إستفسار عن قوة ماطور عند استخدامي لمكيف سبلت 12 وحده

[أبو شجون]

شباب السلام عليكم

هذا اول مشاركه في المنتدى
وبصراحه قريت كثير من مواضيعه ولقيته بصراحه مرمجع كبير

وحبيت اسألكم
انا فصلت بيت متنقل على قد حالي
و ابي اركب فيه مكيف سبلت 12 وحده (( 1200 وات ))
السؤال
الماطور الي أحتاجه كم يكون واته ؟؟ وهل اخذ ديزل او بنزين ؟ وكم راح يشتغل من ساعه ؟
ياليت ضروري

[موراكوت99]

حياك الله بين اخوانك ترى الديزل افضل وتقبل مرورى

[الحزوبر]

المكيف الفريون يسحب 7000شمعه مع بداية التشغيل ويرجع الى 4000شمعه يعني مكيف واحد لابد تاخذ لك ماطور مايقل عن عشره كيلو يعني عشرة الاف شمعه وطبعا الديزل افضل.

[أبو شجون]

اشكر الاخوان على ردودهم لا حرمكم الأجر

لكن 10000 شمعه كم تعادل وات ؟؟


وكذلك سيارت الكراكون المواطير الي فيها اشوفها صغيره ؟؟
ياليت لو احد يفيدني

[بن جعيثن]

المكيف 18 واحده يبي كهرب 1200 وات حسب علمي لكن 12وحده مدري كم وات خذ ماطور اكبروات من الحاجه المطلوبه لكي يتسنى لك تشغيل الحاجات الكهربائيه الثاتيه اراجواني وصلت لك الفكره

[اصيل نجد]

اشكر الاخوان على ردودهم لا حرمكم الأجر

لكن 10000 شمعه كم تعادل وات ؟؟


وكذلك سيارت الكراكون المواطير الي فيها اشوفها صغيره ؟؟
ياليت لو احد يفيدني
هلا بخوي بك بين اخوانك وكلنا اسره واحده واريح ترتاح معنى بالنسبه لاسؤالك والله ياخي اللى اعرف ان سيارات الكراكون والباصات الكبيره انها لها مكيفات خاصه ماتسحب كميه كهرباء ولا كان الكراكون مايكفيه محطه تمشي وراه وبالنسبه لاافضل المواطير طبعا درجه اولي الياباني وبالنسبه للوقود الديزل لاانه اقتصادي وعملي تحياتي لك وارحب فيك بين اخوانك .

[أبو شجون]

الله يعين
طيب فيه مكيف يقلون عنه
مكيف فريون متنقل

لو احد يعرف تفصيل عنه

لاني بصراحه ابي شيء يشتغل على ماطور بالكثير 4 كلو

[جيبي جايزلي]

اتوقع والله العالم مافيه مكيف فريون يشتغل علي 4 كيلو
يمكن مكيف صحراوي يشتغل علي 4كيلو

[Magellan]

اذا تبي تشغل مكيف فريون وسبليت
يبيلك مكينة كهرب ذو طاقة عالية...
سالفة 4000 واط او6000 واط مايمشي الحال
يبيلك مكينة لستر انجليزية تبريد هواء من 12 كيلو فما فوق
والمواطير حقات البنزين مايمشي حالها
أنا صاحب مخيم واكثر خبرة من اللي ردوا...
لأن الفريون يسحب كهرب بقوة
ولا بغيت تشغله تشغل المكيف قبل ماتشغل اي اداة كهربائية اخرى
لأن كهربة المواطير مومثل البيوت يعني تشغل كل حاجة على انفراد
ثم المكاين مع الاستخدام يبدأ يضعف دينمو الطاقة حقها بعد فترة من الاستخدام بسبب الاجهاد عليها
فـ12 كيلو بعد فترة تحصله مايجيب إلا8 كيلو وهكذا،،،
ولابد تجيب منظم كهرباء لأن كهربة المكاين ذو تيار متردد عشان تحوله لتيار مستمر

[كادر]

حسابيا
المكيف الشباك 18000 وحدة يستهلك من 10 الى 13 امبير اي 2200 -2900 وات في وضع الاستقرار
اي 4كيلو يمكن يشغل حسابيا 12000 بالراحة
واقعيا لم اجرب لان المكيف يحتاج جهد اعلى عند بدء التشغيل

[عشانا]

طيب ثلاجات التبريد الي على العربجيات والتريلات يشتغلا على بطرية السيارة
يعني فيه مكيفات صرفيتهن للكهربا متدنية قوة
اتوقع ان الذين يصنعون الثلاجات التي تركب على السيارات الكبيرة عندهم الخبر اليقين

[أبو شجون]

اذا تبي تشغل مكيف فريون وسبليت
يبيلك مكينة كهرب ذو طاقة عالية...
سالفة 4000 واط او6000 واط مايمشي الحال
يبيلك مكينة لستر انجليزية تبريد هواء من 12 كيلو فما فوق
والمواطير حقات البنزين مايمشي حالها
أنا صاحب مخيم واكثر خبرة من اللي ردوا...
لأن الفريون يسحب كهرب بقوة
ولا بغيت تشغله تشغل المكيف قبل ماتشغل اي اداة كهربائية اخرى
لأن كهربة المواطير مومثل البيوت يعني تشغل كل حاجة على انفراد
ثم المكاين مع الاستخدام يبدأ يضعف دينمو الطاقة حقها بعد فترة من الاستخدام بسبب الاجهاد عليها
فـ12 كيلو بعد فترة تحصله مايجيب إلا8 كيلو وهكذا،،،
ولابد تجيب منظم كهرباء لأن كهربة المكاين ذو تيار متردد عشان تحوله لتيار مستمر

معليش اخوي الان المكيف السبلت الي عندي
12 وحده يعني 1200 واط

وانت تقول المكيف يسحب 4000 واط ؟؟
السؤال كيف يصحب 4000 و الي مكتوب على المكيف 1200 واط
معليش ما فهمت هذا الاختلاف ؟

[almushraq]

اخوي على مااعتقد ان كل 10 الاف kv تعادل 8الاف kw

والقوة الكرهبائية المسحوبة من الماكينه عند بداية تشغيل المكيف الطن ونصف انا هنا اتكلم على شباك 1800وحدة

فيسحب حدود 6000وعليها ويرجع الى 3750 والطنين الى 4000 بعد التشغيل هذة القوة الكافيه لـ تشغيل الفريون

وعلى فكرة اذا اخذت ماكينه فعليك مراعاة ان يكون استهلاكك بحدود نصف قوة الماكينه حتى ماتحرق عليك المولد

واخوي اللي ذكر الستر ذو خبرة وكلامه واقعي ..

[عطارد]

أخوي خذ العلم من مجرب
اشتر ماطور كهرب بانزين 5 كيلو هوندا كاتم صوت وما جاك عندي وسعره بالوكاله خمسة آلاف ريال ومجرب عند خويي يتحمل السبيلت طن ونص ولا به خلاف

[سناوعيس]

اذا تبي تشغل مكيف فريون وسبليت
يبيلك مكينة كهرب ذو طاقة عالية...
سالفة 4000 واط او6000 واط مايمشي الحال
يبيلك مكينة لستر انجليزية تبريد هواء من 12 كيلو فما فوق
والمواطير حقات البنزين مايمشي حالها
أنا صاحب مخيم واكثر خبرة من اللي ردوا...
لأن الفريون يسحب كهرب بقوة
ولا بغيت تشغله تشغل المكيف قبل ماتشغل اي اداة كهربائية اخرى
لأن كهربة المواطير مومثل البيوت يعني تشغل كل حاجة على انفراد
ثم المكاين مع الاستخدام يبدأ يضعف دينمو الطاقة حقها بعد فترة من الاستخدام بسبب الاجهاد عليها
فـ12 كيلو بعد فترة تحصله مايجيب إلا8 كيلو وهكذا،،،
ولابد تجيب منظم كهرباء لأن كهربة المكاين ذو تيار متردد عشان تحوله لتيار مستمر

يالحبيب بعض الكلام افضلك ما تقوله والشباب فيهم الخير والبركة والخبرة والي ردو اجابو على السؤال مكيف 1200 واط كم يسحب على حسب خبرتك 12000 !!!!!
مايبيلها دكتور وارجو تقبل وجهتي نظري وكل واحد مكمل للاخر بكل تواضع وعدم تفاخر

[ابوسعدبدر]

الأخ السائل تحيه طيبه انا عندي غرفه متحركه فيها مكيف 18000 وحده شباك اللي يشغلها ما طور كهرب روبين 7500 شمعه . بنزين افضل واقوى هذا من تجربتي الشخصيه وهو عند الفانوس للمعدات بشارع الريل والقيمه بحدود 5000 ريال على مااذكر قبل 3سنوات ولكم التحيه

[ياهلي قلبي]

يا ابوشجون عند شركة هوندا ماطور 5ألف ريال يشغل بس مكيف واحد اضمن من كل كلام شباب
هوندا معروف استخدامه افضل

[هاوي112]

اخوي الديزل زين بس خرابه واجد

[أبو شجون]

حياكم الله

انا رحت لشارع الريل ومريت محل
بس والله ما اذكر اسمه

المهم عندهم كهربائي
وقلت ابي اشغل مكيف 18 وحده
قال خذ روبن 7500 وات و المشكله ما أكد لي المعلومة

و بصراحه انا لقيت اختلاف كبير في الردود
لو احد في الرياض وشغل مكيف 18 واحده
على ما طور 7500 وات
ياليت يعطيني خبر
يا اخوان الملبغ كبير
وما ابي اشتريه ثم اتوهق فيه

[بن قاسم 1]

حياكم الله

انا رحت لشارع الريل ومريت محل
بس والله ما اذكر اسمه

المهم عندهم كهربائي
وقلت ابي اشغل مكيف 18 وحده
قال خذ روبن 7500 وات و المشكله ما أكد لي المعلومة

و بصراحه انا لقيت اختلاف كبير في الردود
لو احد في الرياض وشغل مكيف 18 واحده
على ما طور 7500 وات
ياليت يعطيني خبر
يا اخوان الملبغ كبير
وما ابي اشتريه ثم اتوهق فيه

أخوي خذ الروبن 7500 بس بشرط
شغل الفريون لحاله حتى تسمع الكمبرسر
وبعدها تقدر تستخدم المبات وغيرها
طبعآ إذا تقدر على10 كيلو أفضل
أخوك مجربه ومافيه مشكله
زي الحلاوه
بالتوفيق ,,,,,,

[دل البحار]

الاخوه الكرام
انا فكرت نفس فكرت الاخ أبو شجــون في سالفة المكيف
طبعا لما تدور ببالك فكره لازم تبداء تسأل عن اصحاب المحلات للمولدات الكهربائية
المهم رحت يم الشركات من هوندا -يانمار - وغيرها من المواطير من اللستر الهندي الى كوبوتا
سالت كل واحد اجابو بأنه مكيف شباك او اسبلت 18 الف وحده يبيله ماطور بقوة 7 كيلو وأكثر
بالصدفه لقيت عنده ماطو يانمار كبير على عربة قلص سألته قال دا ديزل من اجود الانواع وضمان الى 10 سنوات القوه حقه 5 كيلو - ينفع قال ماينفع مع مكيف 18 الف وحده ولا بحفاية لانه اقل من 7 كيلو ونص
المهم لو فكرت بالمكيفات -لا تاخذ اقل من 7كيلو ونص ولومعاك اجهزه ثانية يبيلك 8 كيلو
وفيه صيني كاتم صوت ديزل من غييييييييير ضمان وسعره بحدود ال 3500 6 كيلو لا تشرية لانك بتبلش فيه
ماله قطع ودينمو المولد نفس الاسلاك من الضعيف يعني اشتر وعلى اقرب منفى
بعد عناء مع المكيفات لقيت مكيف جلاسه عند ساكو وسعره 1200 ريال ويشغله لك ماطورهوندا 20uعلى كلام الهندي الي بساكو مولد الهوندا 20u قوته 2 كيلو يعني يعطيك صافي 1700 وات
ارجو اكون افدتك

[م.سعيد]

يا اخوان
اللي يبي يعرف كم قوة الماطور او الماكينة اللازمة لتوليد الكهرباء يقرأ المعلومات اللي مكتوبة على لوحة بيانات المكيف ويشوف كم وات استهلاك المكيف او اي جهاز كهربائي.

1800 وحدة لا يعني ابداً 1800 وات

مكيف 2 طن (24000) وحدة يستهلك تقريباً 2200 وات وتختلف من مكيف للاخر
2200\220 =10 امبير

وقس على ذلك وخلك من قولة فلان وعلان واعتمد على الحساب الهندسي

وسلامتكم

[ابو باسل]

كلام سليم من الأخ عطار

اذا كان قوة المكيف 1200وات فايلزم عند بداية التشغيل ان تظربه في 3 يعني 3600واط وبعد ان يستمر يرجع إلى 1200 واط
وعلى هذا تحتاج إلى ماطور 3.6 ك

ومن الافضل لك ان تشتري 5ك حتى يكون الماطور مرتاح ويمكنك ان تشغل علية حاجات ثانية

[الفليحاني]

ياليت تفيدونا باسعار الماوطير
الــ5 كيلو بكم
الــ7 كيلو بكم
الــ 10 كيلو بكم
وكم كمية استهلاكهن بالساعة

[فهد الميهوبي]

انا شاري ماطور كاتم صوت من شركه هوندا 2000 شمعه
اخذته 3500 ريال
لكن مدري يشغل الفريون ولا لا

[بن قاسم 1]

انا شاري ماطور كاتم صوت من شركه هوندا 2000 شمعه
اخذته 3500 ريال
لكن مدري يشغل الفريون ولا لا

أخوي فهد مبروك عليك الماطور
هذا يشغل لك فقط صحراوي ربع حصان
أما الفريون لازم مكينه أفضل لأني جربت ماطور 7500 واط
بس ما كمل أسبوع وخرب الدينمو وأنصحك مكينه فوق 10 كيلو يعني 10000 واط أو شمعه
بالتوفيق وأي إستفسار حاضرين طال عمرك

[ولد العودة]

الأخ السائل تحيه طيبه انا عندي غرفه متحركه فيها مكيف 18000 وحده شباك اللي يشغلها ما طور كهرب روبين 7500 شمعه . بنزين افضل واقوى هذا من تجربتي الشخصيه وهو عند الفانوس للمعدات بشارع الريل والقيمه بحدود 5000 ريال على مااذكر قبل 3سنوات ولكم التحيه

ياليت اخوي لو انت في الرياض او قريب منها
بودي اشوف تشغل الماطور

لاني بصراحه بودي اشوف شغل الماطور قبل اشتريه

[حلم البحر]

السلام عليكم
أخوي تقول بيت متنقل الله يعطيك خيره ويكفيك شره
الاخوان ماقصرو لوتسأل الي يصممون البيوت هذي يمكن يعرفون ويقولولك الماطورالمناسب
ان شاءالله تلقى الي تسأل عنه
تحياتي

[باغي الخير]

السلام عليكم يااخوان ,

يقال مكيف 12000 وحده او 18000 وحده والمعني بها طاقة المكيف للتبريد و لا تعتبر وحدة استهلاك الكهرباء بالشمعه او الوات.
و لكن بشكل عام مكيف 12000 وحده يستهلك 2000 الى 2500 وات تقريبا.
تشغيل المولد من مكيف يحتاج حسبه خاصه يطول شرحها .
اتفق مع الاخوان ان اقل مولد يكون اعلى من 8000 وات

[tabtab055]

يرفع للمزيد من الفائده.........بعد اذن الاداره

[saldoba]

الموضوع قديم لكن احب اضيف نصيحة :
اذا بغيت تشتري مكيف وتشغلها على ماطور
اشتر مكيف كمبريسرها ((روتاري )) الطاقة الي تاخذها نصف
الطاقة الي ياخها كمبريسر البستن وكفاءة اكثر بالبرودة
يعني الماطور الي مايشغل المكيف العادي البستن يقدر يشغل الروتاري

[ابوخالد]

هل هذا نظام او ايش قصدك عافاك الله ليت زيادة شرح

[aljonaidy]

اخي الكريم اذا المقطورة فيها مكيف سبلت 12.000 وحده وكم لمبه وثلاجه صغيره راح يشغلها لك جنريتر 7000 بالراحة من شركة هوندا قيمته 15 الف ريال الاصلي طبعا والصيني 3600 ريال ،،،
لاكن هناك شروط بسيطة :
1- ان تقوم بتشغيل المكيف اولا قبل باقي الاجهزة . وتنتظر 15 دقيقة تقريبا لتشغيل الثلاجة و باقي الاجهزة البسيطة
2- ان تختار لمبات موفرة للطاقة انا وجدتها عند اللي يبيعون الطاقة الشمسية قويه ولا تستهلك الا 1.5 w .واتمنى لك التوفيق

[بلحارث]

اخي الكريم ا عتقد ان هناك مكيفات للسيارات تختلف عن مكيفات المنازل والدليل سيارات اللحوم و الادوية والمثلجات التي تجوب الشوارع فانت مر على الصناعية واسال الورش التي تركبها لانها تركب محليا اما انك تركب اسبلت وماطور صعبه ومكلفه واعتقد انها فكرة غير عملية