فرح شاهين بحري ما يهد ابدا (ســــــــاعدوني)

[elzouki]

السلام عليكم

اتمني من اصحاب الخبر يفودوني ما هو السبب ان الطير ما يهد ابدا حتي لو خليته في غاية الجوع

الطير هو شاهين بحري
فرخ (عمرة سنة)
الطير صيدينة مش تفريخ
((((وحش ))))
الحجم 14ونص واكثر
الصحة 100%

المشكلة عدم الهد علي جميع الطيور حتي في عاية الجووووووع

[صقار الأسياح]

اخوي انت وين مكانك وهل انت تهده الأيام هذي

[الكايد 123]

مسيك بالخير اخوي elzouki (http://www.mekshat.com/vb/member.php?u=170109)

اخوي ارحم الطير تبي تهده في ذا الحر والقيض

((((وحش ))))

وحش تفريخ تهجين جير
ما تفرق الحين محد يهد


تقبل مروري
اخوك الكايد

[elzouki]

اخوي انا ما اخلي يصد انا اجبلة الطير حي (حمام سمان فروخ دجا ج حي )

ما يهد علية وهو حي

ما يأكل الا المذبوع فهمتني اخو ي

[صقار مبتدئ]

اذا الطير وحش لا يمكن يصيد قدامك ابد
اما اذا كان الطير في المربط فا الطير صنيع

[شواهين]

شكل الطير جني عش ولا تعلم يفرس
حط لنا صورتة نشوفه
والله يعينك على بلواك ان كان جني عش

[Rembrandt]

مسيك بالخير اخوي elzouki (http://www.mekshat.com/vb/member.php?u=170109)

اخوي ارحم الطير تبي تهده في ذا الحر والقيض

((((وحش ))))

وحش تفريخ تهجين جير
ما تفرق الحين محد يهد


تقبل مروري
اخوك الكايد




وهل الطيور فى البرية ما تهد فى هذا الوقت؟؟؟

[هبوب]

هههههههههههههههههههههههههههههههههههههههههههههههههه ههههههههه

[بوعندودي]

السلام عليكم
ارحمو من في الارض يرحمكم من في السماء
ياخوي حرام عليك طير وحش وتبي تهد الطير بالحر هذا احنا البشر لو نطلع انتمشى فالبر الوقت هذا بدون تبريد او ظلال نموت شلون الطير
ياخوي اذا منت عارف للطير بيعه او هده لاتعذبه
وتقبل مروري

[elzouki]

اخوي انا عندي 3 طيور وهذا رابعهم

القصد اني اعطيه حمام حي او سمان حي ما يهد علية
لكن لما اذبح السمان او الحمام ياتي وياكل

[elzouki]

هو مربوط في مربط وفي ليبيا ما في حر زي دول الخليج

[سعود السهلي]

اه يادول الخليج

[Rembrandt]

هو مربوط في مربط وفي ليبيا ما في حر زي دول الخليج

خوى والله اعلم طيرك لسة فية وحاشة محتاج تدهيل.. اكثر من نقلة وعلمة طريقة الذبح واحدة واحدة ولا تعجل علية او ممكن انك تجوعة وتضع قطعة من اللحم المدمم على ظهر حمامة او سمانة وتكون مربوطة فى وكر الطير يعنى المسافة بين الطير والحمامة ما تذيد عن المتر وابتعد عن الطير وراقبة من بعيد واصبر علية وما تستعجل وممكن تلاقى الطير متردد شوى بس ان شاء الله راح يهد عليها .واذا فعل اقترب منة براحة وساعدة فى ذبح الطير وان شاء الله با لتوفيق وباقى الاخوة يفيدوك اكثر منى

[((ابو وعد))]

مالك الا حل واحد جوع الطير ...واربط قدامة حمامه باخر النهار قريب المغرب وجب قرناسة متعلمة وخلها تهد قريب منه وتذبح وتنتف الحمامة وتعلف واذا خلصت عطه شوي علف (تنسير) واستمر على هالوضع اربط قدامه الحمامة واذا ماهد هد القرناسة قدامه وقريب منه وبعدها بيهد ان شاء الله