 8000 مهوب ضروري تكون مركبه في جيب!

[صالح المطيري]

السلام عليكم
وعلى فكرة ال 8000 مهوب ضروري تكون مركبه في جيب!

انا قصدي عن البطارية لأنه يحتاج لبطارية قوية وهذي متوفرة في الجيوب والجموس ولا اعتقد أن بطارية سيارة صغيرة مثل الددسن تقوّم الإرسال في الأيكوم 8000 انا مجرب هالشي ولعلي مخطي .

[ملك الأيكوم]

اقوول

والله انكم غريبين

انا استخدم 8000 لي سنه ولاقد اشتكيت منه ويكفي انه يعكي75 واط غير المواصفات الثانيه والحين انا ناطله في الغبره وفي الشمس

[سفير الجزيرة]

السلام عليكم ورحمة الله وبركاته .

يقول المثل
(إذا بغيت تحيره فخيره )

أنا سامع ناس واجد يقولون إن 8000 خرابه كثير
وأخونا ملك الأيكوم يقول قوي !!! :confused:
والله ما أدري وش الحل ...

[صالح المطيري]

عن تجربتي الشخصية ، الأيكوم 8000 لاحظت انه بعض الأحيان اذا ضغطت الريشة يطفي الجهاز وبعدين يرجع يشتغل! اكتشفت ان بطارية سيارتي (جمس) كانت ضعيفة وركبته على بطارية جيب جديده واشتغل زين .
مرة من المرات طاحة الريشة على الطبلون وطفت الريشة خير شر واحتجت اصلح الريشه عند الفني .
غير كذا الجهاز خدمني كثير مع أن اريله الأصلي انسرق مني اول ما شريت الجهاز واشتريت اريل صغير من نوع ابوعقال ولكنه اقل مدى ولكن سهل التركيب والفك .
خلاصة الكلام الـ 8000 ممتاز لا غبار عليه بس يحتاج عناية واهتمام اكثر من 2100 وسلامتكم .

[الخبير]

السلام عليكم
ترى الجهاز ما يحتاج إمبيرات واجد إلا إذا كان مشبوك بمقوي ( يحتاج الجهاز لوحده من 10 -12 امبير ). الآيكوم 8000 من أفضل الأجهزة وانا خربت معي الريشة مرة بحيث إن زر الإرسال ماعاد صار ينضغط مت وفتحته وحطيت منديل وإشتغل. الجهاز مثل أي جهاز إلكتروني يمكن يتعطل إذا اهمل لكن إذا عرفت طرق صيانة بسيطة كل شئ بيتسهل بمشيئة الله.

[ملاعب الريح]

السلام عليكم ورحمة الله وبركاته
الأخوه
1- صالح المطيري
2- الخبير
3- ملك الأيكوم
4- هاوي 20000
أشكركم على المشاركه وإبداء آرائكم
وننتظر باقي الاعضاء واللي عنده شي زياده يقوله
وجزاكم الله 1000 خير
وتقبلوا خالص تحيات أخوكم ومحبكم في الله (بو سيف)

[ملك الأيكوم]

سم سم نفس الخبير

[ولد الأمارات]

السلام عليكم

اخواني الايكوم 8000 جهاز و نعم فيه و ماعليه كلام الصراحة. و انا استخدمة تقريبا من سنة و الحمد لله ما اشتكيت من اي مشكلة و دايما اراسل على الهاي يعني 75 واط ولفترات طوله. بس كل ما عليك اذا انت من النوع الي يراسل لفترات طويل بس تشغل المروحة على الهاي( يعني تزيد سرعه المروحه)و انسى مشكلة الحرارة 100%. و انا لاحظه انه كثير من الشباب ما يعرف يستخدم الجهاز يعني بس يعرف يضغظ على الريشة و خلاص.

بس ملاحظه هامة اهم شي الباور كبير شوي يعني 20 امير تمام . الان اذا خفت الطاقة على الجهاز تزيد حرارته بسرعه و يمكن يطفي لما تكبس على الريشة.

مع تحياتي ولد الامارات

[لهيب الشوق]

أعزائي: السلام عليكم ورحمة الله وبركاته....

أفضل جهاز 2100آيكوم....، واحذروا من2200 و8000 ......(هذا من واقع خبرة الشباب....

وشكرا للجميع......