حاااادث ارجو المساعدة

[حياة جديدة]

اخواني الكرام السلام عليكم ورحمة الله وبركاته
قدر الله وماشاء فعل
امس وانا واقف عند الاشارة وما دريت الا وراسي يضرب بالقزاز وزي اللي غبت عن الوعي ثواني المهم نزلت من السيارة الا واللي مشمع فيا من ورا وعادم لي السيارة من الخلف كاشعه كشعة ملعونه
المهم رحت للرجال ابي اتفاهم معه الا وهو داعس لها طبلونها شارد ويالله تمشي مغير دخاخاينها المهم جبته ولقيته الله العالم بحالة نزلته من السيارة وخليته ينقلع مشي يستر حاله واتصلت على المرور سحب سيارته وسئلني عنه قلت الرجال انحاش المهم سؤالي هنا ؟
سيارتي جديدة 2010 وانا ماببي اسويها غير بالوكالة على حساب المخطي هل المرور يجبرني على اقل ورشة ولا كيف النظام والسيارة كاش وتامينها يمشي حاله يعني مايشملها
ارجو لمن لديه الخبره يرد وشكرا

[السعدعالي]

السلام عليكم

أول شي الحمدلله على السلامه والحديد فدا راعيه وهذي من اخطر الحوادث وخاصه على رقبتك من الكسر ولا لاقدر الله

والثانيه إذا سيارتك موديل السنه أوقبل الموديل الاخير بسنه يحق لك تطالب بتصليح سيارتك بالوكاله
هذا اللي عندي والشباب ان شألله يفيدونك اكثر

[ابو كلام]

السلام عليكم الحمد لله على السلامه
1- المخطي اللى صادمك من الخلف
2-المرور مايجبرك تصلح باقل الاسعار
3- تاخذ التسعيرات من ثلاث ورش وحط فى بالك ان القطع اصليه ومن الوكاله ( يعنى اذا قال راعي الورشه هاذى القطعه تصلح قل لاااااااااااااااااااااااا ابغى جديد )
4-انتبه للاشيا الداخليه لا تكون متضررة لانها ما تبين
5-بعد ما تجيب النسعيرات مع سعر قطع الغيار وتاخذ فلوسك انت حر فى اى ورشه تقدر تصلح سيارتك
واى خدمه حاضرين تقبل تحياتى

[حياة جديدة]

مشكورين كفيتوا ووفيتوا والله يجزاكم خير

[بن نويشر]

حسب علمي أن القطع غيار إذا تجازوت أكثر من عشر قطع تحال السيارة إلى شيح المعارض لتقدير قيمة السيارة قبل وبعد الحادث .

والأمر الآخر لا تغتر كثير بالوكالة . ترى فيه ورش شغلهم أحسن من الوكالة ..


والحمد لله على سلامتك .

[ترهيم]

السلام عليكم

اخي الكريم الورش ثلاثه الي تعطي تقييم وتسعير للمرور طبعاُ ان كلمته وقلتله السياره جديده وابي وكاله يرفعلك سعر اجور اليد وان سكت نزل منها شوي طبعاً تسعيرهم شغل يد قطع الغيار تروح للوكيل حق السياره وتاخذ منه برنت باسعار قطع الغيار بعضهم يستغل الموضوع ويطلب على البرنت فلوس وبعضهم الله يجزاه بالخير لاش على حسب الموزع حقهم الاسعار اطلبها بدون تخفيض (ليس لطمع او الجشع او الظلم ) لكن الوكاله مهما كان اسعارهم اعلى من الورش على الاقل تعوض باسعار قطع الغيار بالشغل في الوكاله.

عموما السياره جديده ولا فيها قدم شوي دام اول مره ولا لقتها سمكره يرفعون حق شغل اليد.

اخي الكريم تأكد من القطع الداخليه مثال (السوبربان) جانبه الخلفى الايمين يحتوي علي ثلاجه التكييف الخلفي قيمتها اكثر من 4 الاف عند الوكيل تاكد ان السياره مافيها شي من الداخل .
الشمعه الإسطب حتي لو كان فيه شعر يتغير وكاله اطرافه البلاستيكيه الي تربط في البدي لو كسرت حتي لو لم يتضرر من حقك تاخذها وكاله .

[الشبل العجمي]

بسم الله الرحمن الرحيم

أخي الكريم

بنسبة للتسعيرات 3ورشة 1قطع غيار أصلي من الوكالة

ملأحظة : مثال للتوضيح

مثل التسعيرة الأولى 1000 والثانية 1800 والثالثة 2500

وقطع الغيار 5500

يخذوون الوسطية 1800 وتظاف عليها قطع الغيار 5500

1800+5500=7300ريال

يتم أخذ المبلغ المذكور أعلأة وتسليمة لكـ

الأن بعد أخذك للمبلغ أنت مخير با التصليح في الوكالة أو الورش

والقطع تريدها أصلية أو تجارية

أرجو أني افدتك أن أخطات فمن نفسي والشيطان وأن أصبت فمن الله


أخوكـــ/الشبل العجمي

[الغيور جدا]

الحمد لله على السلامة

وليتنا نبعد عن ذكر اللعن حينما نريد وصف الشيء العظيم

[توتاري]

الحمدلله على سلامتك ...

بنسبه لموضوعك اول تروح لم ثلاث ورش تسعر السيارع عندهم وياخذون منك اظن كل ورشه

30 ريال ...

بعدها تجيب تسعيره من الوكالة بالقطع المتضرره بعدها...

يقررون اذا بيودونك لم شيخ المعارض كان الله في عونك

لأنه بيبخس سعرها ... اخوي صدم على جيب لاندكروزر موديل 2007 موديل سنته كان

وقدروه بـــ 10 الاف وصلحناه بــحدود 13 الف يعني خسرنا ثلاثه الاف

وكان الله بعونك

[سفاري959]

واحد من الشباب موتره 2007 واللي صادمه تأمينه عند التعاونيه دخل موتره على الوكاله ولازال عند الوكاله ما خلص على حساب التعاونيه ما عليك انشبلهم قل موتري جديد وابي شغل وكاله الحمد لله على سلامتك وربي يعوض عليك

[towpaco]

بسم الله
انا صار لي حادث الاسبوع الماضي واحد عاكس الطريق واخذوه المرور

انا عندي تأمين والخطأ على الطرف الثاني بالكامل

أول شي لازم تاخذ تقرير من نجم
ثاني شي تاخذ ثلاث تقديرات من الصناعية
ثالث شي تسعر قطع الغيار
رابع شي تقدير شيخ المعارض

بعدها الوكالة يكملون اجراءاتهم اذا وفرت كل المتطلبات ومعك ورقة الاصلاح والتقرير المطبوع من المرور ..

هذا كله اذا عندك تأمين والخطأ مو عليك .. والله يوفق

[تناهيت]

لا حول ولا قوة الا بالله

الحمد لله على سلامتكم اخوي مقدر ومكتوب ولا اعتراض على حكم الله

اسأل الله ان يعوضك خير واخر الشر ان شاء الله
الاخوان افادوك ........انتبه لجميع ما ذكر اعلاه وخلك مركز زين لأن بعض الورش ما عندك احد وحاول بقدر الامكان انك تمر شيخ المعارض لأنه بيقدر سيارتك وهي جديده ويقدرها مره اخرى وهي بحالتها ويندفع الفرق لك

تحياتي