انغشيت بسياره الشاصيه مضروب وش الحل

[ابومدين]

السلام عليكم ورحمة الله وبركاته

اخواني اشتريت سياره جمس وللاسف انغشيت فيها اناما مافحصت
الشاصي الا بعد ماشريت بشهر وبعد ماحصل رجه بسياره

ماودي اطول عليكم السؤال هل الشاص له حل وهل الرجه تروح
وين المحل الي يشتغله ......ولكم جزل الشكر

[الشبل العجمي]

بسم الله الرحمن الرحيم

أخي العزيز /أبو مدين

أول شي أكبر غلط أنك تشتري سيارة ولاتفحصها لأن الغش كثر في هاذي الأيام

الحل: رح لورشة (محترمة) لتصليح الشاصية

أخي العزيز هاذي قصة حصلت معي

ذهبت للحراج السيارات في الدمام أبي اخذ سيارة نظيفة وحصلت ذاك الجيب الوردة بمعنى الكلمة ... المهم أتفقت انا وياة على السعر وكان معقووول

وكان معي أخوي الكبير ولاكان لي نية للفحص المهم أخوي لزم علي أفحصة عند كمبيوتر

يعرفة أخوي رحنا له المحركات 100%
البدي100% بس مرشوش كامل

المهم نداني الفلبيني وكان معه سكروب وقالي السيارة فيها شاصي وملحم (ومعجن)

وصار يحكة بسكروب لين أكدلي ولا بعد صابغ الشاصي

المهم قلتله هاك سيارتك والكمبيوتر علي والمفروض الكمبيوتر علية

الأن السيارة الي فيها شاصي ماتثق فيها على الخط وتخاف من الأنقلاب لأسمح الله

أخي الكريم نصيحة لوجة الله بعها لو باقل من قيمتها وخذلك سيارة نظيفة وأشرط علية النظافة المحركات و البدي و(((((((((((((الشاصي)))))))))))))

تقبل مروري


أخوكـ/الشبل العجمي

[العابر2222]

أخوي ما اعتقد الرجة من الشاص ... الشاص اذا ماهوب موزون يسوي ميلان في سير السيارة ... وبعدين ما وضحت الله يعافيك هل هو لحاام أو عفط حادث

[علي عليوه]

الله يعوض علينا وعليك

أنا سبق انغشيت بسيارة مثلك سعرها حول 100 ألف شريتها من راعيها بالبر واستعجلت ما فحصت ولا شاورت

وبعد اسبوع بعتها بخسارة ولكن المشتري فاحص وراضي وقابلته بعدها بأشهر بالطايف صدفة ويتشكر

على العموم

الشور بعها بيعة واضحة واقنع بالخسارة لو كانت كبيرة وصدقني ربي يعوضك بخير منها ....

[المساجدي]

اذا العفط الى في الشاصي في الزويا الامامية او الخلفيه فسهل جدا تعديلة ويضبط الموتر 100% يسون له سحب شاصي وانتهينا
اما اذا في وسط الشاصي يعني الصدمة جتها من الابواب فأتوقع صعب

[accentkool]

اي سيارة فيها ضربة بالشاصي ماتنفع البيع الحل الوحيد لها ولا في غيرة

[Ahmad ss]

الله يعوضك خير

[صلفان.نجد]

الله يعوضك بخير منها وان شاء الله انها خسارة دنياء ماهي دين , والاخوان اللي نصحوا ببيعها اقول لهم اذا باعها الاكيد ان فيه شخص ثاني بيشتريها ولو شاوركم وش تقولون له ؟!!!!!!!!!!!!!!!.ولكن ان كان فيه مجال للاصلاح صلحها .

[نواف نجد]

الحل ودها للورشه ميزان العضيب الي بصناعيه طريق الخرج وهناك يضبطونها لاني دايم الاقي الجموس وارد امريكا هناك يعدلون الشاصي الله يعين

[prof2]

انا في رأيي انك تتأكد اول وتعيد فحص سيارتك وانصحك بالميزان الالكتروني فهو لا يخطىء ابد اذا كان عندك اي انحراف في الشاصيه يظهر عندك مباشرة او يمكن تم تعديل 100% فلعشان ما تخسر افحص مرة ثانية بميزان الكتروني
والله يوفقك

[بدوي جنوبي]

لا حول ولا قوة الا بالله

لا ضمير ولا امانه

الله يعوضك خير منها

بعض الضربات ما تأثر ،،، وبعضها خطير

والافضل تكشف عندى سمكرى فاهم وان شاء الله يدلك

بالتوفيق

[ابومدين]

الله يجزاكم خير جميعآ ماقاصرتو

السياره فحصتها عند البريدي بعد ماطلعت الرجه او الحره وراني اللحام في الشاصي وقالي ان جنبها مرشوش
وكلام واجد لكن مافيه احد متخصص بشاصي ولا اروح اي ميزان وبس

[السعودي88]

الله يعوضك بلموتر النضيف طيب ليش ما تغير الشاص وسعر اذا الموتر يستاهل من بديه ومكينه وعضلاته غير شاصي او اذا بتبيعه رش الشاص بويه مع تراب

يخفي اثرها مررره وتراب لا تنسى يكون اشهب مايل للبياض عشان الي بيشوفه بيشوف الشاص ما ينعرف انه مرشوش بيفكره شاصي نضيف رشه بويه مع تراب يسونه حقين الورش بصناعيه

وعلى الرجه اعتقد مو من الشاص يبيله وزن والفضل تشيك على الكفرات بعض الكفرات تسوي رجه في السياره توهمك انه يبيله وزن لا تنسا تشيك على الكفرات

[أحبك777]

8
8
8
8
قال رسول الله صلى الله عليه وسلم من غشنا فليس منا
لقد ذمّ الله عزّ وجلّ الغش وأهله في القرآن وتوعدهم بالويل، ويُفهم ذلك من قوله تعالى: { وَيْلٌ لِلْمُطَفِّفِينْ . الّذِينَ إِذَا اكْتَالُوا عَلَى النَّاسِ يَسْتَوْفُون . وَإِذَا كَالُوهُمْ أَو وَّزَنُوهُمْ يُخْسِرُونَ } [المطففين:1-3].

فهذا وعيد شديد للذين يبخسون- ينقصون- المكيال والميزان، فكيف بحال من يسرقها ويختلسها ويبخس الناس أشياءهم؟1 إنه أولى بالوعيد من مطففي المكيال والميزان.

وقد حذّر نبي الله شُعيب- عليه السلام- قومه من بخس الناس أشياءهم والتطفيف في المكيال والميزان كما حكى الله عزّ وجلّ ذلك عنه في القرآن.

وكذلك حذّر النبي صلى الله عليه وسلم من الغش وتوعّد فاعله، وذلك أن النبي صلى الله عليه وسلم مر على صُبرة طعام فأدخل يده فيها فنالت أصابعه بللاً. فقال: « ما هذا يا صاحب الطعام؟ » قال: أصابته السماء يا رسول الله. قال: « أفلا جعلته فوق الطعام كي يراه الناس؟ من غش فليس مني » وفي رواية « من غشنا فليس منا » وفي رواية « ليس منا من غشنا » [رواه مسلم].

[صلفان.نجد]

الله يعوضك بلموتر النضيف طيب ليش ما تغير الشاص وسعر اذا الموتر يستاهل من بديه ومكينه وعضلاته غير شاصي او اذا بتبيعه رش الشاص بويه مع تراب

يخفي اثرها مررره وتراب لا تنسى يكون اشهب مايل للبياض عشان الي بيشوفه بيشوف الشاص ما ينعرف انه مرشوش بيفكره شاصي نضيف رشه بويه مع تراب يسونه حقين الورش بصناعيه

وعلى الرجه اعتقد مو من الشاص يبيله وزن والفضل تشيك على الكفرات بعض الكفرات تسوي رجه في السياره توهمك انه يبيله وزن لا تنسا تشيك على الكفرات
من غشنا فليس منا,,,,,,, وتعاونوا على البر والتقوى ولا تعاونوا على الاثم والعدوان!!!!!!!!!

[عاشق المطاريش]

الله يعوضك خير منها .

[system]

الله يعوضك بلموتر النضيف طيب ليش ما تغير الشاص وسعر اذا الموتر يستاهل من بديه ومكينه وعضلاته غير شاصي او اذا بتبيعه رش الشاص بويه مع تراب

يخفي اثرها مررره وتراب لا تنسى يكون اشهب مايل للبياض عشان الي بيشوفه بيشوف الشاص ما ينعرف انه مرشوش بيفكره شاصي نضيف رشه بويه مع تراب يسونه حقين الورش بصناعيه

وعلى الرجه اعتقد مو من الشاص يبيله وزن والفضل تشيك على الكفرات بعض الكفرات تسوي رجه في السياره توهمك انه يبيله وزن لا تنسا تشيك على الكفرات


بذمتك ماتستحي ؟؟؟!!!

[الوسم للخيام]

السلام عليكم ورحمة الله
اذا كان الشاصي به ميلان فلن ينفع معه التعديل ابداً وستصبح السيارة حولاء تسير بغير اتجاهها
وانصحك تروح للمحكمة وتشتكي على صاحب السيارة وسترى ان شاء الله ان القاضي سوف يرد لك فلوسك غصب على صاحبها القديم وبدل ماتبهذل عمرك عند الورش رح وقدم شكوى بالمحكمة وانا اخوك فهذا البيع باطل

[السعودي88]

بذمتك ماتستحي ؟؟؟!!!


تعال يبو الشباب الحين يعني انت الي تستحي بس عايش فين انت

يبو ما عاد فدنيا حيا عشان الواحد يستحي
اذا هاذا راح وغشوه الرجاجيل عاده وش بيسوي في خيارين لا غيرهوما
يا انه يبكي عند حديده او يسترجع فلوسه
ماله لا كيذا متروسين في ذا الدنيا وين الواحد الي يصدق وخاصتن الشريطيه اكبر حراميه على وجه الرض وهاذي سالفت البويه والتراب من شريطي :f :director: :director: :director: :director:

[السعودي88]

اسمع يا ابو مدين اذا انت اخذت السياره من صاحب معرض تقدر تشتكيه للمحكمه ويرجع فلوسك اذا عندك نصخه من المبايعه امن شخص عابر سبيل مثل ما اقول ف الله يعوضك

[دامر الصيد]

الله يعوظك باحسن منها

[عاشق الكروزر]

تعال يبو الشباب الحين يعني انت الي تستحي بس عايش فين انت

يبو ما عاد فدنيا حيا عشان الواحد يستحي
اذا هاذا راح وغشوه الرجاجيل عاده وش بيسوي في خيارين لا غيرهوما
يا انه يبكي عند حديده او يسترجع فلوسه
ماله لا كيذا متروسين في ذا الدنيا وين الواحد الي يصدق وخاصتن الشريطيه اكبر حراميه على وجه الرض وهاذي سالفت البويه والتراب من شريطي :f :director: :director: :director: :director:

اخوي الله يهديك الدنيا مليانة من الطيبين والاجاويد.....الي يخافون ربهم

بس حط نفسك دائما في موقف الطرف الآخر هل ترضى على نفسك انك تنغش بمثل الطريقة الي شرحتها...؟؟؟


.........والله يعوضك خير يا راعي الموضوع...........

[صاحب نوماس]

الافضل لك تبيعها وتعلم اللي يبي يشتريها ان فيها شاصي

او تصلحا وتخليها للمدينة فقط لان الشاصي ممكن ينفك في اي لحظة وتقلب السيارة

[ابومدين]

جزاكم الله خير جميعأ
فيه ناس تقول بيع تحت الميكرفون سكر في مويه
وهذا مخالف لشرع لان الاصل حب لاخيك ماتحب لنفسك
ولو بعت بدبل مشتراك تمحق البركه وهذا مصداق لقول الرسول صلى الله عليه وسلم
لكن المؤمن مبتلى والامر ان شاء الله الى خير

مشتراي60 الف ريال تقريبآ وناوي ابيع بعد ردود بعض الاخوه
ورايح اعرضها ان شاء الله بالى تاقف عليه والحمدلله

والله لايريكم مكروهآ في مال او بدن

[السعودي88]

اخوي الله يهديك الدنيا مليانة من الطيبين والاجاويد.....الي يخافون ربهم

بس حط نفسك دائما في موقف الطرف الآخر هل ترضى على نفسك انك تنغش بمثل الطريقة الي شرحتها...؟؟؟


.........والله يعوضك خير يا راعي الموضوع...........


صادق اخوي والله يكون في العون :(

[المهمري]

الله يعوض علينا وعليك

أنا سبق انغشيت بسيارة مثلك سعرها حول 100 ألف شريتها من راعيها بالبر واستعجلت ما فحصت ولا شاورت

وبعد اسبوع بعتها بخسارة ولكن المشتري فاحص وراضي وقابلته بعدها بأشهر بالطايف صدفة ويتشكر

على العموم

الشور بعها بيعة واضحة واقنع بالخسارة لو كانت كبيرة وصدقني ربي يعوضك بخير منها ....




احسنت الله يكثر من امثالك

[المهمري]

السلام عليكم ورحمة الله وبركاته

اخواني اشتريت سياره جمس وللاسف انغشيت فيها اناما مافحصت
الشاصي الا بعد ماشريت بشهر وبعد ماحصل رجه بسياره

ماودي اطول عليكم السؤال هل الشاص له حل وهل الرجه تروح
وين المحل الي يشتغله ......ولكم جزل الشكر



وازيدك من الشعر بيت اخوي اشترا من الجميح جمس جديد لقى فيه رجه ولا صلحها الجميح زي ماقال على الضمان بعد شهرين لقا اثر رش بحد البواب وراحت في مهب الريح واكلها اخوي

[الباثفندر 3.5]

الله يعينك و يعوضك خير

[ابويارا1001]

الله يعوضك بخير

شوف لك سمكري فاهم ومشهود له يصلح الموتر

انا ما اعرف مدى ضربة الشاصي عندك بس ما هو بالضروري ان الرجة منها

انا قدر شريت اكثر من سيارة فيها شاصي مضروب وانا على علم بذلك

واستخدمت فترة طويلة وبعتها وبينت عيبها ولا فيه اي مشكلة




وممكن يتصلح الشاصي بس يعتمد على مكان الضربة وقوتها


والله يجعلها دفعة بلاء عنك


بالتوفيق

[moooj]

اذا السيارة بها سحتية يعني يمسح الكفر من جهة او فيها حذفة
فما راح تنوزن ابد
اذا الأمور تمام استعملها والله يوفقك
اهم شيء تأكد ما هو مقصوص قص وملحم لأن اللحام ينفك اما اذا ضربة ومعدلة فما عندك مشكلة ما دام ما ياثر على مسحية الكفر وتوازن السيارة
شرينا سيارة 91 على ايامها وكان الشاسي مضروب من اكثر من مكانن وملحم وكل 6 شهور تغيير كفرات ووزن اذرعة ولا فيه فايدة
قل حسبي الله ونعم الوكيل
وربي ما يضيع حقك ان شاء الله

[صلفان.نجد]

اتمنى من الاخ المشرف ان يبادر وبسرعه لحذف مشاركة من يدعون الى الغش في ردودهم وهذا يدل على انهم لايفرقون بين الحلال والحرام والافضل الغاء اي مشاركه لهم في اي موضوع لانهم بطريقتهم هذي لايمكن ان يقدموا مشوره طيبه او راي .

[أبو عبد الوهاب]

أسأل الله أن يعوضك بخير منها..

[بن جعيثن]

الله يعوضك خير

[يتيمة الدهر]

الحمد لله على كل حال
1/ رح لسمكري محترف يكشف على الشاص يحدد مكان الضربه وهذا مهم إذا يمكن تصليحه بالتعديل وأبعد عن القص والتلحيم وأولا وأخير يعتمد على درجة الضربه ومكانها
2/ بيعها بشرط تخبر المشتري عن مشكلة الشاص وأبعد عن الغش وانا خوك لو تحرق السيارة ولا تغش فيها مسلم ولايروح شيئ عند ربك والله يوفقك ويكتب اللي فيه الخير

[((ابوملاك))]

الله يعوضك بلموتر النضيف طيب ليش ما تغير الشاص وسعر اذا الموتر يستاهل من بديه ومكينه وعضلاته غير شاصي او اذا بتبيعه رش الشاص بويه مع تراب

يخفي اثرها مررره وتراب لا تنسى يكون اشهب مايل للبياض عشان الي بيشوفه بيشوف الشاص ما ينعرف انه مرشوش بيفكره شاصي نضيف رشه بويه مع تراب يسونه حقين الورش بصناعيه

وعلى الرجه اعتقد مو من الشاص يبيله وزن والفضل تشيك على الكفرات بعض الكفرات تسوي رجه في السياره توهمك انه يبيله وزن لا تنسا تشيك على الكفرات

والله مابك حيا ولا مرجله

لكن ما اقول الا الله يرزقك بسياره تنغش به عشان تعرف تثمن كلامك مره ثانيه

[hightech]

يا رجال صلحها وان شاء الله بيبارك الله فيها او اعرضها للبيع بشرط انك توضح المشكلة

وبرزقك الله من فضله ،

[مخ سعودي]

وانا اخوك افحص الشاص عند ميزان اليرموك والعضيب والبلاد ترى الفحص مجاني وبعدها اذا شفت اجتماع في كلامهم الحث عن السعر الطيب فيهم
علما ان شاص السياره يتراوح حول ٥٠٠٠ الاف تقريبا بالتشاليح اذا كنت حريص لكن مادام مافيه مسحيع او حذفه او ميلان فتؤكل على الله واستخدمها