من يخبر لنا مهندس مكيفات؟؟

[دايت]

السلام عليكم

مساكم الله بالخير يالربع ..

ولا عليكم نبي لنا مهندس مكيفات مضبوط مثل حرارة الصيف..

نبي شغله 100% تكفون ..

ورانا سفر ان الله كتب ووييسر لنا..:good2:

في الرياض ولا عليكم امر.. :D

[دايت]

يالربع وينكم..

:)

[ابومدين]

وعليكم السلام ورحمة الله وبركاته
اخوي فيه واحد ان شاء الله انه بيعجبك شغله.. وهو متخصص بالتكييف ومشاكله
الوصف.. طال عمرك اذا تعديت البازعي وانت على الخدمه طريق خريص طبعآ
بتجيك اشاره ادخل معها يمين وجهك جنوب امش حتى تجيك اشاره تعدها
امش حتى يجيك مديور على يسارك شفه هو يمين على طول مقابل الفتحه
لحوته مكتوب عليها لتصليح المكيفات
قديم وممتاز ...........بالتوفيق

[دايت]

عافاك الله يابو مدين..

قصدك شارع الثلاثين قبل فندق السفير..؟

والا قصدك ورشة اليحي..

تراني منيب بعيد عن هالمناطق..

قالوا لي اليحي مب شين بس قلنا نسأل رجال مكشات..

لاخلى ولا عدم..

:)

[sarab88]

وش الموتر الله لايهينك

[ولد شيخ]

الصناعية القديمة وانت جاي من تحت كبري الخرج بإتجاه الشرق
اول إشارة ادخل يمين وجهك جنوب
تعدي اول تقاطع كبير شوف على يدك اليسار بعد تقريباً 200 متر محل اسمه السيف لوحته صفراء
الورشة اللي بعده مباشره كهربائي يفتح على شارعين واجهته غربية جنوبية ( ماريته شجرة كبيرة بينه وبين السيف)
يماني اسمه يحي وعنده فنيين هنود ورجال نصوح وشغله ممتاز

بالتوفيق

[دايت]

الموتر باث فاندر ياسراب..

حياك ربي..

:)

[دايت]

ولد الشيخ..

بيض الله وجهك وماقصرت ياغالي..

:)

[sarab88]

طيب ياعنوني انايوصفلك واحد بالصناعيه حق نيسان شفت محل قزاز السالم خله يمينك وسيد لين يجيك الراجحي خش بعد الراجحي يمين بعدين سيد يجيك تقاطع تعده ورح سيده لين يجيك حرف تي خش يمين بعده يسار على طووووووول يجيك على اليمين مكتوب عليه نيسان سعووودي يحبه قلبك وفيه واحد بعد اسمه ابو عادل هذا الى تعديت الراجحي خل الملف اللي قلتلك عليه لف مع الثاني سيد اول ورشه او الثانيه على اليسار وتقبل تحياتي

[asd0505]

السلام عليكم

مساكم الله بالخير يالربع ..

ولا عليكم نبي لنا مهندس مكيفات مضبوط مثل حرارة الصيف..

نبي شغله 100% تكفون ..

ورانا سفر ان الله كتب ووييسر لنا..:good2:

في الرياض ولا عليكم امر.. :D



رح لابو نايف :good: ولا تشاور ولايهمك صغر المحل الي يهمك النتيجة وانا مجربة والله يوفقك :D
http://www.mekshat.com/vb/showthread.php?t=201834

[دايت]

سراب + أسد..

عافاكم الله يابعدي..

وبيض الله وجييهكم ماقصرتوا..

:)

[حق الفيتو]

فيه باكستاني حلو شغله ومو مبالغ باسعاره ..

مكانه بالمحطه الزرقا تقاطع اكثم بن صيفي وثلاثين تايوتا اضن ،،

عليك براشد الاعور ازن اخلاق من اخوه عمران ،،

[دايت]

ماقصرتوا ياجماعه..

مرينا على ابو نايف اللي في موضوع اسد..

وصارت المشكلة من التروموستات والكمبيروسور خربان..

عافاكم الله..

:)

[omar 3]

اخبرلك واحد مضبوووووط ميه ميه

مجررب

3 يمانيه اخوان



اكبرهم مطووع وله 22سنة بالتكييف

وان شاء الله ماهم راعين غش ولا ذي الأمور امينين والشاهد الله



وانت على خريص بدايت خريص طبعا من عند النسيم


بيجيك شارع بين وكالت دوج ومرسيدس الجفالي


امس الشارع ذاك ووجهك شمال

تعد اول اشارهـ لين تجيك الطلعه اطلع معها تبي تشوف محطة يمنك وتلقى كراجهم